【高登英雄世紀】Golden Heroes Universe　: 第七話 (終)

第七話 (終)
角色：Devil INDIGO、巫女、Ash Cudgel、？？
Secret Operation Society　－　文西、


讀白：Ash Cudgel

我以前己經見過藍寶石點樣將一個人變成怪物，我本來想放棄一切，我好想呃自己呢個世界唔會再有一種咁殘忍既事，但現實往往要我接受殘酷。

係我面前既，係一個自稱Devil INDIGO既男仔，而佢家姐就係佢面前，即將變成怪物。






「　年青人，你睇一睇你家姐，你要好好諗清楚你要歸順邊一邊。」

文西伸出手掌，示意Devil前來受佢既祝福。


我好懷疑巫女帶我嚟既時侯，有無諗清楚我地既處境，雖然話就話我地已經係英雄團體，但係無陽光底下，我既影變得好沉默，靜係坐係地下上面無辦法應付未來既危險。可能我地今次會比巫女口中所講既甲蟲先生害死，如果係真，我一定會返嚟搵甲蟲先生尋仇。






詩儀既藍寶石指甲變得尖長，面上既肌肉有開始抖震，空洞既眼神凝望住佢細佬　－　藍詩堯　Devil。


「　只要你信奉藍寶石，我可以確保你家姐會變返以前一樣，而且會生活得更美好。你去將佢地兩個殺死啦，呢個係你拯救家姐既唯一方法。」文西將手槍掟係正好Devil 腳下，


