再一次愛上沒有放下的舊情人: 三十三

雖然我個心入面只有Karen一個，但我對於嘉琪既說話卻念念不忘

轉眼間，我一直諗，已經不知不覺行到呀Wing老豆間酒吧

「等左好耐啦」我同James佢地講

「屌你啦，咁撚耐先到」James一見面就準備瘋狂抽插我

我無理佢，坐左係Karen身邊



「好忙呀？」Karen關心我問

「唔想拎啲野番去做姐」

佢見我咁有上進心，亦都無再追問，只係會心微笑一下

「呀成，幾時帶女朋友出黎比我地見識下」James問

「你呢，你帶左我咪會帶囉」



「屌你啦」佢一到飲一到傻笑，唔識佢真係以為佢係青山出黎

好彩我同Karen一早達成左共識，如果唔係，相信我岩岩講既野就會變成嘈交既導火線

「Karen呢，你有冇男朋友架」James開始飲醉說

「我...」Karen被突然既問題嚇倒

「你無男朋友既，不如試下同我一齊...」James說完，就醉到訓著左



「你唔好介意，佢係鐘意亂講野」另一位叫Kenny既同事說

「唔緊要，反正我都有男朋友，同佢都無可能」Karen害羞得低著頭

「呀成，你由朝到黑都見到Karen，你應該知道邊個係佢男朋友既」

「我...我緊係知，佢好靚仔，又有吸引力，講野又搞笑，性格又好」我吹噓著

好彩佢地唔知個個人就係我，點知Karen加插一句

「佢仲好自大架，不過佢對我好好」講完，佢對住我奸笑

「呀Wing你今晚做咩唔出聲既」一位叫Yan既同事說

「無呀，可能我今日有啲唔舒服姐」呀Wing一面失落



其實係我心入面，我知道佢並無唔舒服，而係聽到我同Karen既隔空傳情，心有不甘

情況正如我見Karen同佢舅父擁著一樣，心中有不快

但我同佢唔同，我有資格去發洩，而佢，又何來資格

人，最難過既唔係你搵對方而佢唔覆你

而係，你想關心佢，嬲佢，但連小小既資格都無