再一次愛上沒有放下的舊情人: 四十一

「係呢，成仔呀，你有冇諗過幾時同我地個女結婚呀」世伯問

「後生仔既野由得佢地自己決定啦」伯母開口叫停

「咩喎，我都係關心佢地姐」

睇住佢地兩老，真係幾幸福，結左婚咁耐，都仲可以有講有笑咁

相反我同Karen，已經漸漸去到相對平淡既時間



同佢唔再有當初拍拖既熱情，或者係我自己已經無心機再比驚喜佢

就算同佢結婚，要點樣比對方新鮮感，仲係一個好大既問題

我同佢都要番工，放假都寧願係屋企休息下

我都唔記得左有幾耐無同佢去過海馬公園同迪迪尼

「你做咩發曬呆咁呀？」Karen問



「無呀，可能累掛」

「你係咪諗緊爸爸講啲野呀，你唔洗理佢地架其實，佢地係咁」

「我諗緊我地係咪關係變得冷淡左姐」我沒精打采地說

「其實我都覺架，或者係，應該玩既時候已經過左，我同你都要為事業拼博嘛」

「你會唔會怪我架...」



「有咩好怪呀，當然，個個女仔都想同另一半開開心心架啦，但每次覺得悶個陣我都會記得有你係自己身邊，咁已經足夠啦」

「再講呀，有邊個男仔真係好似你咁溫柔又專一，已經我同你時時刻刻都見，咁已經比其他人幸福得多啦」Karen接著說

聽完之後，除了不自覺既暗爽，我亦都感受到佢既成熟

對於我依個唔完美既野，成日忽略佢感受既人，反而佢更加就我，體諒我

「多謝你」我捉住佢隻手講

「係啦係啦，食飯啦」

依餐飯，雖然並非我想去，但確實有所得著，將我依幾個月既困難解決

食完飯，世伯伯母留低我叫我食個生果，我都順佢地意留左係到



「呀成，如果全世界都出賣我，咁你會點呀」Karen突然說

「我？我咪企你身邊，背叛全世界囉」

「嘻嘻，我愛你呀」佢輕輕錫左我一下

如此浪漫，有幾耐無出現過係我地既生活之中

以前成日無時間陪佢，浪漫，唔係單一去製造，而係相向的

正如世伯同伯母一樣，打情罵悄，亦同樣浪漫