在夢境與少女相遇後有壞人殺死了我: 第03章 (6)

汗水一滴，沿額角流下。
 
「我係度亂諗啲咩？」我拍一拍額頭，明明今早才吃完老爹的肉包子，還有娘親的稀飯。
 
安靜了一會兒。
 
我站起，以站崗姿勢站立。
 
天空的雲真的變幻莫測。
 


我靜悄悄地拿出紅雞蛋，剝殼，繼續食。
 
「你仲係唔係度？」公主溫婉地問。
 
「喂，你仲係唔係度啊？」公主再問，「喂喂……」
 
「係度。」我靠著木柱，望著天空，含住蛋黃地答。
 
「我本名叫藍藍，你叫咩名？」她問。
 


「我叫……」我說，可是想起如果我的無禮被秋後算帳，就即時忍住了口。
 
「你叫咩話？我聽唔到。」公主問，把耳貼近門邊。
 
「我叫——」我忍一忍，還是說了，「程強。」
 
「程……強。」她讀一遍，好像有點失望。
 
又過了一會兒。
 


「程強，你仲係唔係度？」
 
「公主，我仲係度。」我站累了，再次背靠扇門而坐。
 
「知唔知點解，我覺得今日會有人黎救我出去？」她問。
 
下午，有點睏，想著春郎什麼時候才回來。
 
「唔知啊公主。」我托頭回應，掏出《侍衛守則一百三十三條》，卷起封頁，逐條試閱。
 
「因為呢，我之前呢，試過係一條暗巷度比四個壞人欺負，之後有人出手救左我，仲打左對方一拳。」公主滿面含春地說。
 
「哦，係，公主。」我托頭回應。
 
「佢好似叫自己做悟空，雖然我唔知係咪真名，但我總覺得，佢會再次出現。」


 
這時，她的語調，充滿著少女情懷。
 
不過這也正常，她畢竟是少女。
 
「仲有你唔好叫我公主喇，我覺得好難聽，難聽過粗口，你叫我做藍藍啦。」
 
「根據侍衛守則〈以下犯上篇〉第五條，直呼皇室成員名字，斬立決。」我念讀《守則》，又翻去下一頁。發現其實都是斬立決，並不是太難記。
 
藍藍——我心裡試叫。
 
竟然有心動的感覺。但不可以的，會違反第一百一十一條，絕對不可以對公主有任何非分之想。
 
「唔理你喇。」公主覺得沒趣，徑自走開了。
 


接著整個下午，春郎都沒有回來，附近也沒有人走過。
 
「奇怪。」我的不安感再次浮現，不斷來回踱步。
 
 
到了黃昏時分，天色金光四射——
 
宮廷前朝區有火光冒起，濃煙滾滾。
 
「皇宮……失火？」
 
遠處傳來騷動，好像有人慘叫，有人廝殺。
 
細心聆聽，還有馬蹄聲，刀劍交擊聲——
 


皇宮到底……發生什麼事？
 
「喂喂，程強，你仲係唔係度？」公主隔著門問，似是剛剛睡醒，「外面發生咩事？」