欠債還情，天公地道: 我明啦!!我明啦!!!

前世因，今世果，我信呢句話。
 
但正所謂善有善有，惡有惡……我上世絕對無做過咩好事，就算我作為一個老師，春風化雨，但說到底我都係WELL – PAID架，我有糧出架大佬，所以絕對談不上什麼功德。
 
我唔會美化、英雄化自己「打份工搵食姐」呢樣野。
 
但我今世既結果，暫時到而家為止我都覺得係一個善果喎……
 
試問世上有幾多個人可以好似我咁承繼住上世學過既知識黎做人呀?
 


我夠膽講一句，今世我絕對會係人中之龍，萬中無人果隻！
 
唔通……我今生所要受既苦難報應，就係果兩個仆街神口中所講既「承諾」？
 
睇黎今世我要玩落去，我一定要知道到底我今世既任務係咩！
 
重點字：「承諾！PROMISE！」
 
NO!NO!唔止承諾咁簡單，係對「別人」既承諾！仲要係死前30秒向別人許下既承諾!
 


SHIT！咁多條件，點諗？
 
「咪住先！」我突然頓悟。
 
唔係喎，其實個條件咁特殊，應該係更加容易可以推斷出黎既。
 
我開始發揮我既想像力。
 
咩情況下會可以係死前30秒向別人許下承諾呢？
 


果個人，係我死前都陪係我身邊，而我仲要向佢作出一個跨世既承諾，果個人一定對我好重要！
 
呢個人唔洗諗，一定係我老婆──呃…我上世既老婆──思娜。
 
呢樣野我好肯定，因為從來只有佢會陪係我身邊。
 
無論我做左咩衰野，佢都會係我身邊陪住我。
 
如果有一個承諾，係會超越時空，突破常理既，我只會向佢許下。
 
亦只有為左佢，我先會願意去實踐。
 
但照計我都係同佢講咩愛你一生一世丫，下世都要照顧你丫……之類果D野姐。
 
呢Ｄ咁既承諾，大把人年中滾女都講唔少啦，個個都咁投胎返黎實現承諾咪唔得了，無理由既。


 
死前30秒……我係點死既呢？
 
我毫無印象。
 
死前呢？我最遠既記憶係……
 
死…..死亡。
 
新聞！
 
可能我既死會上左新聞呢！
 
我打開老母部IPAD，係GOOGLE SEARCH自己個名。
 


詹正光
 
時間係我出生前既一兩年內。
 
GOOGLE不愧係大神。
 
我，終於記起我點死，同我既承諾係咩野啦！
 
「花心男陪妻死，慾獸教師家中亡」