果個女仔做咩一直係到望住我: 16

今日係星期六，我準時12點去到朗豪坊既Cinema City， 

係門口，隨即見到一個大約163cm左右身高既女仔，著住條白色熱褲， 

上身係一件普通不過既t-shirt，手腕戴有少少飾物咁。 

好Casual，簡單就是美。 

眼前呢位美麗動人既lady，就係劉望晴。 



然而，佢竟然比我還要早， 

現代女性準時已經難過利記拎英超冠軍，早到更加係如同湖人可以即時番生， 

根本無可能。但係眼前呢個女仔，佢做到。 

「咦!妳仲早過我?等左好耐啦? 」 

我伸手摸摸頭髮，有D老尷。 



老老實實，唔係幾慣要女仔等自己。 

「唔係阿，我早到左5分鐘啫!快D入去啦，我好想快D睇下captain America呀，佢真係好靚仔阿 ……不過，你都一樣咁靚仔啫。」 

講完就飛左入去，無理到我。 

「喂，等埋阿，我都無飛。」 

我即刻從後趕上，捉住佢手臂咁問佢。 



「係啵!那!呢張你既。那!睇戲就我請你睇，因間請番我食飯呀! 」 

望晴望住我，等待我既回應。 

「行啦，入場啦。」然而，我無正面咁答佢。