欠債還情，天公地道: 香港既教育制度呢，就......

唉……要黎既，始終要黎。
 
我老母千辛萬苦之下，終於幫我成功報名左一個「學前班」。
 
呢個學前班，要三千蚊個月。
 
你無睇錯，學費係三千蚊一個月！
 
仲要通霄去排隊報名先拎到份報名表。
 


睇到呢度，我相信大家都知咩叫「貼錢買難受」。
 
我老母諗住炒左個工人，當呢個班係托兒所，將我暫放係果度學野。
 
老母呀老母，工人姐姐既作用除左照顧我，仲有洗衫拖地煮飯架…你唔好咁ON9啦好嘛。
 
為左停止我老母呢個ON9既舉動，我決定進行一場革命。
 
由我老母打算炒左個工人果日開始，我日日都痴住個賓賓姐姐。
 


總之我一離開個賓賓我就喊，喊唔停，喊到天荒地老，喊到陰陽分隔咁。
 
話說，我個工人姐姐係傳說中既「白賓」黎，非常後生，仲有幾分姿色添。
 
法官大人，都屌得過架。
 
我每日就抱住佢，一離開佢我就喊。
 
終於，喊到連佢都母性大發，話自願減薪一半，留低陪我長大。
 


當年，有人話學生搞革命最好，因為佢地夠純真，無機心。
 
我就話，嬰兒搞革命先最好，起碼警察一定唔敢拖我埋一邊打。
 
成功留低個賓賓之後，下一步就係要玩串個「學前班」既面試！
 
屌你老味，要同一個兩歲既小朋友進行面試，呢樣簡直係我聽過最白痴既事。
 
面你老母咩，你期望點面試丫？
 
問下我點解要選擇你呢間幼兒園呀？咪學流川楓話齋：「因為近」囉！
 
問下我期望係你間幼兒園度學到咩？我話我想學到人生既意義呀！你係唔係教到我呀？
 
搵錢無所謂，但唔該唔好一副係為教育，為下一代好既嘴臉啦好嘛？


 
最好笑係我老母因為個面試，竟然想再花幾舊水去搵間果Ｄ濕鳩「幼兒教育中心」，上佢地果度既「幼兒面試班」。
 
大佬呀你唔好再痴線啦好嘛？
 
可能唔係我老母痴線，而係成個社會都痴左線。
 
唔知香港人知唔知一個事實：咁多年以黎諾貝爾獎既得主，有大約一半，即係50%係黎自德國，而德國只有約八千萬既人口。
 
為免大家唔知八千萬大約係幾多，我比多個參考資料大家，中國有16億人。
 
姐係如果兩個國家要黎一次全國大圍毆，德國人就要１個打２０個。
 
仲辛苦過葉問。
 


而德國一個咁聰明既國家，大家知道嘛，佢地係禁止學前教育架！
 
或者咁講，佢地既學前教育，係幫小朋友訓練眼手配合（Eye Hand co-ordination），
教佢地基本禮儀，或者道德。
 
都會教下一Ｄ基本既字母，但一定唔係教「A」 FOR 「ASTRONAUT」囉。
 
唔介意輸在起跑線，因為人地有信心會贏在終點。
 
香港地，小朋友學野唔係為興趣，係為左比別人優勝。
 
結果搞到無數小朋友係童年時就要承受競爭帶黎既挫折感。
 
父母又唔好好鼓勵，只會一味質問「點解人地做到，你做唔到」，結果搞到小朋友細細個就失去探索世界既勇氣，同興趣。
 


試下我每日都問你一次丫，點解人地老豆買地返黎起樓，你就做地盤幫人起樓呀？你都無癮啦。
 
總之就黎成個香港都覺得搵到錢先係贏家，錢係生存唯一既目標，動力。
 
好空虛
 
唉，老毛病又發作，以前做老師，慣晒質問家長呢Ｄ問題。
 
我而家係一個小BABY黎架嘛～