再一次愛上沒有放下的舊情人: 十

「呀成」我身後傳黎一把女聲，我轉身一望，原來只係呀Wing把聲黎，或者佢見我既表情由驚訝變到失望，佢既表情亦都好難堪

「對唔係」我知道依句對唔住只會受佢更加難受，但除左對唔住，我都唔知可以講咩

望住呀Wing失落既樣，似乎我既抱歉作用並唔大，我輕輕拍一拍佢個頭，示意佢唔好放係心入面，而佢亦都對住我苦笑左一下

我同呀Wing一齊係地鐵站四圍行，途中一句說話都無講過

突然，呀Wing問：「如果你今日搵唔到佢，而佢亦再一次消失係你生命中，你會唔會選擇同我一齊」



依刻，我真係好似動漫入面既主角咁，一個敵人未打完又出現一個，雖然呀Wing唔算得上係美人，身材亦都唔係好好，感覺只係似兄妹

但依段無Karen係身邊既日子，佢就係同我最親近既女仔，雖然唔係反感但又未到愛，而之前拒絕過一次，如果我再拒絕佢一次，我唔知佢會變成點

正當我想答佢既時候，我再一次離遠見到Karen既背影，我立即跑過去，捉住佢隻手

「Karen」我大聲說

「呃...你係？」出現我面前既，係我從來唔認識既陌生人，依個時候差唔多成個地鐵站既人都望住我，就好似我係個痴線佬咁



「對唔住，認錯人」我連忙道歉，好彩個位女士無責怪我，呀Wing見到我咁尷尬既樣都忍唔住笑，而我就繼續紅都面曬咁

突然，有一道殺氣係我身邊湧上心頭，我四圍望，結果我見到在不遠處，Karen正望住我地兩個

佢見到我發現佢之後拔足狂奔，當然女仔跑得比男仔慢，而且Karen運動都唔係好叻，所以好易就追得上

我追到上去立即捉住佢隻手，說：「仲唔比我搵到你」

依個時候Karen打左我一把，然後說：「余志成，我係到等左你咁耐，你竟然同個女人係到嘻嘻哈哈，你對得我住呀」



「唔係呀，我...」我都未講完佢就再打多我一把

「其實我只係佢同事黎，咁岩我經過附近，所以咪幫佢搵你囉」遲黎既呀Wing連忙幫我解話

「係呀，我岩岩連錯人，以為個個係你，呀Wing佢都係笑我樣衰咋」

「... ...」Karen聽到之後，似乎知道自己怪錯左我

「你唔信我呀？」我扮可愛地說

「唔係...」我見佢一對眼已經變得紅腫，我即刻攬住佢，安慰佢

「傻瓜，我點會鐘意第二個，我等左你都咁多年啦，都唔會咁少難關都過唔到，依到係我地第一次約會既地方，我表白既地方，我地初吻既地方，我點會搵唔到」

雖然係Karen心目中，依番話可能好感動，好浪漫，但係呀Wing心目中，依番話就好似一把刀咁插落去個心到



我不由自主咁望向呀Wing，佢對我微笑一下就走了，我知道，今次對佢打擊一定好大

「傻仔成你肚唔肚餓呀？」Karen說

唔講都唔覺，其實我並無食晚飯，而且晏就個餐只係食左好小野，所以個肚已經打曬鼓，Karen聽到我係到打鼓，係到偷笑，我馬上錫向佢既嘴唇

「喂也，街黎架」Karen尷尬地說，然後推開我

「你想食咩呀傻妹」我問

「跟我黎」Karen偷笑，依個笑容，奸得黎好甜，於是我就跟住佢，去我最唔敢去既地方