再一次愛上沒有放下的舊情人: 五十四

「喂」呀Wing對住電話說

雖然一路都只係聽到呀Wing係咁講「係」「知道」「嗯」個啲字，但見佢面色好沉重

「你聽唔聽呀」呀Wing問我，但我依舊堅持，搖搖頭地表示拒絕

佢表情無奈，又知道自己勸唔到我，無再講多一句話

呀Wing收線之後望住我，無講過一句話



「做咩咁望住我...」我問

「你真係唔關心Karen咩？你唔會想知岩岩呀邦講過啲咩？」佢問道

「我已然唔在乎佢兩個既野，佢地岩岩點對我呀，所謂既朋友搶走我愛既人，咁我點解仲要聽佢講既野」

「咁你可唔可以聽我講啲野」

我無拒絕到佢既要求，當然我亦都無答應啦



「岩岩其實佢兩個都飲醉左酒，我唔知呀邦係咪有啲借醉去侵犯Karen啦，但Karen真係飲得好醉」

「我認錯左呀邦係你，現實入面，佢攬既係呀邦錫既係呀邦

但係Karen心入面，佢攬住既係你，錫既係你，佢覺得即使比你上下其手亦都無咩所謂」

「依家講咩都無用啦，講咩都番唔到轉頭，過去左就係過去左架啦」

「好心你唔好咁執著啦，你就係咁，成日執著住啲小事，依啲野重要咩？」呀Wing開始激動地說



「咁你想我點」我態度開始變軟

「岩岩呀邦話，佢拖住Karen走左無耐之後，Karen鬆開左佢隻手，話佢唔係你，然後自己一個走左」

「你都係搵番佢啦，佢個心一直都係你到架」佢接著說

我無回答佢，只係向前行，一直行，而呀Wing就一直跟住我後面

我一直係到諗，到低我應該追番Karen，定係由得佢係我心入面慢慢消失

就算再一齊，我仲信唔信得過佢，佢仲會唔會將佢自己完全交比我

我只係想諗清楚，先做決定，我唔想再做錯