「　如果你選擇做不信者，你將會得到一個好後悔既結果」文西講完之後，詩儀隻手爆開，整隻左手變成藍寶石。


「　啊～～～！」





Devil　尖叫後執起手槍，將視線望向灰棍同巫女，將槍指向他們。


我立刻將匕首拋落地下比我個影子，但影子竟然望了兩望然後唔理會，係地上做出畫圈圈手勢。


「　無錯喇年青人，藍寶石教義最後會賜比你光榮。」文西露出了笑容。


「嘭～！」Devil 開槍一剎那，我抱着巫女仆係地上避開，然後逃走到去櫃既後面


「　你啲好朋友呢，你隻甲蟲先生呢，有無一個朋友你可以叫佢嚟幫一幫我地啊？　」





因為人生第一次被人向自己開槍，我忍唔住向巫女發洩晒自己所有驚恐既情緒。


「　你聽下，佢嚟咗喇　... 」

巫女呆呆咁望住手指上既小甲蟲，然後四周傳嚟昆蟲飛行既刺耳聲。


https://www.youtube.com/watch?v=Ej3Wo3SwoXg


一堆堆不同種類昆蟲由通風口，窗隙，以至四周圍不明既地方走出嚟。昆蟲圍擾着Devil既身體，輕易將手槍搶走。


昆蟲變成螺旋飛行直捲向文西，文西被撞至倒地。文西向着昆蟲堆打出一掌，原力將昆蟲逐一爆開。文西再一掌揮向另一昆蟲堆中，掌前的所有昆蟲不憾一擊。






昆蟲被殲滅得七七八八，最後一堆昆蟲紐成一團變成一個實體的人類。

那昆蟲變成的男子一拳打向文西的面部「文西，你醒覺啦，你中咗幻術師既法術比人控制住。你唔可以忘記你以前既理想，你唔可以再比藍寶石教利用！」


文西呆了一呆「我唔知你講乜野理想，我既理想就係係香港成就藍寶石既教義，我亦都引以為榮！」


說完後，文西情緒變得不穩定，整個空間充滿着原力，某些被吊的人浮起，灰棍及巫女既衣服被慢慢因原力過大而撕裂。


空間變得極不穩定，係原力爆發既一瞬間，Devil　將所有人一下子傳送 …






「　多謝你啊甲蟲先生！」巫女躺係地上看着天空。


「　我叫做費松　」



與此同時，



「　好犀利啊，點解你會估到我最想去比利時旅行，又會估到想食天使麵既？」

一個少年正在與他的女伴晚餐，女伴表現得十分驚訝。





「　因為我識讀心術囉　」少年微笑回答。


「　我一定要搵到殺死立法會主席既兇手，將佢繩之於法，呢個就係我作為警察既責任！」

輝葉以肉眼看不到的揮劍速度，用竹劍揮打着木頭人。


在澳門的馬戲團裏，一名男子正在向觀眾表演變出ＡＶ女優。


一名抽着煙的男人走到青衣海旁

「是昔人嗎？我終於找到你。」


少女在街上扯着一名男子，要跟他合照

「　你係鄭俊弘嘛？我好鍾意聽你唱歌架，你同我影張相丫！」


「　新聞報導：


警方找到前日撞向路障的輕型貨車，發現貨車被前所未見的方式改裝而成，現正尋求專家研究該車的結構。


網上流傳一段關於美國太空總處消息，指訊號站在宇宙接收到一則不明信號：「請指引眾人到第四宇宙，我們處境十分危險，我們的時間是　１３１４，５２０，位置在十四，銀河系。」特區政府表示該訊息是網上偽造，我們仍然沒有跟任何外星文明接觸。


日前因電腦病毒腦魔的入侵，香港電視被奪取訊號約十分鐘，在訊號被奪取期間，電視不斷重播一段訊息「　高登的英雄時代到了，你們應當悔改！」


香港國際機場地底發現不明通道，警方現正調查。


一名少女被拍到在維多利亞港上行走，專家解釋少女只是使用魔術道具，世上不存在特異功能。


特首梁振鷹收到恐嚇信件，內容暗示指要將梁振鷹一拳打爆，警方列作恐嚇案處理。


香港出現一名極度好運既少女，佢經歷沉船事件，唐樓倒塌，嚴重車禍仍然絲毫無損，下一次新聞透視我地帶大家睇下。


晚間新聞提要報導完，再會」


受了傷的文西倒在 Faker 面前

「　究竟咩原因，點解我聽完嗰個人講，我既記憶會咁混亂。」


「　因為你對藍寶石既信心仍然唔夠堅定，放心吧，你是SOS既成員，我會盡全力幫你，幫你再淨化。」

Faker 凝視着文西的眼睛。


高登仔：「班死柒頭嗰排興乜就追乜，而家咪又無人講嗰條乜柒死靈 fuck，唔好比我批中，遲啲又有一班柒頭改埋啲 MK名出嚟扮英雄 」

當高登仔輸入完呢個留言，死靈出現在他的身後。


第七話 全話完
~------
「殺... 殺.... 你地所有異能人都要死... 殺...」
-------
一名男士從輕型貨車走出來，拿?大士巴拿走向一群紋身漢，「 原來你地咁大個社團都會怕飛車輸唔起，折墮到燒人地間舖，係，無錯，我係?覆卓架」接着，士巴拿一下將一個紋身漢打至頭破血流，倒地呼叫。
------
Faker 戴上他專屬的牛仔帽「嘿，黃金英雄聯盟？越黎越有意思」
------
一首豪華遊郵突然起火，一名男子在岸上觀看着：「　讓火炎繼續燃燒吧.... 」
------
一名少女對着提款機念念有言，銀行門前的五部提款機突然大量噴出鈔票。「　哥哥，我做咗件好事... 」
------
一名男童正在被同學欺凌
「　你係剋星嚟，所有人係你身邊都會自殺死，你不如都自殺唔係害人喇！」
------
「　特別新聞報導：一名面戴白色面具的男性闖入特首辦」
------
浩賢金融國際主席陳浩賢太平紳士出席梵帝岡的復活節慶典活動，他表示希望宗教能係香港有更多交流
------
「當被你用劍指向，我內心並唔係仇恨，而係失望。」
亞雷斯塔
------
和巧京看着天使像
「 天使，求求你帶領我尋找正義」「 可以，只要你信心信奉」
希源在巧京身後出現