那些年，當香港仲係百鬼夜行既時代: 8.嘉賢臺V – 閻羅相救

我果然無估錯! 我原本以為我地只係誤闖鬼嫁，但係我衣家叫到五殿閻羅出黎，就即係話成件事都係陰謀黎! 「五殿中豈會有活人氣息!?牛頭馬面!將來人拿下!」 「等等!五殿閻羅包拯包大人在上，小民係上官一，有事想陳情!」我急忙下跪。濃尾大眼，滿面胡子，身材高大既五殿閻羅 既身影係前面若隠若現，雖然唔真實，但係有一種好強大的壓迫感，嚇得我完全唔敢抬頭。  「哦?生人闖冥府仲有野想稟告!?快講!」 「小民與友人因誤闖鬼嫁儀式，被女鬼捉左去當作提親媒人，所以先至會被迫闖入冥府，其實我今次黎就係想請包大人放 我地走!」我成個人當時震哂，因為我知道，我係唯一一個可以帶我班朋友離開呢到既人黎。我唔可以衰。 「理由未夠充分，吾未曾收到通知話今日有鬼嫁儀式!來人!」 唔係下話，咁都唔係鬼嫁!?我即刻抬起頭，一抬起頭我就望到「救星」。「等等!隻女鬼黎緊!」
 無錯，「救星」就係隻女鬼。只要隻女鬼出現，閻羅就會信有鬼嫁。 「來人停下!」五殿閻王包拯大喝一句。 女鬼頂轎同其他既鬼都一齊停低。 「牛頭，今日可有鬼嫁申請!?...嗯...今日並無申請，來人請回!」 女鬼個班人就算聽到閻王咁講都係郁都唔郁，唔聽佢枝笛。 「爾等請回!」包拯喝既呢一聲更大聲。如果有玻璃杯係佢面的話，一定當場比佢既聲波喝裂。 「小女子身世咁可憐，你竟然咁忍心離我而去...唔好走呀!留低陪我一生一世!!!一!生!一!世!!」 「嘩!閻羅佢..佢衝出黎啦!」雖然我同女鬼間有閻羅阻隔住，但係我都係好驚隻野會衝過黎，始終呢到已經唔係人間既嘉賢臺， 而係鬼界既閻羅五殿! 猛虎不及地頭蛇呢句我係明既，同時，我更加明白我連虎都唔係，只係一個人!人鬼相鬥，我無得嬴。 「放肆!來人!」閻羅猛然爆出一句，嚇到跪係到既我成個跳起身。 倏地，閻羅身邊有兩個以極快既速迎向女鬼，女鬼當下停低，再以急速既身法向後退卻，甚至退出左呢間房既範圍。 「包大人...你見啦..唔關我地事架...」 「唔，雖然生人闖冥府乃死罪，但本官姑且念你地係比奸人相害，而且都無係冥府作出破壞，所以本官決定放走你地! 上返人間界就唔好再返入黎!否則本官就打你地叫喚大地獄 !」包拯轉過頭望返住我，虎目凌厲，透出非一般人既堅定眼神。 「多...多謝包大人!」無事啦!閻王一言，駟馬難追! 「牛頭，跟佢行，帶佢地上返人間!」

閻羅身影漂出一個身影，向雨瑤喱埋個間房飄去。我當然都立即跟上。 一入返去，雨瑤佢地即刻行返出黎。 我對住佢地笑左笑，「走啦。」 閻羅身下，牛頭，已經開返人間度門比我地。 我推開本來應該係通往第十殿既門，映入眼簾就係我地嘉賢臺既正門前既小空地。 我地返黎啦!