第三章:昆吾賠禮訛同窗 后稷雙鞭出霧陣


(昆吾篇)我又差點笑出來,心想著。

「又講咩神獸啊?難道佢又係高登仔?」


回到宿舍時,唯銘也回到宿舍坐在床上如常看著遊戲王的卡牌簿。我不禁想起自己的任務,於是拿起了預早準備好的禮物-一對男女黏土公仔,上前送給唯銘。





「唯銘,今朝唔好意思,我特登做左一對公仔送俾你同你女友,你睇下。」


唯銘抬起頭看著我說:

「算啦,我地好朋友黎麻,今朝我語氣都重左既。做得好靚,我諗佢都會好鍾意,多謝你Gary。」


我靠在他的床邊,慢慢坐下繼續說。






「大家好朋友,講呢啲?話時話,其實你地點識架?我都想取下經啊。」


「Gary,但你要應承我真係唔可以講出去。」


我點頭示意沒有問題,唯銘便開始憶著說。。。

「一個禮拜前有一晚,我阿媽話攞幾件衫俾我,之後我從火車站番宿舍時經過荷花亭,就諗住坐下睇下本卡簿。點知突然有個女仔,好清純既味道,佢竟然主動行過黎同我傾計,我真係面都紅曬。。。好溫柔既聲音。。。





『你又有玩遊戲王架?我都好鍾意架。』


『哦。。。哦。。。係啊,我好鍾意玩架。。。』


『嘻嘻,我叫素珠,係聯合人啊。你呢?』


『我啊。。。我叫唯銘。。。係新亞人。。。』


佢雙眼好似好怕醜咁同我對望左一陣,我真係塊面更加紅到不得了。跟住係我呢世人第一次同女仔傾咁耐計,而且佢係唯一一個肯陪我一齊玩遊戲王同唔嫌我咁毒既女仔。果刻我真係已經心動。。。






之後我地就連續幾晚一齊深夜過黎玩遊戲王,而我其實就好掛住佢,每晚都想見佢而出去。第三晚已經忍唔住講。。。

『素珠啊。。。其實我對你係。。。』


『我明白啊,其實我對你都係。。。我覺得同你真係好夾。。。』


我捉住左佢對手,亦都係我第一次掂女仔既手,果種感覺到而家我都仲記得。我真係好鍾意佢,我相信佢都好鍾意我。。。

『唯銘,呢張卡係我卡簿上最好既卡,我送俾你做我地既訂情信物啊。』


『呢張咪係黑魔導女!』






『鍾意一個人就只想將自己最好既俾對方。。。』


我果刻真係唔敢相信自己夢想既女仔,原來係真架。

『我最好既卡只有呢張稀有卡-黑魔道。就送俾你做我地既訂情信物。。。』


『多謝你啊,但我地聯合是非好多架,我諗我地暫時係夜晚十二點先見面好嗎?』


『唔緊要啊,我怕你夜訓咋。。。』






『無問題架,其實我都成日深夜先夠膽自己出黎睇下本卡簿,費事俾人話我宅女麻。。。嘻嘻。。。』


『哈哈,好啦。以後有我陪住你就唔怕喇。。。』


佢好似眼有淚光咁。

『你真係願意陪住我?』


『即使我地只能陪住對方一世,我都會用盡呢一世時間錫你架。。。』






『點解。。。以前我。。。都遇唔到你咁好既。。。』


『我。。。。唔知啊。。。亦唔識講。。。只知好鍾意你。。。』


就咁樣我地就一齊左喇,佢真係一個好好既女仔。。。」


「聽你講,佢真係同你好夾。。。」


晚上我約了后稷一起晚餐,跟他如實告訴唯銘與素珠交往的版本。

「Gary,其實事情應該係果張神之卡到,如果攞走張卡,應該可以一解佢被迷惑既咒術。」


「如果我攞走左張卡佢就會解咒?」


「無錯,而我亦都可以從卡牌中睇到隻女妖既本事。」


我回去宿舍後,趁著唯銘澡涼時,我便從卡簿上偷走了那卡,並立即找后稷。

「我攞到喇,我攞到喇!」


后稷接著卡片,閉上雙眼感受了一下,繼續說。

「睇黎應該道行唔算高,二十年功力之內,今晚就等呢隻女妖見我雙鞭!」


好不容易,等到十二點,唯銘又跑出去了,我約了后稷一起在遠處跟蹤。豈料今晚見到的情景有點特別,唯銘與她只是向著裡池裡低頭細聊,並沒有玩起遊戲王卡牌,他們兩個站起來,向著池邊行近,越行越近,究竟想怎樣!?


