欠債還情，天公地道: 切? 真係要切?

日復一日，年復一年。
 
話咁快，我地就升小學啦。
 
同學們各散東西。而我，就當然要痴實程儀啦。
 
話晒佢「應該」都係決定我下五世洗唔洗做畜生既關鍵。
 
為左要同佢入到同一間小學，我將我係幼稚園內既所有成績，操行，所有既野都做到最好。唔係我自誇，我相信世上無一間小學會話唔收我。
 


但，世事當然無咁順利啦。
 
「姨姨，唔知程儀想讀邊間小學呢？」我試下向佢呀媽探下口風。
 
「我地想去遠小小既地方試下呀，過左海果邊有間小學叫聖心小學，程儀想試下呢間呀。」
 
「哦……聖心小學呀，仲要過海咁……」我講到一半，忽然好似比人用鎚仔仆左一野個頭咁。
 
聖心!!!?!?!?!?!??!?!?!?!?!?!
 


屌你，女校黎架喎！！！！
 
仆你個街，我點入女校呀？剪啫啫呀小朋友？
 
「姨……姨姨，點解要去到咁遠呀……我會唔捨得程儀架……」我無力咁講。
 
「喂惜惜，你理得人去邊度讀姐，咁鬼多事。」VICKY插話。
 
頂你咩VICKY，而家唔係你要做狗呀，你當然講得輕鬆啦！
 


點算呀！！！點算呀？！？！？！？！
 
落藥！！！係時係落藥啦！！
 
「不過姨姨，我聽人講話果間聖心小學呢，好難入架，要本身讀聖心幼稚園既人先入得既。仲有喎，女校好變態架，一陣搞到程儀都變態埋就唔好啦！」我說。
 
「哈哈，係咩？咁我再諗下先啦，哈哈哈。」程儀老母笑笑咁敷衍左我就算。
 
反而VICKY就用好奇怪既眼神黎望住我。
 
「惜惜，邊個話你知女校好變態架？」VICKY問我。
 
「唔知呢～唔知呢！！」我一手就拖住程儀走去前面個公園，胡混過去。
 
我偷偷地回頭望一望，見到兩個師奶相望一笑，我就知應該過左骨啦。