再一次愛上沒有放下的舊情人: 二十一

今日成日都走黎走去，又要去見大老闆又要去其他公司傾合作

雖然我可以將啲野扔比其他人做，但如果我咁做咪同其他人一樣

所以我寧願自己辛苦啲，自己一個做到夜晚九點幾

「你仲未走既？」Karen說

「做野嘛，你唔番去先？」



「我係你秘書黎架嘛，你都未走我點敢咁早收工」Karen開玩笑說

我沒有多說，慢慢走到佢身邊，攬住佢幼細既腰

我地互相對望，佢紅紅既臉頰，尷尬既表情，好似想引誘我同佢親吻

我哄向佢，見佢亦無反抗，我便吻下去

我的舌與她的纏繞著，口內既氣味令人沉醉，彷彿世界只有我倆一樣



而佢卻係依個時候推開我，佢既反應令我無奈

「依到公司黎架，一陣有人入黎點算喎」

見佢尷尷尬尬，我亦都無強人所難

「你食左野未呀」Karen撒嬌地說

可能佢見我唔出聲，覺得我嬲左佢，佢亦都連忙使出撒嬌攻勢



「唔好嬲啦，唔好嬲啦」

其實我真係無嬲，但作為男人，咁樣比人拒絕真係好無面

我一路都無理佢，過多一陣，見佢無出聲，我抬頭一望

見佢雙眼通紅，我自知自己玩大左，連忙解釋一下

「我無嬲呀傻瓜，我扮下嬲架咋，唔好喊啦，最多我應承你唔再咁啦」

佢見我一臉擔憂，不禁一笑，然後攬住我說：「知道啦，我愛你」

依句我愛你，係我同番佢一齊咁耐第一次聽，特別令人心動

我係褲袋拎出紙巾，幫佢抹掉眼淚，然後問：「你食左野未呀」



佢無出聲，只係搖頭，或者佢一直餓住等我收工

諗番佢做咁多野都係以我行先，我反而咁樣對佢，心裡又是內疚

「我地去食野啦」我拖住佢隻手，希望比番啲安全感佢，佢今次亦都無拒絕我，跟住我行

依晚，佢成晚都好小鳥依人咁跟住我

如果，真係可以同佢一世，幾好呢