[真人真事]那些年錯過的愛情: 中三６２

思蓓：「你唔想見到我？點解愈叫愈走呀？」佢捉著我膊頭說 

我：「你探完親戚啦咩？成一個月先返黎」我邊拿起帽子邊講 

思蓓：「...我都唔想...我琴晚有打比你...你做咩咁快就收線？」 

我：「係你黎架咩？我以為你咩都無講就走左去英國」我笑著說 

思蓓：「你有冇野呀...唔好嚇我啦...」 





　　我聽到後立即打走思蓓捉著我膊頭的手 

我：「唔洗關心我，我唔需要你地同情」 

思蓓：「...做咩呀你...」思蓓的聲線開始變得沙啞 

我：「點解你無啦啦走左返大陸都唔同我講？如果我唔睇我老豆個電話我真係以為你係呢個世界上消失左」我邊苦笑邊說 

思蓓：「依加我係到陪你咪得囉...唔好咁啦...」 





我：「唔緊要，多一個唔多，少一個唔少」我開始轉身行返屋企 

思蓓：「喂...羅子傑...」佢在我身後叫著 

　　思蓓叫了我幾次，但我仍然沒有回頭。返到屋企後我連飯都無食就開電腦打機，思蓓突如其來的出現沒有令我開心，反而令我心情更加差。我要證明比所有人睇，不需要你們的同情也可獨自生存下去。

第二日我如常去到網吧，坐低打左一陣機之後就有一個人坐左係我旁邊。這個人帶著粉紅色帽子，我一眼就認得出佢係邊個。 

我：「你跟住我無用架...」我打一打鍵盤 





思蓓：「打機得唔得先...你當陪我一齊玩」 

　　我聽到後就沒有再理會思蓓。雖然大家表面上無講過野，但思蓓係GAME上不斷傳訊息比我。不過我仍然無回覆佢。照舊打到夜晚七點我就準時離開，等車同上到巴士果陣佢都跟住我，仿佛不讓我離開她半步。 

我：「點呀？你跟夠未？」我在巴士上問她 

思蓓：「未」 

　　聽到佢既答覆後我沒有再理會她。我落車返屋企佢都依然跟住我，直到我差唔多返到屋企門口，佢就係後面講 

思蓓：「羅子傑，你唔好同我講，你呢半個月就係咁樣過」 

　　我聽到後便回頭向她說 

我：「係，有咩問題？」 





思蓓：「你咁樣唔覺得自己好有問題？」 

我：「我樂得自在就得啦...」我笑著說 

思蓓：「你係咪傻撚左...」 思蓓竟然開始講粗口 

我：「大家都唔太冷靜，返屋企啦」 

　　我講完便開始轉身行返屋企，呢個時候思蓓跑到我前面，伸出手打了我一巴。我比佢打左一下之後無還手，只係企左係原地望住佢 

思蓓：「你有冇照鏡睇下你個樣呀？！你依家似咩呀！！你答我呀！！」佢激動地說

我：「得啦，我係垃圾。你唔好理我啦」我開始行返屋企 





　　思蓓聽到後只是在我背後說了一句話 

思蓓：「羅子傑！我一定會令你企返起身！一定會！」 

　　我聽到後沒有回應，返到屋企我仍然坐係電腦桌面前打機。直到訓覺前我看著鏡子中的自己，我站在鏡前思考了很久。但我的確發現不到自己的樣子有任何問題，這樣的生活不是很好嗎？起碼打機可以令我暫時忘記這半年間發生的事。雖然只是暫時，但對我來說，這就足夠了。 

　　呢半個月我都係訓到下午先起身，但今日一大早我就比家姐嘈醒左。 

我：「咁早嘈我做咩呀？七點昨喎大佬」我看著鐘說 

家姐：「有個女仔黎搵你喎，佢依家係客廳」 

我：「女仔....」這一定是思蓓了 

家姐：「係呀，我依加出去返工。你照顧你老母啦，佢仲訓緊」 





　　我答應過家姐後，簡單梳洗一下就出左客廳見思蓓。見到佢之後我就立即問佢 

我：「你又想點呀？咁早黎我屋企無用架喎...我無咁早出去打機，你唔洗咁早就跟住我架大小姐」我看著她說 

思蓓：「邊個話我要跟住你？」　她說完後便把放在客廳的籃球傳給我 

　　我接過籃球之後，望左一望就放返落地下 

我：「你想點呀咁？」 

思蓓：「出去打籃球。你唔可以再沉迷係部電腦到」 

我：「打籃球？唔好講笑啦，我無打好耐。而且以後都無打算再掂籃球」 





思蓓：「你真係可以完全放低？可唔可以做返以前打籃球果個你呀！？」 

我：「放唔低又點？我依加咩都輸晒，無可能變返以前果個我架啦」我笑著說 

思蓓：「你肯定？咁半個鐘後，去我屋企附近個籃球場等」佢拿起客廳的籃球準備離開 

我：「你想點呀大小姐，我無精神同你玩」 

思蓓：「我唔係同你玩，總之一陣見」