再一次愛上沒有放下的舊情人: 五十

上到的士，我同呀Wing講番岩岩呀邦打比我既經過

「點解佢咁多事既？」呀Wing問

「我都唔知」我唔知佢係咪對Karen有意思，依家我個心又開始亂諗

「其實我都覺得佢未必係好人，佢又唔識我既，佢拎我電話都唔知有咩企圖」

諗諗下，其實佢打比Karen咪得，唔需要故意係我電話拎呀Wing個電話號碼



再者，其實我都係搵番佢唔係好耐，佢個人變成點，我真係唔知

佢係咪我識既佢，我可唔可以信佢等等問題我都仲有質疑

加上，我唔知佢做咩咁關心Karen既野，佢唔開心又關呀邦佢咩事呢

無幾耐，的士停左落黎，似乎到達目的地

「多謝你二百二十蚊呀」司機大佬轉身同我地講



「嘻嘻，麻煩你幫我比啦」呀Wing笑著說

「你...」我諗諗下佢咁夜都出黎陪我，我都唔好意思話佢，直接比錢司機

「你識唔識路呀」我落車之後問呀Wing

「我住尖沙咀架，好小黎屯門依頭，你應該比我更加清楚啦」

「我...其實我都好少小黎...」



的確又係，黎得蝴蝶灣，多數都係朋友之間燒烤聚會，又或者一班人去沙灘

我同Karen真係好小黎依啲地方

「你同Karen唔會黎既咩？」佢好奇地問

「唔多囉，做咩？」

「唉，個個女仔都想浪漫一下架啦」佢無意中講中左我以前錯過既野

「我知架，我知我淨係諗自己，佢一直都無怨過我，但我除左流淚，我比過啲咩佢？」我低著頭說

依刻我真係好後悔，好後悔自己之前咁對佢，好後悔自己做得唔夠好

「唔好咁啦成，只要你肯改，佢一定會知架」佢安慰我說



佢遞上一包紙巾

「嗯？」我對佢既行為不了解

「你摸下你塊面啦」佢笑到好似細路咁，我摸一摸，原來眼淚早已流著

我抹乾眼淚，同呀Wing四處尋找

如果有去過蝴蝶灣既人，都會知道其實沙灘連住海濱走廊之類既野

我同呀Wing由走廊既盡頭搵起，結果只有空找的份

我同佢只好由走廊行到沙灘處



「滴...滴...滴.... ....」雨水聲傳來，我同呀Wing對望左一下

還好雨水不是太大，未去到需要雨傘既地步

落到沙灘，或者開始落雨既關係，沙地既人數都唔係太多

走多兩三步，呀Wing輕輕力拉左我一下

「做咩呀，你腳痛呀？」我問

佢無答我，只係指一指我既前方，我眼前見到既係Karen同呀邦

依刻，我仲天真到以為呀邦只係單純陪佢，但下一秒已經令我痛心疾首