欠債還情，天公地道: 是你嗎?

科學上黎講，我係無可能射我自己出黎既。
 
但事已至此，仲講咩科學丫。
 
好明顯，我今世係黎還債，還情債。
 
我望望個天，無語。
 
「呯！！」
 


突然天空打左個好勁既旱天雷，
 
好似警告我要認真Ｄ去做我既野咁。
 
「陳「積」同學！你仲係操場做咩呀？快Ｄ返入黎課室啦，就黎落雨啦！」一把溫柔得黎又講唔正既女聲係我耳邊響起。
 
係我上年既同班同學。
 
廢話，全部同學都係我上年既同班同學黎架啦！
 


佢係程儀，之前係女廁撞破我同MISS朱好事，比MISS朱教左一課人生學既果位女同學。
 
我成日都話，我係呢個程儀身上搵到一種好熟識既感覺。
 
唔通，佢上世就係思娜？
 
望落去都有幾分似丫，都係女仔黎，都係肥肥地咁丫。
 
「喂喂～程儀呀！程儀！」我叫。
 


「咩事呀？」程儀用佢天真既眼睛望住我。
 
我行埋去，用一雙電眼望住佢圓圓大大既眼睛。
 
「咩事……」
 
佢未講完，我就一野咀左埋去。
 
你無睇錯，而家係有一對三歲幾就黎四歲既童男童女係度接吻。
 
程儀呆左。
 
其他同學呆左。
 
見到既老師都呆左。


 
突然，又一下旱雷，打破沈默。
 
結果，出乎我意料之外。
 
原來而家Ｄ幼稚園老師鬼咁開放，佢地竟然無爆單野比雙方家長知道，反而仲好似好好玩咁。
 
自從果次之後，每次分組活動佢地都將我同程儀分係同一組。
 
順理成章，我同程儀亦愈黎愈好感情。
 
佢好似完全無介意過我上次強吻佢咁，而家仲成日同我拖手仔添。
 
睇黎，我今世呢個承諾都好易信守姐。