我地甫一出去,就見到豬肉榮同埋黑仔佢地。 「嚇死我啦你地去左邊呀!?」黑仔憂心忡忡咁同我地講。「我地仲諗緊點解唔見左你地,原來一人拖一條女去左...」 「痴線梗係唔係啦豬肉榮!我地真係撞野呀!」野人已經急忙咁幫自己辨護。 「真係撞野?點撞?」豬肉榮佢地睇黎唔係好信我地真係撞野,相反仲有D怪我地無配合落去一齊嚇可盈。 我整理一下腦中凌亂既思緒,開始講:「我其實一開頭入到黎嘉賢臺既時候,我係見到一隻女鬼。唔使驚訝,我係有陰陽眼既。 我地入去既時候,可能已經比隻女鬼睇上左。首先,我地頭先遇到既情況係叫鬼嫁,姐係一隻鬼出嫁。佢可以嫁比閻羅, 判官,或者任何鬼。不過照頭先情況睇,我地比佢既陰氣帶左落閻王殿,佢應該係離開呢個地方。」 「閻王殿?」黑仔失聲道。 「係,當一隻鬼要離開陰間,上返人間,無論係經入輪迴上人間定係以魂身份上人間,佢就一定要經過閻王殿先走得,只 係經多定經少。問題係,惡鬼如果未受夠刑係唔可以走,當然,女鬼可以靠鬼嫁先走。但係鬼嫁唔係咁簡單。首先佢要通 報比閻羅先,等佢地批淮啦,佢地就會安排提親媒人,送佢地去男家到。」我換一換氣,再繼續講道。 「咁點解隻女鬼要捉我地呢?我認為,隻女鬼係因為想離開呢度,但係又無人想娶佢,所以迷惑我地,令我地係頂轎前面 跑,變相令我地變左做好似提親媒人,再變相呃埋十殿閻王!」 「講唔通,我地係生人,閻羅王咁厲害,點會唔知我地呢班提親媒人係假既?」野人一語道破。其實,呢樣我都有諗過。 「我諗閻羅王平時唔一定係大殿,只係得一啲嘍囉,所以我要念破地獄等佢以為有新魂到佢先出黎。 我諗隻女鬼佢呢招係兵行險著。」 「姐係計中計?嚇我地之餘仲要呃埋閻羅王!?」野人睇黎唔相信原來自己岩岩卷入一場波譎雲詭既陰謀入邊。 「嗯...但係我總覺得件事未完...」 「呀..我個頭好痛呀...呀!!」一路企係我身邊既豬肉榮無啦啦抱低跪下地下。 「喂,你做咩丫?點呀?我地不如...」好心既雨瑤拍一拍佢既膊頭,想扶佢埋一邊坐低先。但係豬肉榮仲係不停呻吟:「呀...我個 頭好....丫...小..小...小女...小女子身世咁可憐,你竟然咁忍心離我而去...唔好走呀!留低陪我一生一世!!!一!生!一!世!!」