【高登英雄世紀】Golden Heroes Universe　: 第七話 (三)

第七話（三）

角色：Devil INDIGO、巫女、Ash Cudgel、
Secret Operation Society　－　文西


「司機，停啊！要係呢度落車！」巫女高聲喝停咗的士司機。


係司機急煞既一下，灰棍用手擋着巫女身體避免佢撞到前面既櫈背。





「　今次又係咩動物話你知有事要係度停車 ？我呢兩日已經受夠喇，由影子、怪物、比警察追到今日比鎖鏈人差點殺死，我真係要返屋企棟高枕頭好好諗下究竟發生咗咩事。」


「　有無搞錯？你竟然完全見唔到我同休息係窗口既甲蟲先生傾計？你唔知嗰度發生咩事仲咁惡，枉我頭先仲救咗你！甲蟲先生話佢見到有好多人需要幫手，我唔知你當唔當自己係英雄，但作為Ｇｏｌｄｅｎ　Ｈｅｒｏ　Ｕｎｉｔｅｄ　既成員，即使幾危險，我都會去！」

巫女講完佢既說話後，灰棍停咗一停，心裏面想着：


「　雖然我從來都無話過要參加什麼英雄聯盟，就算真係玩「英雄聯盟」我都係最唔合群，成日走場既一個。呢個都可能係我係人地眼中從來無存在過既原因。






如果我將呢個女仔講既野放上高登，好多人都會話我信佢真係『傻的嗎』，但有種感覺令我認為，呢個可能先係我生命入面真正既開始。」


最後灰棍嘆了一口氣，望着雪哈拉莎德：

「　得喇，我無興趣知你同隻昆蟲點溝通，如果件事真係咁重要，你就唔好講咁多廢話，快啲帶我去！」






「　多謝你，Ａｓｈ　Ｃｕｄｇｅｌ，歡迎你加入ＧＨＵ！」

巫女一手拉着　Ａｓｈ　Ｃｕｄｇｅｌ　向着荔枝角某座教會大樓既方向前進，沿途還唸唸有詞：


「　ＧＨＵ有一個英雄，好興奮！好興奮！好興奮．．．」



與此同時．．．


Devil INDIGO 傳送到一個幾乎見唔到光既房間。房間大約四五千呎，可怕既係係Devil 面前，有數百個裸男裸女，佢地通通被鎖鏈吊住雙手，雙腳離地。






「　究竟發生咩事．．．呢度係咪地球，定係地獄？　」

Devil 走去調查被吊起既男女，佢地全部都係亞洲人，唔同年鹷，老人家甚至兒童都有。佢地每一個除咗被吊起，嘴巴亦被插入粗粗既透明喉管，好似被強制灌進一啲粉藍色既液體。


Devil　見到一個約十幾歲既被吊少女，佢望住少女既樣貌，覺得好熟口面，當佢幫少女撥好頭髮先頓然察覺，眼前既少女正正就係自己唯一既親人，藍詩儀。


「　家姐，你醒下啊，我係詩堯，我係你細佬，你快啲醒啊！」Devil 不斷搖動家姐既身體，佢除低身上既英雄外套披係赤裸既家姐身上。


突然，家姐真的被 Devil　搖醒，張開雙眼既時侯，發覺口裏插着喉，雙手被吊起，隨即掙扎，嘔吐物亦隨住喉管吐出，但亦承受唔住被粉藍液體灌入而將嘔哇物倒流返入胃。她既樣子睇起嚟非常痛苦，似就快死亡既掙扎，Devil 極力想拔開喉管但仍然失敗。


一個身型健壯既男士從Devil 背後走過嚟「　唔使擔心，只要開啟上面既機關，喉管就會停止灌入營養」男士最終按動電話停止咗喉管既灌水，同時家姐手上既鎖鏈亦被解開。





Devil 立即扶着差點窒息既家姐

「　你地究竟係咩人，點解呢度會有咁多人被綁住，點解我家姐明明去美國旅行但係會比你地捉咗嚟呢度？」


「　呢度係教會既靈修室，在場既人都係自願咁係度做淨化儀式，你家姐亦都係唔例外啊，我想佢應該係瞞住你獨自咁接受呢個神聖既儀式。」

那男士仍然微笑對向Devil


「　我想我地教會都好歡迎你參加我地既活動，我係藍寶石教　Secret Operation Society（SOS） 級別既傳道人　－　文西。我知道你都係一個英雄，你相信正義，所以我知道你亦會相信我地既教義，我之前係一名流浪漢，得到藍寶石既救贖，我地將會得到永生。」

文西向Devil 遞起手示恴歡迎他。






「　唔可能，你地一定唔係正義！　」　Devil 一手打開文西的手。


「　你錯了，詩堯，傳道人講得啱，藍寶石先係世界既道路，世界既正義，無咗藍寶石，香港唔會生存得到。」　Devil的家姐突然爬起身，掉低Devil為佢披上既外套，赤裸咁跪係文西面前


「　罪人詩儀為傳道人祝福　」



「　藍寶石唔係正義，佢地會毀減成個香港，就好似佢地毀滅俄羅斯既小市鎮一樣！」

雪哈拉莎德與灰棍一同衝入靈修室。






「　年青人，你既稱號係Devil INDIGO嘛？嗰兩個係不信者違反咗我地既教義，一定要清除，你會相信你家姐幫我地手殲滅佢地嘛？」文西仍然用友善既口吻向Devil 請求。


「　無可能，我唔會幫你地手，更加唔會隨便殺人架！」

Devil　站起身，用凌勵既眼神望住文西。


「　咁你就要先問過你家姐吧　」

文西說完後，藍詩儀站了起身，眼神變得空洞，好似沒有虹膜，左手的五指尖長出了藍寶石尖刺。


「　家姐．．．」

第七話（三）完