再一次愛上沒有放下的舊情人: 六十九

「我點會唔愛呀」佢望住我答

「雖然係我心目中，你既唔成熟有時真係會帶比我困擾

你成日都嘻嘻哈哈咁，我都唔知你幾時認真，或至我會覺得你好多時都覺得你玩玩下

但係你既風趣比我動力，只要有你係我身邊，我就會開心番曬

「有時候我壓力都會好大，但偏偏你就令我忘記曬我既苦惱



有時你成日都無野搵野煩，我只係想你唔好諗咁多野，根本好多野，都只係你諗多左

可唔可以，比多啲信心我地依段關係，我再比一次機會你，你覺得我會放棄咩」

Karen一直講，每句說話就好似刀咁插入我個入到

雖然說話唔係好難聽，但我始終覺得難受，但我又有咩資格呢？

對佢無信心，可能代表我好怕失去，好唔想無左佢



「我知道啦」我用低沉既聲線說

雨開始落得好密，我帶住Karen跑到天橋上面避雨

「死啦，咁大雨點走呀」Karen望住個天問

「係啦，本心想開開心心同你出街食飯，點知先落雨」

講真，依場雨真係黎得及時，如果唔係落雨，岩岩我同佢只會一直企左係海邊



「呀成，不如以後我地係屋企煮囉」

「點解咁講呀」我好奇地問

「出去食好貴架，如果你諗住結婚既緊係唔好亂洗錢啦」

「食屋企食黎食去都係個啲」

「咁我學煮咪得囉，係你懶到死，又唔肯學下」

「你入得廚房出得廳堂，我就出去做野搵錢，大家為個家分工合作嘛」我笑著說

「等等先，邊個話同你結婚」佢奸笑著

「咁唔結婚你又話唔好亂洗錢，咁姐係可以洗啦」我攬住佢說



「你玩我既，嬲死你呀」佢尷尬地說

雨，就好似個天因為我地兩個而係到喊咁

當我同Karen講清楚既時候，雨就慢慢停下來

「番去啦」我說