[真人真事]那些年錯過的愛情: 中三３８

我同啊單望過去後，就見到幾名MK仔同幾個MK妹坐左係到。其中更有幾個人食緊煙，有一個人仲好熟口面 

啊單：「喂，好多MK仔，轉場打啦！」佢細聲地對我說 
我：「唔啦，我依家返屋企，一齊離開呢到啦」我拉著啊單離去 

　　我，啊單同豬仔行到去MK仔旁邊時，其中兩個金毛仔就跳左落黎問我地野 

「喂，打唔打三打三？」其中一個金髮MK問著 

豬仔：「哦好呀，你地搵三個出黎啦」豬仔笑著說 





　　豬仔拉左左我同啊單返球場之後，我同啊單就不斷係到屌佢。 

豬仔：「你唔答應佢地姐係落人地面！人地叫我打都係想型比班MK妹睇姐！快Ｄ打完就收工啦！」 
啊單：「屌，咁你兩個守果兩個金毛仔，我要守黑色頭髮無咁MK果個」 
我：「喂啊單，覺唔覺坐最左面果個黑色長頭髮好熟口面」我細細聲地說 
啊單：「依家落緊黎果個？無印象。你見過佢咩？」 
我：「好似見個佢囉，唔肯定」 

　　兩個金毛同一個黑色頭髮既MK仔落左黎後就開波，豬皮拎左個波返黎之後就坐埋一二邊食花生。呢三個MK仔都有一個共通點，就係佢地三個褲上都掛住一條鎖鏈，而且靜係見到佢地一隻眼，第二隻眼就比頭髮遮住左。MK仔果面開波之後就傳左比個黑色MK，佢仲講左一句 





「拎波打尻佢啦啊JOE！」一個MK金毛在大叫 

　　聽到佢咁講之後我就仔細望呢個黑色長頭髮既MK仔。「唔通佢係思蓓前度？！但上次係網吧見佢背面唔係有染髮架咩？」 雖然我心中想著，但都係諗完就算。但當打多一陣之後，球場邊其中一條女就叫著 

「啊JOE！當個框係你以前果Ｄ前度個西咁射就得架啦！」 

我：「啊單！比我防呢個黑撚」我在啊單旁邊說著

啊單：「做咩無啦啦轉人？」 




我：「我最撚憎果Ｄ叫JOE既仆街仔，交換啦」我細聲地說著並拉走啊單 

　　我同啊單交換左之後就由我防守呢個叫啊JOE既人，雖然我唔肯定佢係咪思蓓既前度。但呢班人講既野同行為令我好不滿，最後我決定出全力向呢個叫啊JOE既MK仔進攻。我係籃底拎左位置後，啊單就傳左個波比我。我拎左個波後就用打籃底既技術向佢挑機。雙方身體碰撞之下，我同佢就打得愈黎愈激動。贏左之後，我同啊單豬仔就返左去搵豬皮坐。果班MK仔輸左之後就成群結隊走左，走前仲送左幾句粗口比我地。 

啊單：「喂，做咩岩岩打得咁火爆？」佢搭著我膊頭說 
我：「係咩？我咪好似以前咁打」 
啊單：「我地射波都夠贏啦，你同佢打籃底好似打交咁」 
我：「係咩？我自己唔覺喎」 
啊單：「算啦我走啦，你走未呀？」啊單站起身說 
我：「出左好多汗，我坐陣先。你走先啦，拜」我向啊單說著 

　　啊單走左之後豬皮就跟住佢走。豬仔就留係到坐低同我傾計。當中佢不斷讚我岩岩係籃底同MK仔對打既事。而我就係到諗岩岩果個MK仔係咪思蓓前度－啊JOE既事。特別岩岩有條女講左一句「當個框係你以前果Ｄ前度個西咁射就得架啦！」如果佢真係思蓓前度，唔通佢地已經...？雖然世上好多人叫啊JOE同人有相似，但呢件小事偏偏就引起左我既注意同疑慮。直到當日晚上我都係諗緊呢件事。

幾日後放假，因為老豆早前係醫院買果張六合彩幸運地中左。老豆拎左錢之後就叫左PIZZA返屋企食。老豆仲吩咐我叫思蓓過黎慶祝，當中仲叫左其他親戚朋友黎。思蓓到左我屋企之後就問候一下老豆 





思蓓：「叔叔，你依家自己行到路啦？」 
老豆：「行到啦，私家車我都渣到！不過行路仲要用拐杖借力」佢笑著說 
思蓓：「你康復得咁快...代表你會好得返架！」 
老豆：「好唔好得返都唔緊要啦...有你兩個幸運星幫我贏六合彩咪得囉！」老豆笑著說 

　　親戚朋友到齊之後，大家就開始進食。雖然今次係老豆贏錢請客，但因為做完手術同有病唔食得太多，老豆食左一塊PIZZA就坐左係到睇我地食。見到以前咁鍾意食野既佢依家坐埋一二邊睇我地食，我就拎左個碟過去同佢傾計。 

我：「啊爹...食一件夠唔夠呀？」我邊食邊問 
老豆：「我夠架啦！依家唔食得多...睇你地食得開心，我就開心」佢笑著說 
我：「記住介口呀...你依家食緊中藥」 
老豆：「一餐半餐都得掛...好耐無食個好野」 
我：「嗯...你鍾意就得啦！」我笑著答啊爹 

　　食完之後老豆就提議開左屋企部卡啦OK機係到比親戚朋友唱，等大家可以熱鬧Ｄ。大人係出面玩得咁開心，我同思蓓就入左我間房傾計 





我：「我想問呢...啊JOE依家係咪染返黑色頭髮？」我望著思蓓問 
思蓓：「做咩咁問？你仲記得佢？」佢望著我說 
我：「緊係記得啦...之前你成日罵佢」我假笑著說 
思蓓：「過左去就算啦...我好耐無見過佢啦」 
我：「哦...係咩...」 
思蓓：「喂，做咩古古怪怪咁？你似有野唔同我講喎！快Ｄ同我講！」佢瞪大眼對我說