再一次愛上沒有放下的舊情人: 三十二

「咁樣既，我同你上一世係相愛，但偏偏因為一啲事我地無一齊到

而我只係上一個世紀既人，唔會同你見到面，我亦都唔知道我既下一世係邊個」

聽到依到，我完完全全覺得佢係痴線，而且不可信，咩前世今生，又無咩理據說服到我

但我又真係發左個咁既夢，夢見自己同佢講過野，仲叫佢唔好喊

「點解我要信你」我質問嘉琪說



「唉我都唔知，但我所講既都係真話，我亦都無必要呃你呀」

「總知，你如果再錯過，我都幫你唔到，再下一世，你都未必要可再同我一齊」嘉琪繼續說

我無再回覆佢，或者無意中我已經相信左佢既說話

如果所有野都係真既，我唔知佢上一世係用咩方法聯絡到我，畢竟whatsapp都係近依幾年先出現既野

我要麼順其自然，要麼就找找誰是嘉琪的下輩子



但要找到，又談何容易呢。再者，若果我找到了，咁我又可以點？我身邊已經有Karen呢個咁好既女仔

要我放棄佢再重新同一個唔認識既人一齊，根本無可能

加上，唔通我係個陌生女仔面前講我係佢前世既愛人，同我拍拖啦

人地只會當我青山出黎然後加送幾把掌

此刻，我正處於一個迷失既狀態，執拾好一切，離開公司



想著一會正好有機會可以飲一下酒，但又怕醉了，係Karen面前會胡亂說話

若果我早一點坦白，就不至於咁煩了

人，總是會錯過，總是會不停的悔恨當初

一方面，悔恨當初所做的，另一方面，悔恨當初沒有做的

或者，我就是這樣的人