米米蓮妖怪作品 -《再遇見到你》(長篇) (暫停刊): 第二十五集 ~ 龜︰起程去救申月兒喇！
第二十五集 ~ 龜︰起程去救申月兒喇！
(掛唔掛住我啊？)
「我掛啊！」
如果鳳初佢咁樣問我，我肯定會咁樣答。
(唔好諗男人住啦，你而家扮緊男人嫁！)
係噃，上次我應承咗易面容同錢阿土佢哋幫手請周白波出手救佢哋朋友…
所以我而家扮到成個男仔咁樣。
我哋三個一齊嚟咗「白波大屋」，即係周白波嘅屋企。
我哋見冇人應門，直接就入咗去裡面…
「會唔會唔係幾好啊？」我問。
「佢冇人應都冇計嫁。」錢阿土講。
正當我哋一步步向前行嗰陣，突然…
「丫~！」
我後面有隻祿山之手抓咗我屁股一吓。
「好軟熟嘅蘿啊！我鍾意啊！仲要咁靚仔同大隻添，正啊！」
一個個樣好鹹濕嘅女人啊。
我咁大個女，見過咁多人，佢係我第二個見過鹹濕到出晒面嘅女人…
第一個係西施嬸嬸佢。
「你…你…」我都唔知出咩聲好。
「陸兄，呢位就係周白波前輩喇。」錢阿土咁講。
「前你老媽子個輩呀！你條醜樣佬咪扮後生，你同我同輩嫁咋。」周白波回應。
「唉，阿土你又係嘅，靚女都唔叫聲，叫人點同你傾計呢？」易面容講。
「傾你條命，你兩個咁，醜，樣！我係唔會同你哋，傾，計，嫁！」周白波再講。
佢特別大聲強調「醜樣」同「傾計」，咁樣俾佢侮辱法點忍啊？佢真係…
真係…(我望住易面容同錢阿土)
又真係奇怪，佢哋兩個竟然忍得到呢啖氣，睇嚟佢哋真係好真心想救佢哋朋友。
「呢位靚仔哥哥就唔同啦，同佢傾成晚，傾成世都得啊。」周白波摸住我講。
「Eee…實不相瞞丫呢位小姐，其實我哋係想你出手幫忙，救一救我哋朋友。」
我咁同佢講。佢就碌大對眼好好奇咁望住我…
「請問…係咪有咩問題啊？」我怕佢知道咗我係女仔。
「唔係，不過點解你個髮型…咁…咁梁，但係就咁有型嘅？成個武林少俠咁款。」
我冇剪頭髮，留長頭髮唔係易事，我唔捨得剪，所以將佢梳成一個高髻。
「不過唔緊要啦，你靚仔就講乜都啱聽嫁喇，你想我點幫你丫？」
估唔到佢真係咁順攤。
之後，易面容同錢阿土就將成個故事講晒出嚟，希望周白波幫手…
不過每句都要我重複，周白波就係要聽我講，唔聽佢哋兩個講。
「哼，雙面神偷噃，使我嚟救？佢哋兩條醜樣佬死架？佢哋去救佢咪得囉！」周白波回應。
「月兒佢被困咗喺七重妖塔裡面。」易面容講。
「係啊，月兒佢被困咗喺七重妖塔裡面啊。」我重覆。
「七重妖塔！？陸羽石條淫蟲嘅家傳之寶？」周白波回應。
「係。相信你都知啦，七重妖塔裡面以五行八卦佈陣，淨係講五行啫，一到咗屬性係金嘅嗰層，我同阿土佢都冇辦法攪掂。」易面容再講。
「係囉，係囉。」呢段有D複雜，我唔識重覆，所以淨係直接講「係囉」。
「七重妖塔我有聽過，不過裡面實際係點，我真係唔知，連申月兒都俾佢捉咗，仲困住咗喺裡面，我諗都真係唔少嘢，但係陸羽石條淫蟲點解要咁做啊？」周白波問。
