再一次愛上沒有放下的舊情人: 四十四

呀邦見我一面愁容，亦都不敢再說，怕觸動到我既低線

「咪咁啦，黎，飲酒啦」呀邦開左罐啤酒比我

個晚我同呀邦到一到飲酒，一到睇英超

「你老味呀咁都唔射」我醉醉地講，而我對面既呀邦，自稱酒皇

「呀成你咁撚屎架，你醉到咁，我叫你女人黎接你啦」



「唔洗呀，我唔想見到佢，點解佢要瞞住我，你都識講啦，過左去既事，點解佢唔可以坦白啲講我知」

「我一直心入面得佢一個，一直都係」說完我就醉左係檯面

我朦朦朧朧望住呀邦，見佢打電話

「喂Karen呀，呀成醉左我搞佢唔掂呀」

「我地依家係元朗合益路附近個大排檔，你快啲過黎啦」



之後發生左咩事，我講左啲咩，做左啲咩，已經唔記得

「啪啪...」我既臉比人打左兩下，我睜開眼

「起身啦」Karen同我講

「點解你...」

「點咩解呀，你琴晚醉到訓左，呀邦同我幾經辛苦先扶到你番黎呀，你應該多謝人呀」



「咁...你又係到既，你送完我唔番屋企？」

「講咩呀，你屋企咪我屋企囉」佢笑著說

如果我唔係佢男朋友，佢咁樣瞞住我仲笑得咁開心，我真係會覺得佢好討厭

「你記唔記得你琴晚講過啲咩？Karen突然說

死，唔通我琴日酒後失言，罵左佢？

「我...醉到傻左，唔記得啦」

「你唔想知？」佢攬住我，嘟住個嘴講

「想呀」我笑住同佢講



「有個傻佬唔知我扶佢番黎，佢係咁推開我話有女朋友」Karen笑到見牙唔見眼咁

依句...咁似個日Karen同我講既

我笑住攬住佢，一時之間忘記左佢瞞住我

起身洗完頭出黎，佢已經煮好曬早餐

「我今日早左叫你呀，你快啲食個早餐先啦」

我一到食，一到諗，我始終想佢親口話我知到低佢係咪同Leo一齊過

Karen梳洗完，我好果斷咁問左佢一句：「到低你係咪同Leo拍過拖」



佢神色恐慌，就好似小朋友做錯野比你發現咁

「你係邊到聽番黎架」

「你唔好理，我只係要答你有，定無」

「有定無真係咁重要咩，對你黎講，過去做過啲咩真係咁重要咩」佢語氣開始帶點激動

「對我黎講，你係最重要，我唔想有咩都唔講，你坦白講，一切我都會包容你」