再一次愛上沒有放下的舊情人: 四十五

佢雙眼通紅咁望住我，當下我竟然一啲後悔感都無

係我心入面，我依然覺得佢瞞住我係錯，或者人就係咁，當爭執既時候總會覺得自己係岩既一方

又或者係，只係我先係咁

「我對你黎講咁重要，咁點解你唔可以忘記過去既野」

「咁點解你又唔可以坦白同我講？」



「講...有咩好講呀，個陣既事已經係我地分左手之後既事，同任何人都無關係架」佢跪係地上喊住講

「再講，我同你講，你咪又會好似依家咁，你到低有冇諗過我感受架，我唔講，就係唔想你咁樣呀」

佢既說話亦都不無道理，的確，分手係我提出，佢之後做過啲咩，我又憑咩理

正如你將件玩具扔左，就算有人執左，我亦都無資格去唔開心，畢竟，放棄既係我

「咁...你姐係承應你有同佢一齊？」我始終想知答案



「有，但我可以發誓，我只係愛你一個，佢叫我去做佢秘書我都拒絕啦，你仲擔心啲咩」

「我...我只係想知點解...」我再唔敢刺激佢

「個個女仔，都想有人錫自己架啦，我有咩錯？」

「無...」我開始啞口無言

「我只係想忘記你，之後試下接受其他人，但我發現...」



「發現咩...」我打斷佢既說話

「我發現...我根本忘記唔到你...」說著說著佢就喊起上黎

「對唔住...」我無講太多，除左道歉我真係唔知可以講咩...

我將佢抱入懷，兩個人一直沉默，直到佢淚水了

依個上午，特別令人覺得疲憊