當我正想衝出去截問他們的時候,后稷今晚身穿深啡色外套、白色T-shirt、深藍色牛仔褲配上白色波鞋,手執兩條深啡色的軟鞭,已經衝了過去一鞭打中素珠的身上,把唯銘拉跌在地上。我立即撲過去扶起唯銘,但他雙眼無神,怎樣搖他也沒有什麼反應。


突然從荷花池中冒起大霧,我只好扶著唯銘不敢多動。只見有兩個影子正在打鬥,相信便是后稷和素珠正在打鬥,他用兩條鞭不斷一下一下鞭策過去。我簡直不敢相信眼前的境象,煙霧迷漫,聽到后稷說。

「快啲帶你朋友離開呢到,我要獨自對付佢!看鞭!」


當唯銘聽到後,如夢驚醒般,很激動的說。

「唔好傷害佢啊,唔好傷害佢啊!唔好啊!」


「走啊唯銘,好危險啊呢到!」


后稷一邊與她打鬥,一邊向我們說著。

「仲唔快啲帶佢走?」


我強拉著唯銘離開霧陣,但好像走不出去,甚至不知道什麼原因我和唯銘在逃離的期間竟然掉入水中。水好像很深,但依平日看見的荷花池根本不像有這樣水深。

「救命啊。。。救。。。命。。。」


我已經差不多遇溺了,這時后稷用手抓住了我和唯銘,拉了我們上來。之後他從褲袋拿了幾條赤紅色的草給我吞下去,便說。

「吞左之後千祈唔好眨眼,咁你就會搵到路出去架喇,我仲要追隻女妖!快啊!」


當然在這麼危急關頭我也顧不了太多立即吞下,並繼續扶著唯銘想離開。但不知道什麼原因,眼睛好像有種少許刺痛的感覺,但很快重新張開雙眼後,便發現我的雙眼就像兩個大電筒一樣發著強光,當然我也不敢貶眼,相信后稷的話,於是我便沿著看見的路終於走出迷陣。


我扶著唯銘兩個喘不過氣地坐在餐廳與荷花湖中間的馬路上,合起了雙眼一會,再睜開眼睛時,我的雙眼已經不能發光了。而霧也正開始在散,我看見后稷已經走了出來。


他顯得很疲累的說:

「大家都無事嗎?」


唯銘仍然很激動地說:

「你有無將佢點啊!」


「岩岩比佢走甩左,差少少就可以捉到佢!」


「你唔可以傷害佢架!」


話畢唯銘想揮拳打到后稷身上,我卻制止了他。

「唯銘你傻左啊,係佢救左我地架!」


「佢而家情緒應該仲未穩定,你快啲帶佢番宿舍休息先。」


今晚發生了這麼多事,唯銘和我也回去後不久便睡著了。


第二天唯銘說仍然很疲累,所以我也讓他繼續自己好好在房間休息。我便約了后稷在聯合的飯堂再詳談。

「原來素珠真係女妖黎。。。話時話尋晚我食果啲係咩黎?點解食完之後對眼會發光既?」


「尋晚你食既就係鍾火山既明葮草,我地驅魔師會用黎係妖魔施左法令我地睇唔到野既情況下,食左會利用自己對眼照明,唔受妖魔用法力阻擋我地既視線。」


「原來有啲咁特別既野,我想問下咁而家唯銘係咪無事架喇?」


「正常黎講係,你要留意下佢仲有無咩異樣。呢隻女鬼雖然成妖時間唔過廿年,但功力確實唔低,能夠抵得住我幾鞭,睇黎我都有低估左佢。」


「咁點算啊?后稷你有無信心收服佢?」


「經過尋晚一戰,相信佢已經元氣大傷,下次我一定可以收服佢!但怕就怕唔知佢幾時先會再出現。。。」


晚上十一點多,唯銘便衝了出去,我也猜到他要往哪裡去。果然如此,就連后稷也在附近的樹後守住,我也跑到后稷身邊共同監視。

「睇黎無左張卡,佢仍然執迷不悟。。。Gary,睇黎佢係自願愛上左隻女妖。。。」


唯銘坐在荷花亭的地上,對著池中說:

「素珠!我真係好愛你架!你出黎啊!我唔會俾人傷害你架!有我係到,我會保護你架!無論你真係妖定人都好,我根本就唔介意,我講過我會永遠陪住你!」


我和后稷也一起嘆氣,遇上女妖仍然當女神般服役,但不能讓唯銘繼續沉淪在此。。。


一整晚也不見荷花女妖出沒,只見唯銘一人淚流一夜。

之後幾天,也見唯銘每晚十二點跑到荷花亭等待素珠出現,但可惜卻只是白等一場。每晚只聽到唯銘的哭聲。。。我和后稷也不禁心痛不堪。
已有 0 人追稿