<<現代驅魔文獻>>: 第四章：五谷夫月釋花妖 智文星亭邀后稷
第四章：五谷夫月釋花妖 智文星亭邀后稷
（周后稷篇）終於有一晚，素珠出現了。但為什麼一星期以來她也不出現，突然今天出現？難道已經準備與我一戰？但我身為三代驅魔將門之後，怎能有所脅？
正當我拿著雙鞭想衝出去時，Gary攔著我說：
「后稷，唔好衝動住。佢既然出現得，一定有野想做。不如我地平心靜氣出去睇睇先，如果真係要打，我相信佢都唔係你對手既，好嗎？」
「好，先出去睇睇。」
我和Gary一起走到荷花亭，唯銘已經抓著素珠到他身後，大喝著：
「Gary，你又帶呢個衰人黎做咩？想殺我既素珠啊？」
「你！你真係執迷不悟！佢係女妖黎，你再同佢一齊你都會死架！」
「后稷，等陣。。。唯銘，佢講得岩架。素珠，我地今日想知道你究竟想點？」
「無錯，一般既女鬼無咁易成妖，以你既功力都係廿年之內，無理由咁易修練成妖。」
素珠行前了，並繼續說：
「十三年前，個負心漢呃左我，我當時好想死。。。突然果晚一個女人教我點樣死後依附係荷花成妖，吸食男子陽氣。直至遇上唯銘，佢係我十幾年黎唯一對我一心一意既男仔，我。。。」
這時唯銘拖著素珠說：
「我地都係真心相愛，Gary好開心係大學識到你，但我決定左同素珠一齊。。。我會同佢一齊係另一個世界好好生活落去。。。」
Gary很緊張的回答：
「唯銘你係咪傻左啊？咁你啲屋企人呢？仲有好多好多。。。」
「Gary，我成世人都咁毒，而且咩都聽曬老豆老母講，連而家我著住既衫褲都係佢地買架。。。其實我真係好無用。。。咁難得我先遇到個女仔唔嫌棄我，仲肯同我過人世，我真係搵唔到理由要放棄佢。如果你當我係兄弟，你就俾我走。。。」
Gary已經不禁落淚，話也說不出來，連我也聽得有點眼濕。。。
素珠也滴下淚水，接著說：
「我答應你地，我唔會再害人，希望你地成全我地。。。」
我和Gary也沒有再講什麼，Gary只是上前抱緊了唯銘。我只好站在一旁，也被這份純真無邪的愛感動。
荷花池中起了一陣大霧，唯銘和素珠便跟隨著大霧慢慢一起消失了。。。
Gary坐在荷花亭中，臉無神色，相信經已傷心欲絕。
※【蘋果日報專訊】中文大學荷花池，今晨發現一名學生離奇浮屍水中，消防員將其撈起，因身上無明顯傷痕，警方正調查是失足墮湖抑或自殺，將由法醫剖驗確定死因，暫列屍體發現處理。死者陳唯銘（十九歲），香港人。今晨六時三十分，保安員巡邏時，在中文大學祟基書院附近的荷花池，發現一名男子在水中漂浮，全無動靜，立即報警。消防員到場將其撈起，證實男子已死亡，毋須送院，暫放在池邊，並用屏風圍起，以免引起其他學生恐慌。警方初步檢查屍體，不見有明顯傷痕，身上財物及證件未失，未知致死原因，正聯絡其家屬助查。※
事隔一個月，之後的日子都不再聽到有荷花女鬼拉人到池裡去的傳聞了，就只聽見有人說深夜時份看見一對小情侶坐在荷花亭談情，轉眼便不見了。
我這算是做了件好事？還是一件壞事呢？之前素珠提過一個女人是誰呢？
Gary也足足沒有離開宿舍一個月，我多次探望他也閉門自封，希望他能盡快康復過來。
有一天深夜，我照往日般在大學裡四處逛著，為的便是看看四處有沒有妖魔鬼怪。突然想到荷花亭，希望能碰碰唯銘和素珠。
到了，看到的是中文系那個新來的馮教授，她獨自一人低頭看著荷花池，難道素珠還不收手？但沒有理由，即使要下手一直也只向男的，為何今晚會向女的？而且還要是馮教授？不管怎樣，先過去一看！
「馮教授，馮教授，你係到做緊咩啊？」
「哦！？原來係你？」
「馮教授係到諗起唯銘？」
「我不但憶起唯銘，而且仲係到等緊一個人。」
「馮教授咁夜仲約左人係到？咁我行先喇，唔阻住教授喇。」
「我等緊既，正是五谷夫‧周后稷。」
我立即轉過身，瞪著雙眼很乍然不懂回應。
「一個月前，知道唯銘死於荷花池，我已經猜測係傳聞中既荷花女鬼作怪，當我係呢到查訪時，竟然發現鍾火山既明葮草草碎係地下。相信一定係非一般既驅魔師曾經出現係現場，又見附近草地同亭柱上有幾下鞭印，相信係驅魔世家周氏一族既雙鞭。驅魔界中有誰不知周氏傳到呢代，正是五谷夫‧后稷轉世？」
「馮教授。。。點。。。點解你會知道呢啲？」
「馮某正是風后，一直希望尋得轉世驅魔師共舉大義，對抗蚩尤力量。」
「難道係黃帝旗下第一軍師－智文星‧風后，風軍師？」
「正是，今次誠邀你地圖騰可以一齊結盟，共抗蚩尤魔軍。」
