再一次愛上沒有放下的舊情人: 九

「Karen！！！」我大叫著，但佢彷彿沒聽入耳，一直走。每逢假日，尖沙咀都人山人海，水洩不通，唔好話跑，想行快幾步都難

我望住Karen消失係人群中，我唯有安慰自己，我見到既只係一個好似Karen既陌生人

我企埋一邊，望住地鐵站入面既人，再諗唔到點先可以搵到Karen，佢就好似突然切低消失左咁

偏偏依個時候電話響，好似唔比我再放下腳步一樣

「講野呀」



「你抬起頭呀」對方講完之後，我好快就跟住佢講咁抬起頭，企係我面前既，係呀Wing

佢衣著唔係平時既OL裝，只係普通短褲，T-shirt，亦都唔似平時咁化曬妝，望落去更加順眼

或者佢見我呆左，就先開口講：「呀成點解你係到既」，如是者我就將所有發生過既野話比佢聽，而佢亦都聽得津津樂道，可能佢只係當故事咁聽

「其實可能佢想睇下你地有冇有緣份呢，話曬你地都咁耐無見，但佢比得機會你，都證明佢仲愛你啦」

「但係最大既問題係，我搵唔到佢」



「唔緊要啦，有我幫你手嘛」呀Wing勉強地笑著說

「拿，我就搵綠色上面個啲，你搵埋藍線紅線啦」

「咁好啦，你搵到打比我」我依然笑唔出，呀Wing講完就好快走左，旁人唔知以為係我幫佢搵緊男朋友咁

於是我由紅線一直搵，搵到去藍線尾站，但除左個一次係尖沙咀見到個好似Karen既背影就再無進展

於是我決定搭車去番尖沙咀仔細再搵一次



依個時候，電話又響，我心諗，唔通係呀Wing搵到Karen？？？

點知唔係呀Wing，而係Karen！！！

「喂你係邊呀」我急著說

「呀成呀，你記唔記得我地第一次出街係邊呀？」Karen細聲地說，似乎佢喊完先打比我

「我記得呀，尖沙咀囉」

「點解你咁記得但咁耐都唔過黎呀」講完依句佢就收左線

其實我真係好想話佢知我岩岩見到個好似佢既人，但當我再打番比佢個陣，電話又再一次飛左去留言信箱

我即刻打比呀Wing叫佢去尖沙咀幫手搵，雖然我知道佢幫我純粹係鐘意我先肯咁落力，但依刻確實只可以依靠佢既幫忙，就當係我欠佢一個人情



又一次番番去尖沙咀站，已經係夜晚8點幾，我相信如果我仲係搵唔到佢，佢好快會走