再一次愛上沒有放下的舊情人: 五十六

黎到屯門公園，依到既環境勾起左我腦海不少回憶

包括小時候曾經與Karen係到慢步，坐係涼亭一邊食住雪榚一邊企計

今時今日既屯門公園，再無呀公呀婆係到唱歌寫大字，淨番既只有寧靜既花草樹木

眼看水塘波平如鏡，時間就好似停止左一樣，我企係四周都係草木既環境，令我覺得自己同大自然融為一體

「你幫我去搵Karen過黎啦好嘛，我想休息一下」



佢見我一面愁容，不過是嗯了一聲就出發

我係一旁搵張長椅坐低，望住漆黑既環境，就好似合上眼咁

依幾日不停回憶過去，不停想著自己有幾咁不濟，想著自己如何傷害Karen

依一刻，已經唔再係我去多想過去既時候了

到低我仲配唔配得起Karen，我仲愛唔愛佢，先係我要諗既問題



若然我仲好似以前咁，對佢真係好咩？反正我都唔係一個比到幸福佢既人，離開佢可能對雙方都好

「踏...踏...踏」如此寧靜既環境，可以清晰聽到路人既腳步聲

「你仲想訓到幾時呀」呀Wing問

我睜眼，見到呀Wing企左係我面前，而Karen就企左係佢後面

前者笑容滿面，天真活潑，後者板著面，似是有話要說



「呀邦呢」我問呀Wing

「佢無跟黎呀，我見到佢兩個，之後話你係依到，呀邦就話走先咁囉」

其實見唔到佢都好，咁就唔洗咁尷尬，再者我都唔想再見到佢

「我同你番去先啦好無」我摸住Karen塊面說

「呀Wing，我送左佢番去之後再送你番去啦」

「你鐘意啦」呀Wing笑著說

Karen全程都無出聲，一直目無表情，但我估計佢對於我咁善待呀Wing心裡不爽

為左方便我，我截左架的士，我就坐司機左邊，而佢兩個自然就坐後面啦



倒後鏡一望，見到佢地絲絲細語，Karen面露笑容，我反倒一言不發

到左Karen屋企樓下，我就同佢番上去先

「對唔住...我飲多左酒先咁」Karen同我講

「算啦，都過左去」

「可唔可以原諒我...我唔會有下次」

「你比我諗下先好無」我望住佢講，佢眼淚開始湧上黎

但我都無心軟，我只係知道如果我咁輕易原諒佢，佢只會更加唔珍惜自己



「你...」佢欲言又止

「做咩？」

「你做咩喊...」我摸摸面頰，的確有淚水，但我唔知自己為左咩喊

「你咪又係」我笑著說，我摸住佢塊面，幫佢抹乾眼淚