「風軍師，我地周氏圖騰一直以黎只求安定，未有咩大發展。而且始終我出道只有三年，功力仲未到家，想再多加修練。所以睇黎我暫時都未能答應風軍師既邀請，希望可以體諒。」
「既然后稷有所決定，我都唔勉強你，但希望你再考慮清楚。因為蚩尤已經如預言講，將會好快復活，再次帶領佢既軍隊重現人間。所以你都要小心佢既七十二惡魔係人間獵殺轉世驅魔師同圖騰既驅魔師精元。」
「風軍師，有心喇。我相信我地圖騰亦都有足夠能力抵禦。」
「既然如此，我都唔打擾喇。如果有新既諗法時，可以隨時打俾我。」
風后與我交換電話後便走了，真猜不到馮教授竟然就是風后。但我們周氏的圖騰現在聚有驅魔師三、四十人於長沙灣東京街一帶，即使一時間要與蚩尤軍隊一戰，相信亦能對抗。而且周氏圖騰是我的家業，又怎能輕易與人結盟呢？
雖說風后是當年炎黃聯軍的軍師，人稱文智雙全，但始終她現在的圖騰實力如何，還是未知之數。加上七十二惡魔我仍然從來未試過交手，可能以我雙鞭足以制衡。小心為上，應該查證一下風后現在的圖騰再決定。
星期日，我回到長沙灣的公司，就是我家族的門面生意，以女裝批發為主。其實就是我們周氏圖騰的聚腳點，今天我跟我們圖騰的軍師田畯太‧雍父一起開會。他已經年過五十，也是一名轉世驅魔師。以前他是偷渡來港，聽父親說當時雍父只是二十歲，在深水步一棟唐樓驅鬼時遇上雍父幫手，已經見識到他驅魔本事高群，便與爺爺說收留他一起生活。
自此他與我父親便成了很要好的兄弟，一起出生入死斬妖除魔，又助父親創立這間服裝批發公司賺錢，幫助入伙我們圖騰有困難的驅魔師，令我們周氏圖騰日增聲威。因雍父自少與我感情非常好，所以父親也叫我喚雍父為阿父。
「阿父，想問下你知道風后係邊個嗎？」
「當然知道，當年炎黃聯軍第一軍師，精通兵法，智謀過人。」
「幾日前我係學校見到佢，阿父有消息佢而家身在何處嗎？」
「智文星‧風后啊，早前有聽講佢已經入伙一個叫先生既侯氏圖騰，已經聚義鬼容區‧大鴻、封雙刃‧沮頌係飛鵝山，集結百多個正氣師，聲勢不落於我地。」
「先生？佢係邊個？都係轉世驅魔師？」
「無人知，只知道姓侯，應該都係一個了得既人。如果唔係，唔會連風后、大鴻、沮頌幾個響噹噹既轉世驅魔師都投奔佢旗下。」
「其實風后上次搵我，係想邀請我地圖騰結盟。」
「咁你點同佢講？」
「我話我地圖騰只係想幫助有困難既驅魔師，未有咩大發展，所以拒絕左佢。」
雍父點著頭說。
「無錯，如今我地圖騰自給自足，有足夠實力自成一角。萬一同佢結盟，未知佢地背後有咩諗法，后稷今次既決定好岩。」
星期一回到大學的時候，Gary找我一起食早餐，不知道是否心情已康復呢？
「后稷，對唔住，之前你黎探我都無開門俾你。。。」
「唔緊要，明白既。唯銘既事大家都好難過，你而家心情好啲嗎？」
「好好多喇，其實今次我想問下你，之前你同我提過地咩獸昆吾，果時我仲一頭煙，但後來記得讀歷史時有提過遠古四賢既人，好似有個係叫昆吾？」
「無錯，驅魔界一直流傳蚩尤將近復活時，遠古賢能戰將亦會轉世，與蚩尤既圖騰一戰，但結果係點就無人講過。。。」
「咁點解你上次會覺得我係昆吾啊？」
「因為只有轉世驅魔師手臂上會有兩條好似二字咁既疤，就係指炎黃之後。」
說到這時，我也除下外套讓Gary看看我的疤痕，也接著說：
「而你又強項玩黏土陶藝呢類，我就估你應該係當年既陶藝鐵匠，地藏獸．昆吾。」
「唔係掛。。。我認為自己只係一個毒男，邊有咁犀利去驅魔，仲話要打蚩尤。。。」
「我屋企有塊廣生鏡，可以睇到你前世係邊個，不如黎緊星期六黎我屋企試下。」
「咁得意？試下都好啊。呀，你頭先仲講到咩圖騰，又係咩黎架？」
「圖騰就係我地驅魔師一直以黎既聚合組織，就好似咩咩鄉親會咁樣。但一直以黎只有本領同名氣好高既驅魔師先會有自己既圖騰，就會聚集各路驅魔師去達到一啲目標或者目的。而好似我就係屬於由太爺創立既周氏圖騰，我地四代人一直以幫助有經濟困難既驅魔師為圖騰既宗旨，希望可以鞏固我地既實力。而我地既圖騰就係長沙灣紮根，係我家族既公司附近唐樓有提供住宿俾有需要既驅魔師。」
「嘩。。。原來咁有規模既，但做驅魔師無錢既咩？」
「當然有部分驅魔師就會以賺錢為目的，自然唔憂無錢。但斬妖除魔係我地既天職，點能夠收錢呢？所以正常既驅魔師都會隱藏身份，有自己既正常工作同家庭，好少俾人知道。」
「咁都幾蝕底。。。又要做，又有責任，仲要無錢。。。」
可能一般人也是這樣想，但如果當Gary能知道自己的身份時，想法自然會改變。