果個女仔做咩一直係到望住我: 28

星期一番學，由於黃穎希真係整親隻腳， 

我不得不扶住佢番學。因為佢隻腳真係有少少嚴重。 

佢右手撓住我，我幫佢揹書包，一路行番學。 

前方一個型男慢慢走向我地來，遠睇近睇都擺明係型棍子。 

我老早就認得佢，係雞子。 



「嘩!黃穎希妳整親隻腳? 」 

雞子問。 

雞子係學校男神，讀E班， 

聽講上年陸運會有成兩排女追住搵佢影相。 

「廢話!唔通你隻眼瞎左? 」 



晨早流流黃穎希咁鬼串做乜。 

「咁擔心妳丫嘛。」 

雞子隨即好老尷咁RR頭唔出聲。 

「黃穎希妳咁串做咩? 佢關心下妳啫…」 

我問佢。 



「黎M呀我，係咪就下我都唔得呀。」 

女仔黎M永遠都係大哂。真心痴線。 

妳估我地男人好好蝦呀! 

「OKOKOK，妳話點就點。」 

我隨即態度軟化。 

的確，男人真係好好蝦……..