「講真，我同阿土都唔知，本來我哋三個約好喺櫻木林度等嘅，但係一直都見唔到月兒嚟，所以周圍打探，最後喺「有來有去」嗰度知道咗月兒去同陸羽石發生過沖突，仲俾佢困咗喺七重妖塔。」易面容再回應。
「唔好意思啊，你嗰句咩咩喺「有來有去」嗰度知道D嘢呢…係講緊咩啊？」我唔明，重覆唔到，所以咁問。
「哦，「有來有去」係一隻小妖個名嚟，我救過佢一家，所以佢應該唔會呃我。」易面容回應。
「聽你哋咁講，我都想去見識吓七重妖塔嘅厲害，不過…」周白波佢望住我淫笑。
「不過咩啊？」我問。
「你兩個醜樣佬知道我規矩啦，你哋係咪想出賣你哋呢個朋友啊？定係本來就呃人哋嚟嫁？」周白波斜眼望向易面容佢哋講。
「吓！？咩…咩事啊？你嘅規矩係咩啊？」我問。
「全天下都知我係出名鹹濕，出名鍾意靚仔嫁喇，我規矩好簡單，就係要D靚仔變成我嘅性奴。」
「吓！？性奴？被虐待嗰D？」
我有D驚，仲有D嬲易面容佢哋兩個冇同我講過。
「不過靚仔哥你放心，我好有原則，我要D靚仔係自願嘅，你唔肯邊個都逼唔到你。老實講，我要男人嘅話，隨手都可以執幾個返嚟姦完再姦。」
我聽完周白波佢咁講，我都唔知開心定唔開心好，心裡面就係忐忑不安…
想救人，但係又唔想出賣肉體。
「對唔住啊，陸兄，我真係冇晒辦法先嚟求你，我係有聽過周白波呢個規矩嘅傳言，但係又查過，從來冇人做過佢性奴，所以就要求你嚟一博，希望佢鬆手D，例如錫返啖就算咁，不過估唔到個傳言係真。」易面容講。
「係啊，係啊。」錢阿土一直就好似應聲蟲咁，人哋講乜佢都和應。
大家沈寂咗幾秒。
「哼，咁啦，我諗你哋都做唔到決定嫁喇，我又有少少想挑戰吓個七重妖塔，不如我跟你哋去，去到要我出手嗰陣，靚仔哥你再做決定啦。」周白波咁提議。
「Eee…好，我只係想幫人，希望…算喇，咁…我哋一齊出發先啦。」我咁講。
「多謝兩位。」易面容講。
「多謝晒，多謝晒。」錢阿土講。
…
我哋冇浪費時間，周白波佢乜都冇帶就跟我哋行…
兩袖清風嘅佢，就真係好似一個高手中嘅高手咁，但係…
佢沿途總係借D倚索我油。
我自己都係女性，俾女人索吓油，我覺得冇乜所謂，但係我怕俾佢發現我係女仔。
我哋四個溜夜走到好遠，聽易面容講距離七重妖塔仲有大約一日嘅行程…
所以我哋就係咁，今晚訓咗一個杳無人煙嘅郊外…
一大遍草地，幾棵大樹，一望無際嘅遠景，漆黑嘅夜晚…
陪伴住我哋嘅就只有昆蟲嘅叫聲，同埋天上嘅繁星…
星光燎燎，每每呢D夜晚，我都總係會諗吓自己鍾意嘅人，當陪自己入眠嘅…
好想訓喺我身邊嘅人係「佢」。
可惜而家係周白波同易面容…
咦，錢阿土呢？
我起起身，望一望大約百步之內嘅遠處，見到錢阿土佢嘅身影…
佢坐咗喺舊大石上面，抬頭望住天上嘅繁星…
我見佢咁樣，好似好多心事咁，我自己又訓唔著，所以我靜靜地行咗去聽佢咩事…
但係估唔到…
佢竟然…
