再一次愛上沒有放下的舊情人: 二十

「大家好，我叫Karen，今日第一日番工架，我叫Karen大家多多指教」Karen說 

「咁你今日開始就係副經理既秘書啦，你地以後要好好合作呀」老闆明顯並唔知我同佢既關係 

可能你地都會好奇點解Karen會係到，其實我都唔知 

雖然佢同我講本身係一間細公司到做秘書，但我點估唔到佢會係我既秘書 

日後佢做錯野，我鬧唔鬧佢好呢 



鬧，我又怕佢唔開心，唔鬧，我又唯有放係個心到 

不過見Karen見到我都有啲不知所措，全程低下頭 

「你入一入我房，我同你傾幾句」我跟Karen說 

入到房，只見Karen依舊低著頭，沒有說過一點話 

我見佢無準備出聲既打算，我唯有先開口：「點解你係到架」 



可能依一刻，那麼簡單既一句話，係佢心目中不般既難受 

「我...係咪阻住你做野」Karen沙啞地說 

「咁又唔阻，我好奇姐」 

「其實我之前都係依間公司做，只係咁岩調左我黎依間分公司姐」Karen解釋 

「其實我今朝都有whatsapp你話你知我升左職，本身想問你今晚一唔一齊食野，但見你無覆我」 



「係咩，我留左部電話係你屋企呀所以我無睇到」Karen伸著舌說 

「老闆話你會同我講有咩做，不如你交代左先」我扮正經地說 

雖然我都唔係好想咁快做野，但女朋友係我面前，我無理由偷懶 

Karen見我個樣唔再嚴肅，佢亦都抬起頭，會心一笑 

「咁呀，我一陣send個時間表比你啦一係，咁咪唔洗咁煩」始終都係佢醒過我 

佢亦都好快轉身出房，預備我需要既野 

「咁今晚...」我叫停Karen 

「我一陣再答你啦」 



我唔知咁樣對我地雙方黎講係咪一件好事，但我好肯定佢係一個公私分明既人 

我望出去，眼見佢同其他同事都有講有笑，我亦都唔需要太擔心佢適應唔到新環境 

只係，今日坐依個位，將會成為改變我人生既轉捩點