「惜惜,你跟住我講~媽…媽~媽…媽」VICKY諗住教我講野。
 
屌你咩VICKY,我家下應該已經可以用流利既粗口問候晒你全家啦,仲教媽媽?
 
咦,唔係喎,可能呢個係一個好機會,比我認清一下目前既形勢!
等我玩下野先。
 
「爸!爸!」我故意好大聲咁講。
 
VICKY呆左。


 
我睇見佢係完完全全咁呆左。
 
呆若木雞,好誇張果隻。
 
「惜惜,你……點解……點解會……」
 
VICKY連一句完整既句子都講唔到出黎。
 
因為佢已經哭成淚人。


 
佢既眼淚一滴一滴咁跌到我既面上。
 
到底發生左咩事。
 
我爸爸到底做過D咩黎?
 
唔知。
 
只知道,VICKY係我心入面既形象已經徹底改變左。


 
呢一年黎,佢每日都花盡心思咁去照顧我。
 
就算家景唔好,佢依然請左個工人姐姐黎照顧我。
 
佢為左我,一個小BABY,實在係盡心盡力。
 
佢一D都唔港女,佢好偉大。
 
唔只胸前偉大,係真正既偉大。
 
但呢一年黎,我一個親戚都未見過,連滿月酒都無去過。
 
到底,我既身世係點架…?
 


上次呀土地公講既野,係我發夢,定真有其事呢?
 
我一定要查清楚!
已有 0 人追稿