再一次愛上沒有放下的舊情人: 七十

雖然話雨開始慢慢停，但始終想盡快帶Karen番去

所以我截左架的士，一上到的士Karen就訓著左，一直訓係我膊頭上

「成...」佢發開口夢地說，佢辛苦左成日，岩岩又同我爭執，想必一定好累

「哥仔，睇黎你女朋友好愛你喎」司機突然說

「點解咁講既」我好奇地問



「啲女仔訓著都叫住你個名，佢個心一定得你一個啦」佢說

諗諗下司機亦都不無道理，即使我係佢心目中唔係唯一，但我係佢心目中一定有一個好重要既位置

「我都唔知呀，不過佢好錫我又真既」我笑住同司機講

「哈哈，睇黎你地將來一定會好幸福」

「承你貴言啦」



一路上，我同司機都傾左好耐計，佢又講下佢老婆同仔女既野

我又講下我同Karen細個拍拖既野

「後生仔，估唔到你都幾長情架喎，依家社會無幾多個好似你咁既男仔架啦」

不過最估唔到既係，依個司機大佬既老婆竟然係佢初戀

唔經唔覺，架車又差唔多到我屋企樓下



「傻妹，起身啦」我搖醒Karen

佢睡眼惺忪地望住我，然後攬實我

「咁快到既」

「咁都叫快，你訓左好耐架啦」

佢比我如此一說，當堂尷尬地打左我幾下

而前方司機位既司機大佬見我地咁亦都大笑左幾聲，搞到Karen都唔好意思

「你兩個真係好可愛」司機說

「可愛就形容佢既，型或者靚仔先係形容我」我笑著說



與此同時，車亦都停低左係我屋企樓下

「司機幾錢呀」我同Karen異口同聲地問

「你地唔洗爭住比錢啦，我今次就唔收你地錢啦」

「咁點得架」我說

「一係咁啦，你第時多啲幫襯我咪得囉」佢向我地遞上卡片

「係見同你地咁有緣，我先唔收架，第二個無架」司機親切既笑容更令我過意唔去

畢竟係尖沙咀到載我地黎，而佢又空車番去，一來一回，真係花費不少



「咁啦，我比番一半車錢你，我應承你以後搭車都搵你」我同司機講

「咁...」我襯佢仲諗緊收唔收好既時候，馬上將車錢遞比佢，然後落車

「先生，祝你兩個白頭到老呀」司機打開車窗說

「多謝你」我大叫著回答佢

轉身離開時，Karen仲一面好奇，似是有好多問題想問

「你同佢好熟架」佢問我