[真人真事]那些年錯過的愛情: 中二１３
「傑..最近好嗎？」
我坐左係張櫈到，望住呢個訊息，我真人講左一句 「你終於肯搵我啦咩...」
我立即抹去手上既汗水，用前所未見既打字速度回覆呢個信息。
我：「緊係好啦...你呢？」
等左一分鍾都無，電話再次振動。
「我都唔差啦...岩岩係你學校圍欄出面見到你打波想叫你又唔敢叫。方唔方便出黎傾一陣？」
我：「緊係得，想係邊到等？」
「你學校附近屋邨Ｄ平台啦，個到無咩人」
我：「好，你等我五分鍾！」我回覆這個人
我校服都無著，書包冇拎。就著住件黃黃地既白色底衫跑出學校，經過一條大約三分鍾左右既路，上到平台我就見到呢個人。佢就企係我面前，大家相距兩三步，佢仲背向我。當我行埋去想好似以往咁拍佢膊頭，但又諗到我地之間身份已經唔岩，我唔應該對佢做呢Ｄ野。
當我猶疑緊叫唔叫佢，呢個人冇啦啦望黎後面
「哇，咁快到左既？」佢嚇左一嚇
我：「五年既朋友...成個月無搵我，無啦啦叫我出黎傾計，一定跑出黎啦」我流住汗笑笑口講
「又講埋呢Ｄ野...不如去後樓梯傾好無？呢到都幾多人望到我」
我：「無所謂...不過你著住校服就食少陣煙啦...啊君」
我同啊君到左後樓梯之後，大家開始傾起呢一個月發生過既事，我仲提及過係佢網誌上知道佢有男朋友呢件事。
啊君：「估唔到你仲有留意我...」佢笑左一笑
我：「同你嘈完果日之後，我唔開心左好耐，我想搵你但又唔夠膽。其實我諗過...我唔應該逼你介煙...」
啊君：「果日說話我都重左小小...」
當啊君講完，佢接住講
啊君：「果日之後我都有諗過...其實唔係你變左...係大家都變左啦」佢抽一口煙
我:：「下...」
啊君：「升左上中學之後，大家開頭仲成日搵大家...可能大家仲未融入到中學圈子。但係日子耐左，大家有自己既中學生活同朋友，我地少搵左大家，令到我覺得你好似無理過我咁。依家，大家都要習慣下啦」
我：「但係...我仲未習慣到無左你陪我...」
啊君：「你記唔記得，中一果陣你同我講 「如果你有男仔鍾意你，你可以試下同佢一齊架，唔洗一定要等我」當時我答你，我會等你，但係我依家發現，我唔想再等你啦...」佢停左幾秒再講
啊君：「可能我地大家真係只係純粹係好朋友既關係...有人講過，有Ｄ人只可以做你好朋友，但做情人就唔得」佢講完眼有淚光
我：「啊君...」我已經唔知講咩好
啊君：「依家我有男朋友，你都知啦。我地不如做返好朋友？呢Ｄ說話我屈係個心到好耐，一直都想同你講，但係我今日先夠膽搵你。對唔住，我同你一樣，好需要你呢個好朋友...」
我：「咁我地...做返好朋友啦」我當時唔識回應啊君
啊君：「雖然...我覺得佢唔夠你好...但係，我會學習愛上一個會包容我，會愛惜我既人」
我：「咁...我地仲係好朋友？」
啊君：「緊係啦！」佢突然笑得好開心
呢一日，啊君突然搵返我，我唔知應該開心定傷心。我得到返啊君呢個好朋友之後，好似又失去左另一樣好重要既野咁。雖然大家道左歉…但係我地大家之間，好似仍然有一個缺口咁，永遠都修補唔到。
當我想同啊君傾學界既事，佢男朋友就SMS左佢。
啊君：「啊傑！掛住同你傾計唔記得左時間，佢岩岩係附近學完吉他，依家我去接佢啦，bye！」講完佢就行去另一邊樓梯落去
我：「你快Ｄ去接佢啦！！bye！」我係第二邊樓梯叫著
望住啊君消失係我面前，心入面好似比刀介開左咁。我選擇左行第二條路行返學校，希望唔洗見到啊君同佢男朋友係我面前。唔係，最好永遠唔好比我見到佢地兩個一齊。
返到學校之後，豬皮問我做咩咁遲先返到黎。我求其答左佢之後，就拎左個籃球係中場到狂炸個籃板。我決定要發洩晒所有野係呢塊籃球板上。
「啊呀！！！」我係籃球場大叫
假使不能公開妒忌 學習大方接受
同行時要殿後 誰冷落舊朋友
當我想同啊君傾學界既事，佢男朋友就SMS左佢。
啊君：「啊傑！掛住同你傾計唔記得左時間，佢岩岩係附近學完吉他，依家我去接佢啦，bye！」講完佢就行去另一邊樓梯落去
我：「你快Ｄ去接佢啦！！bye！」我係第二邊樓梯叫著
望住啊君消失係我面前，心入面好似比刀介開左咁。我選擇左行第二條路行返學校，希望唔洗見到啊君同佢男朋友係我面前。唔係，最好永遠唔好比我見到佢地兩個一齊。
返到學校之後，豬皮問我做咩咁遲先返到黎。我求其答左佢之後，就拎左個籃球係中場到狂炸個籃板。我決定要發洩晒所有野係呢塊籃球板上。
「啊呀！！！」我係籃球場大叫
假使不能公開妒忌 學習大方接受
同行時要殿後 誰冷落舊朋友