(每一個晚上 ~ 在夢的曠野 ~ 我是驕傲的巨人 ~)
(每一個早晨 ~ 在浴室鏡子前 ~)
(卻發現自己活在剃刀邊緣 ~)
(在鋼筋水泥的叢林裡在呼來喚去的生涯裡 ~)
(計算著夢想和現實之間的差距 ~)
(我很醜 ~ 可是我很溫柔 ~)
(外表冷漠 ~ 內心狂熱 ~ 那就是我 ~)
(我很醜 ~ 可是我有音樂和啤酒 ~ 一點卑微 ~)
(一點懦弱 ~ 可是從不退縮 ~)
佢竟然係咁深情，歌詞之中冇提過一D愛情，但係就感覺到佢對月兒嗰份愛意。
「陸兄，乜你未訓咩？」錢阿土佢終於發現咗我喺佢背後。
「係啊，你又咁夜都唔訓嘅？」
「年紀大，個腎壞，係咁嫁喇。」
「睇嚟你好鍾意申月兒噃。」
「哈哈，乜鍾意唔鍾意丫，我當佢細妹咋…」
「細妹，你有冇自己呃自已啊？我睇得出你對佢份愛意噃。」
「愛意！？哈哈，乜睇得出嫁咩？不過…即使有又點丫，我咩新鮮蘿蔔皮丫，我自己知自己事，咁醜樣，邊有女仔會鍾意丫，何況月兒佢咁靚，再者…」
「做咩唔繼續講落去啊？」
「唉，再者，我知道我兄弟易面容佢都好鍾意月兒，佢哋兩個真係好襯，根本就係神仙眷侶，所以我寧願去祝福佢哋。」
「吓！？你話易面容都鍾意申月兒我明白，但係你話佢哋係神仙眷侶，點解你唔可以同申月兒係眷侶啊？講真，易面容都…唔會靚仔得過你啫…」
「你有所不知喇，希望遲D你會知啦，面容佢醒咗，行緊過嚟喇。」
「吓！？」我另轉頭望。
「喂，你哋咁夜都唔訓啊？使唔使我刺激吓你哋大腦啊？唱隻歌你哋聽呢？」
「哈哈！」錢阿土笑咗。
而易面容佢冇理我哋回應，直接就唱歌喇…
「唱首歌你哋聽吓…」
(噢 乜當奴 有D燥 ~)
(依丫依吔噢 ~！)
(但佢屋企啊有隻 喵 ~)
(依丫依吔噢 ~！)
(同埋佢隻喵 ~ 同埋你隻喵 ~)
(佢有喵 ~！)
(你有喵 ~ ！)
(喵喵 喵喵 喵喵喵 ~！)
(噢 乜當奴 解焦燥 ~)
(依丫依吔噢 ~！)
「哈哈哈哈哈 ~！」
睇嚟佢同錢阿土好唔同，佢呢個人反而鍾意收埋自己真實一面，係對人歡笑背人愁嗰種人，好聽D就係樂觀囉，不過…
佢唱歌唔緊要，佢唱乜我亦都唔理，因為聽唔明，但係問題係…
佢唱一首歌喺我面前，彈來彈去最少二三十次…
夜媽媽，佢個面白璽璽，仲要裂開咗個口…
其實佢知唔知自己個樣好恐怖嫁啫，我真係有少少想鍾…
想「鍾」佢！
「邊個再嘈住我訓覺，我就燒佢下部！」周白波突然大嗌。
我再望返去易面容同錢阿土度…
點知佢哋都已經原地訓低咗，仲喺度鋸鋸聲扮扯鼻鼾訓緊。
我一時之間，都唔知俾咩反應好，但係…
周白波佢起咗身，仲…
「靚仔哥哥，你過嚟丫。」
(待續)
下集預告︰
「塵歸塵，土歸土，靈魂上路啦！」
註腳︰錢阿土唱嘅係國語歌，趙傳所唱嘅《我很醜，但我很溫柔》，而易面容亂唱嘅係改編兒歌
《Old MacDonald had a farm》