「咦!你女朋友呀? 」 

洪sir問。洪sir係教我地羽毛球,出面自己有球會,月入過十萬。 

「你就係洪sir?朗朗成日提起你架! 」 

我幾時變左朗朗呀,佢又做咩自認係我女朋友呀! 

「係!佢個衰仔實講我好多壞話啦! 」 



洪sir搭一搭我膊頭。 

「咁咪好囉,人要carry on嫁嘛, 

成日留戀以前無意思嫁! 你而家既女朋友咪幾好!人又靚, 

又咁social,浪子生活已經唔再適合你啦!」 

「留戀以前? 我係咩?」 



「識左你咁耐,點會唔知你諗咩啫…」 

「朗朗呀!洪sir講緊咩呀?點解我唔知既? 」 

黃穎希雖然笑笑口咁問我, 

但係對眼將到好大好大,好似想殺左我咁。 

「我練波先啦! 」 



我無答佢。因為我根本唔知可以點答…… 

練完波,一路上,黃穎希都無同過我講野, 

只係撓住我,一直行番屋企。 
我番到去,沖個靚涼,煮完飯,就同黃穎希食個靚飯。 

呢餐飯,應該係我咁大個仔以來,食得最尷尬既一餐飯。 

黃穎希無問我以前既事,我亦都無向佢解釋, 

或者應該係話,我唔敢向佢解釋。 

第二日,佢又變番正常既黃穎希,不斷要我做呢樣做果樣,我又變番呀四,差在未幫佢奶西咁制。