再一次愛上沒有放下的舊情人: 四十

「叮噹...叮噹...叮噹...」Karen按響門鐘，我跟隨佢後面

「你無帶鎖匙咩...？」我問著

「呀...」佢瞪大隻眼望住我

「做咩...？」我比佢既表情嚇親...

「我已經好耐無番去啦，所以唔記得左有鎖匙依樣野」佢伸一伸舌，一面尷尬



嘩頂，佢依個樣，簡直就係引誘我去錫佢咁，我即刻二話不說錫左落佢既嘴唇到

「喂呀，一陣爸爸媽媽出黎見到就唔好啦...」佢紅著臉說

說完，鐵閘慢慢地開著

「呀成你黎啦」世伯說

「世伯」我將手上既啤酒遞比佢



「咁多謝呀」

「你黎啦，唉呀你下次上黎唔洗買野架」伯母望住世伯手上既啤酒說

似乎有點不滿，但佢又唔好意思出聲

咁都岩既，有邊個女人鐘意另一半飲咁多酒架

但依兩老，相比過往已經友善得多，亦都比過去親切，容易相處



「伯母呀，我同幫你入去拎野呀」

我入到去，塞左封利是比佢

「小小心意，希望你地鐘意啦」

「成仔呀，下次唔洗咁客氣買咁多野上黎架」伯母雖然口裡說不，但笑容卻將佢既內心表達曬出黎

我同伯母拎住啲餸出去，雖然唔係咩名貴食材，但亦睇得出伯母好用心準備

「坐低先，我整埋啲湯就出黎」

我坐係Karen身邊，而世伯已經飲緊我買既啤酒

其實，依個情形，對於一個重視家庭既人黎講，真係好幸福



「Karen呀，不如搵日我都帶你上我屋企呀」我笑著說

男人，比自己另一半上自己屋企，都可以說得上係一種認同

「好呀」Karen笑著說