【高登英雄世紀】Golden Heroes Universe　: 第八話 (五)

第八話（五）
角色：噬魔師、但丁、俙源、亞雷斯塔


在半島酒店門外，四周的物件被靈光炸裂，當大天使即將揮劍殺死阿雷斯塔既一刻


https://www.youtube.com/watch?v=ktvTqknDobU






數發子彈衝着大天使發射，俙源頓時移開劍，用盾擋着。一個虹膜發着暗紅光，穿着深紅色皮外套的男性拿着雙槍站在離俙源及亞蕾不遠的地方。佢手上既雙槍長約三十厘米，槍嘴位置有尖牙的雕刻，每一槍開出都會聽到地獄犬的叫聲。


那穿皮外套的男子一面奔向俙源，同時間亦繼續開槍，四方八面傳來地獄犬的哀嗚。雖然每一發子彈都被俙源的盾擋着，但該男子已成功接近大天使身旁。


「　嘿，自稱為神跡人員既廢人．．．」男子放下槍，左手召喚出長斧，斧的棍部份約長一百七十厘米，斧的攻擊部份有一不停轉動的魔法陣。


長斧一下斬向俙源，俙源用盾擋着，但身上的靈光減弱，大天使盔甲、劍和盾慢慢變成碎片剝落在地上。






「　呃，竟然係第二隻惡魔，我下次會替神好好懲罰你地，你地等住背叛神既罰名啦。」說完後，俙源用僅餘的靈光傳送離開


呢個世界的確存在着惡魔，但作為惡魔既一群，並唔係好似世(界?人?)所想咁魔幻，我地每日都要提心吊膽，防避着被人獵殺既危機，因為當世界標籤你成為罪人，無論你既行為正義與否，世界都會指責你，會千方百計想將你殺死。


但無論發生咩事，我但丁唔會容許任何人傷害亞雷斯塔






當我仲係十六歲既時侯，有一班人發現咗自己係惡魔既身份，一群惡魔組成自己既群組，互相保護，互相學習魔法。惡魔群入面包括社會上唔同界別，唔同身份既人。我地既目的只有一個　－　令惡魔群得以延續。


嗰時惡魔群可以用唔同既法力獲得社會上既資源，我地變得富有，同時亦變得驕傲。有唔少既人對惡魔群充滿仇恨，妒忌。某一日，一個穿着英倫式西裝既神秘男人進入咗惡魔群秘密會見既地方，佢聲稱係神既使者，要為神殲滅惡魔。當我地準備作戰既時侯，神秘人只動用一支鋼筆，便將當時惡魔群首領的頭一下斬掉。我地有人反抗，有人逃走。當時就是亞雷斯塔拉走了我，若然唔係，我已經唔再存在。當時留低反抗既人全部被殲滅，惡魔群所有資源被搶去，所有惡魔無辦法再相見，各散東西。



現在只遺下我和阿雷斯塔相依為命。


我帶住受傷既亞雷斯塔回家，殺掉數十隻流浪狗做祭品，為佢施法。


我知道亞蕾而家正調查緊一個叫做　「　藍寶石既宗教　」，雖然我知道佢咁做只會越嚟越危險，但我唔會阻止，我只係暗中保護佢，可惜今晚竟然要佢曝露原本形態。






我唔會放過傷害亞蕾既人，我要重拾惡魔既尊嚴，復興惡魔既教義。


我翻查亞蕾既記事薄

「　韓成恩　－　大學教師，由陳浩賢捐助資金負責研究藍寶石注入人體既反應。

浩賢一早安排狄達及其ｓｏｓ的人暗中監視研究，若研究中的藍寶石有其他用途便立即將其殺死。韓成恩私下研究藍寶石及動物血液，最終被殺既一刻獸化成獵豹獲救，ｓｏｓ追殺他時稱其為德魯伊。」


「　德魯伊，究竟係咩原因亞蕾需要唔理危險咁尋找你，我想你欠亞蕾一個交代。」

但丁放下亞雷斯塔在祭壇上繼續治療，自己從窗口跳落到地上。







與此同時，


俙源看到加百列的模樣在他面前出現

「　你連這樣的事情也處理不好，神將對你好失望！」

加百列一下將俙源擊倒在地上。


但現實裏，棒打着俙源的是浩賢，Faker　凝視着俙源，微笑起來。







德魯伊在地下隊道裏殺死了數個穿麻布衫的人，但仍然有很多數量前來。

第八話（五）完