再一次愛上沒有放下的舊情人: 四十九

我睇完檯面封信，立即打比Karen，希望佢可以回心轉意，可惜電話就是無法接通

我坐係梳化，回想最初追求佢既時候係百般既遷就

雖然，女人唔應該期望另一半同佢一齊之後會好似以前未一齊個陣對佢咁好

但係咩事都好，令女人流淚始終係男人既錯

我自從升職之後，開始覺得自己做咩都係岩，做咩都唔會有錯



反而佢一直容忍我既任性，容忍我既大男人，即使我點對佢都好，佢都唔會有半句怨言，默默咁忍受住

我呢？非但無理會佢心入面係點諗，仲想離開佢去搵第二個女人，我又何來資格同佢講愛佢？

佢做既所有野，都係以我行先，而我，就只係諗自己

諗諗下，倒不如話我係愛自己，我只係想搵一個人係自己身邊陪自己

「鈴鈴鈴鈴...鈴鈴鈴鈴....」檯面電話響起



「喂呀邦？」

「喂你同Karen做咩嘈交呀？」呀邦問

「你點知架...」

「佢打比我，話佢唔開心，叫我陪佢。唉你知啦我又唔係佢邊個，單獨陪佢唔係咁好」佢解釋道

「佢需要既都唔係我，有咩唔開心都係搵人去安慰佢，我算咩？」



「唔係咁架，佢唔開心都係想人陪佢姐，你條友，又唔諗下佢比左幾多次機會你」

「咁佢唔可以搵我陪佢咩？」

「咁你地依家傾咪只會嘈」

「是撚旦啦，你咁想陪佢咪陪佢囉」我講完就收左佢線，之後打比呀Wing，同佢講發生左咩事

「咁大件事呀，你仲唔去搵佢？」

「搵搵搵，佢都唔需要我架啦，搵黎做咩」

「唔好啦，依家我入黎陪你去搵佢啦」呀Wing說

「事旦啦，你話點就點啦」



我換個衫，準備出去，點知呀邦又打黎

「仆你個街做咩收我線呀」佢罵著說

「唔想同你講野咪收你線囉」

「佢依家係蝴蝶灣，我唔知你想點，總知我就會搵佢，你自己鐘意黎就黎啦」今次佢講完先收我線

我約左呀Wing係西鐵站等，佢半個鐘之後已經到左車站

「你咁快既？」我問

「我飛的過黎架嘛」



「洗唔洗呀」

「咪理我啦，我叫左個司機係附近等，快啲啦」

我只好依住佢上的士，出發去蝴蝶灣