[真人真事]那些年錯過的愛情: 中二１２
呢件事過左一星期左右，我番學都係訓到食飯再訓到放學，訓到精神個陣就去圖書館借D書睇。知道啊君有男朋友後既呢段日子，好辛苦。
上左堂兩個月左右，啊單就調左去我前面啊金個位到坐，啊金就調左去同一個新來港既女仔坐，坐係老師?前面。
呢段日子有啊單呢個好兄弟陪我吹下水，好快就過左一日。
有一日，我地係自己班上緊英文堂。咁岩我起左身，而且啊單又冇野做，無聊下大家就傾下計，傾傾下啊單索性擰轉個身去我張?到畫畫。
啊單： 「畫尻啊美出黎先，我要畫到佢摸住自己個西淫笑」
我： 「咁難，你得唔得架」我一邊睇書一邊答
啊單： 「等我一陣，我畫畫好撚勁」
十分鐘左右後，啊單真係畫左個女仔出黎，呢個女仔樣貌幾似啊美，圖中見到呢個女仔著住校服張開雙腿摸住自己下面。，呢幅畫令我不得不承認啊單畫功真係好好。
我： 「哇，好撚似啊！」我笑左出黎
啊單： 「勁呢，比人睇下似唔似先」佢拿起手中既英文書
當啊單傳左比個男同學pater睇後，peter睇到幅畫就笑到仆街，我地叫佢停都停唔到。英文miss見到我地不斷笑就行黎搶左我地本書。
Miss： 「笑咩啊？睇過」佢搶起peter手中既英文書
我，啊單： 「大撚獲！」
MISS睇到本書兩至三秒左右先講野。
MISS：「得啦，Peter一陣落左堂你黎見我」佢收左Peter手中既英文書
女老師出返去教書之後，我同啊單就坐係位到笑到仆街。
啊單：「對唔住呀Peter仔，累撚左你」
Peter：「唔緊要啦，大家係兄弟」佢仲係到笑
啊單：「咁你一陣唔好爆我出黎呀大佬」
Peter：「得啦！」佢又係到笑
落左堂之後，Peter就跟左女Miss去教員室，佢離開左十分鍾之後，Peter自己一個入返黎。
啊單：「喂，你無事呀？」
Peter：「無事，不過miss好似搵你同羅子傑喎」
我：「又關我事...？」
啊單：「得啦啊傑，睇黎你都要陪我架啦」
我同啊單離開左自己班之後，兩個就慢慢行去教員室，啊單一邊行一邊罵Peter
啊單：「唉，都話呢班Ｄ人靠唔住架啦，出事啦」
相信miss見到書上既畫作，一定會覺得我同啊單係變態。呢樣都唔重要，最重要係通知家長，如果老豆老母知道我有份玩埋呢Ｄ野，返到屋企一定砍死我。所以啊單係到講會罰Ｄ咩，我都無應佢，因為我已經淆到仆街。
去到教員室門口，Miss就企左係門口等我地
Miss：「Peter講晒比我聽啦，幅畫係你地畫架啦？」佢拎起啊單本書
啊單：「下次唔敢啦，我地貪玩昨」啊單扮可憐求老師
Miss：「羅子傑唔洗求情！？」佢望住我
聽到老師既說話，令我覺得呢件事有轉機，於是我就同啊單一齊求佢
我：「我都唔敢啦，比次機會啦！」
Miss：「好，見你地平時上堂幾乖，今次只係罰你地抄。你地就企係教員室出面抄「我以後要專心上英文堂！」一千次啦，食飯前拎黎比我。仲有，呢本英文書我要沒收！」
Miss講完就走開左，當我諗住拎紙罰抄。啊單就係到摸我屎忽
我：「你做咩呀頂」我撥開佢隻手
啊單：「估唔到咩事都無，摸下你比你開心下」
我：「仲有四堂要抄呀，分開企啦仆街」
為左專心抄完快Ｄ落班房訓，我同啊單就分開左企。但係抄左一堂左右，個人開始累，想訓教之下Ｄ野就抄慢左，最後我同啊單索性坐係Ｄ櫈到慢慢抄。抄左一陣，見到啊單坐係到訓著左，見佢訓得咁爽我又想訓，點知突然聽到有人係我後面講
「我..以後要...專心上..英文堂？」後面一把女聲讀著
我托住個頭望去後面，讀呢句野出黎竟然係啊希。佢渣住一疊野笑住咁企左係我後面。
我：「上緊堂喎..你係到既」我望返前面講
啊希：「轉左堂啦，我黎教員室幫老師拎Ｄ歴届試題返黎昨。你做咩講野唔望住人架？」
我：「唔望啦，你有男朋友，一陣得罪佢比足球省咪大獲」我笑住咁講
其實，當我單獨同啊希你眼望我眼，我塊面自然就會慢慢紅起黎，可能單獨對住Ｄ比較靚既女仔就會咁。由於之前比佢笑過一兩次，所以知道佢企係後面之後，我立即望返前面同佢講野。
啊希：「佢只係打籃球姐！係啦，你Ｄ字真係好樣衰」佢笑左出聲
我：「你Ｄ字好靚咩，我唔信呀，你抄返幾次比我睇啦」
啊希：「好呀，寫咪寫囉！」於是佢坐低左
於是啊希坐低左係我對面，佢係到寫之外仲讚自己Ｄ字。但我就覺得佢似一邊幫我抄一邊同我傾計，佢問我做咩會同啊單上黎罰抄，我當然無答到佢，只係扯開話題。當啊希幫我抄左十幾次，啊單就拎晒Ｄ野走左過黎。
啊單：「啊希！？你又係到既？」啊單係我隔離坐低
啊希：「啊單，你訓醒啦咩？」佢對住啊單微笑
啊單：「唔好咁望住我，我會怕羞」啊單係到淫笑
啊希：「拎你果張黎啦，幫你抄返十幾行！」
啊單：「多謝大佬！！」佢將手中既罰抄紙比啊希
最後，啊希就坐左係到陪左我地半堂。我地三個坐左係教員室出面大聲傾計都無人理我地，最後我同啊單都抄得切一千次罰抄交比Miss，至於果本英文書，Miss沒收左之後我地就再無見個，啊單又唔夠膽問佢拎返，於是呢一年既英文堂佢都會返精英班問上年Ｄ同學借書。
呢件事過左大約兩日，我係學校打左陣波，休息果陣睇電話收到一個訊息，時間大約係十分鍾前。
「傑..最近好嗎？」