[真人真事]那些年錯過的愛情: 中三３７

「同學，圖書館唔比打機架喎」 

　　當我回頭諗住睇下係邊個果陣，竟然係一個好耐無見既朋友。 

我：「魚姐！？做咩你係到架？」 

　　我講完之後，啊魚就係袋中取出一支筆，我仲認得呢支筆係我係中二暑假去台灣時買比佢果樣手信。佢拿著筆在紙上寫了幾個字。 

「出唔出去傾一陣計？」 





　　我做了一個OK手勢後，同啊山交代左幾句就出左去。我同啊魚出到去之後就去左走廊傾計 

我：「魚姐，做咩畢左業仲咁得閒返黎呀？」我笑著說 
啊魚：「我返黎搵老師呀...都未考完」 
我：「係喎，上次同你影果張相有冇晒返比我呀？」 
啊魚：「我未得閒搞呀...有機會再比你啦...係啦，最近你係學校點」

我：「唉，你地走左之後就好悶，無左人同我捉棋咁囉」我笑著說 
啊魚：「你係咪想捉先？係啦，你Ｄ數學點呀？今次測驗幾多分？」 
我：「好差呀....得二十幾分，無左你教我ma」 




啊魚：「咁不如好似上年咁啦，我教你數學」佢笑著說 
我：「唔好意思既...而且我岩岩都搵左一個出面球隊既朋友教我數」 
啊魚：「唔緊要喎，五月我得閒架啦，到時我搵你啦！雙管齊下好Ｄ既！」 
我：「咁唔該晒你啦魚姐...」我尷尬地笑著說 

　　後來啊魚夠鐘離開學校，我又想返屋企照顧老豆。於是我就入圖書館同啊山佢地講再見，順便拎返個書包準備離開學校。離開學校果陣，啊魚就問我選科既問題。 

啊魚：「你諗住簡咩科呀？應該就黎交表啦」 
我：「Er...調理同農務囉」我笑著說 
啊魚：「下？你講咩話？」佢用奇怪既眼神望住我 




我：「哈，無野呀。好啦到門口啦，你係咪上私家車走？」 
啊魚：「係呀，下次見啦，我再返學校搵你！」 
我：「嗯，拜拜」我向佢揮手 

　　回家路上，我一直思考選科問題。由於每一科差唔多分之外又無咩特別興趣，於是我就決定遲Ｄ問下幾位好朋友既意見。當我經過球場時，一把聲音在場上向我叫著，我更看見一個著住底衫校服褲既四眼仔跑緊過黎 

「大佬！終於比我見返你啦！」正在跑向我的肥仔叫著 

「仆街！豬仔係到！」

豬仔：「大佬！我好掛住你呀！」佢跑上前攬著我 
我：「得啦屌！好撚多汗呀你！放手先！」 
豬仔：「sorry囉大佬，落黎教我打波啦」佢指示我入球場 

　　落到球場後照舊見到粗口啊伯，同佢打個招呼後我就同豬仔坐埋一二邊。當我望去比較遠果個場，見到啊單同豬皮係個到射緊波。於是我就行埋去同佢地傾計 





我：「喂，你地又會出到黎呢面打波既」我向啊單問著 
啊單：「咦啊傑你又係到既？」佢拍住波問我 
我：「放學經過呢到落黎睇下姐，你地做咩唔留係學校打？」 

　　啊單把球射出後，把我拉向一邊說著 

啊單：「豬皮依家唔知做咩撚當左我係主人咁，我去邊佢跟到我去邊。我叫佢做咩都肯做」佢細細聲對著我說 
我：「姐係Ｄ咩？你同佢做左兄弟？」我笑著說 
啊單：「佢係做左我隻狗！你睇撚住啦」佢淫笑著說 

　　啊單說完後便叫豬皮把球傳給他，啊單接左個波之後就去左中場炸個波去籃板，點知大力之下炸左出球場範圍外，而且個籃球仲不斷彈去其他地方。 

啊單：「喂，汁波啦豬皮！」佢大聲地叫豬皮 
豬皮：「得得得！無問題」豬皮說完便跑出球場 





我：「佢做咩撚野會幫你？」我笑著說 
啊單：「都話佢做左我隻狗，唔信你一陣再睇下」

豬皮把籃球拾回來後傳給啊單，啊單拎左個波又企係中場炸左個波出球場範圍外 

啊單：「豬皮！幫我執！」 
豬皮：「屌，又咁大力架！好啦！」說完豬皮再度跑出去 

　　此時站在一旁的我已經笑到坐左落地下，啊單笑住拉返我起身後就同我講 

啊單：「啊傑，一陣你試下炸出去！等佢跑多次」佢淫笑著說 
我：「但係佢唔係我隻狗喎...得唔得架」我笑著問 
啊單：「得啦！佢唔肯追個波你就屌尻佢！」 





　　豬皮拎左個籃球跑返黎之後就比左個波啊單，啊單比左個波我之後，我就聽啊單既指示係中場炸個波出去，呢一次用盡我所有力炸出去，所以飛得特別遠 

啊單：「豬皮！快Ｄ執返個波返黎！」 
豬皮：「我屌！你地夾埋玩尻我？！」豬皮發怒的說 
我：「屌你老母！你執唔執呀？」我行上前同佢講 
豬皮：「...唉得啦得啦，依家去！」說完佢便再次跑出去 

　　我同啊單見到咁之後就係到笑住拍手掌。旁邊既豬仔見到我地特登玩尻豬皮就係到大笑。豬皮岩岩出左去執波果陣，球場旁邊既櫈上面就有一個男大聲地說 

「唉！咩依家Ｄ中學雞收埋Ｄ傻西做馬架？」