再一次愛上沒有放下的舊情人: 五十五

「唔好行得咁快啦好無呀」我身後傳來呀Wing既聲音

我停下來，轉身一看，眼見呀Wing喘住氣地跟住我

「對唔住...」我抱歉地說

「你真係唔追番Karen呀？」

「就算我想追，我都唔知係邊到搵佢啦」



「我打比呀邦啦，佢應該知既」

老老實實，依家我目中都係覺得呀邦同Karen比我發現左佢地有野，事但搵個理由呃我就算

但佢地又點估到我真係咁絕情，話唔理佢就唔理佢

呀Wing打比呀邦，然後開左擴音，示意我都一齊聽

「喂」呀邦係電話說



「喂呀邦，我係呀Wing呀，Karen係邊呀」

「我同佢一齊呀，但佢全程都唔出聲，唔知佢係咪怕左我，連我拍一拍佢膊頭都好驚咁」

「咁你地依家係邊呀」呀Wing問

「我地？我地係街呀，呀成佢嬲完未」呀邦問

「緊係未啦，佢都知佢份人幾執著，又小器」呀Wing一到講一到望住我



佢咁樣講一講，搞到我都唔好意思咁傻笑左一下

「其實我岩岩都唔岩既，唔應該出手打佢...畢竟係我想介入佢地關係」

對於佢既內疚，我始終無一絲想原佢既心，始終有啲野，做錯就係做錯，唔係一句對唔住就可以番轉頭

「我叫呀成過黎接佢啦」呀Wing突然說

「我地依家係屯門西鐵站附近，我地係屯門公園等你地啦」呀邦說

「咁好啦，一陣見啦」佢收線之後望住我

「你都聽到架啦」我依舊沉默

「你又唔出聲，我都唔知你想點架，你再係唔出皋我當你去架啦」



「知道啦，你話去就去啦」我勉為其難地說

「嗯，我去截架的士先，你係到等我啦」