果個女仔做咩一直係到望住我: 29

一番到學校，黃穎希D兵一見到佢隻腳有事， 

個個走哂去佢面前，又乜又物，好似前世未見過女咁。 

「穎希BB呀，不如我幫妳斟水呀! 」 

一睇條友個系樣就知佢奶黃穎希D口水先咁。 

「穎希姐姐呀，不如我幫妳按摩隻腳丫!我好好手勢嫁! 」 



條友流哂口水咁，擺明想抽黃穎希水，奶佢條長腿啫。 

黃穎希沒有拒絕，仲笑笑口咁放隻腳上條友大脾到，唔係掛…… 

我係唔會容許呢D事發生既…… 

「楊SIR!我有野想問你呀! 」 

我急中生智，向班房門口大叫。 



條友即刻嚇到丁都唔見埋，瀨哂屎咁跑番埋位。 

搞我黃穎希，佢都未死過! 

我望向黃穎希，佢吃吃笑咁望住我，一副好受落既樣咁。 

廢時理佢! 

好不容易，捱到放學時間，我換好PE衫，準備去練波。 



背後聲響 

「何朗然!陪我番屋企! 」 

唔洗拎轉頭都知係黃穎希。 

「黃穎希大人，我要練波喎!點陪妳番去呀! 

喂妳隻腳整親架，可唔可以唔好行咁快呀!」 

我走上前，扶住黃穎希。 

「鬼叫你行咁快，唔等埋我喎! 」 

我拎住羽毛球拍，行入禮堂。 



「咁我陪你練波，練完波一齊番去! 」 

黃穎希跟住我走入禮堂。 

「妳唔驚悶咩?」 

我放低書包，黃穎希一跳，坐上去舞台。 

「一路溫書，一路睇你練波，唔好咩? 」 

黃穎希係書包到拎左本數學書出黎。 

「好!點解唔好呀?緊係好啦! 」 



黃穎希問得唔好咩，如果我答唔好， 

我果晚就死緊，佢一定會用巴塞炒我起碼3球。