我的女神老婆奴日記，你可以完整地恥笑下去: Chapter 22老婆大人是主任

星期天的聚會使我跟汶淇明白，
為何林至豪總是說，要是他跟妙婷懂得我們的相處之道，
或許結果會是截然不同。
 
溝通信任，互相遷就果然是一大的考驗。
 
家庭聚會的翌日便是星期一上班日，日子如常，
可是今天發生的事把我們平靜如像湖水的生活打亂，
帶來了衝擊，氾起了漣漪，苦笑全由此起......
 


回到辦公室，望見聖人傑等人如像街市的婦儒望著通告圍在一團，
 
傑:「柏文，都唔知恭喜你好，定係替你可憐。」
我:「咩事呀？」
豪:「呢單野，我地睇完都呆左。」
安:「估唔到，聖人傑同我最擔憂既事出現啦。」
我:「到底咩事？」
傑:「你都知道我家姐子琪後日開始放産假。」
我:「係呀，我知呀。」
傑:「咁佢主任個位都要有人暫代嫁啦。」


我:「係呀，咁你想講咩？唔係搵左BoBo條肥婆去做呀。」
傑:「咁又唔係，但係比BoBo係更可怕既存在呢。」
我:「咁係邊個姐？聖人傑你呢條友仔好鍾意咩都拖！」
豪:「聖人傑係咁嫁啦，我講啦，子琪個Post由你老婆暫代！」
我:「下？」
安:「聽講係子琪推薦。」
傑:「唉，你地都還好，我負責同接待果邊合作嫁，你地知道汶淇有幾惡嫁啦。」
我:「唔係呀，老婆升職好事呀。」
傑:「你呢個老婆奴真係稱職，真係恥笑你。」
 


聖人傑和林至豪嘲笑地望了我一會，然後跟我說，
 
傑:「即係咁，你諗下我家姐個位係主任級，屬於叫做經理。」
我:「係呀。」
傑:「咁柏文你依家個位都只不過係副經理。」
我:「......」
傑:「即係依家你老婆高你一級。」
豪:「半級姐，無一級。」
傑:「咁由係，暫代姐！不過如果我家姐生完唔做享福，咁你老婆就......哈哈」
豪:「如果子琪真係唔做你老婆就坐正，即係你依家由雙奴變成三奴。」
傑:「三奴，柏文兄你真係舉世無雙。」
我:「你地兩兄弟直頭可以去做恐怖在線啦，講到咁得人驚。」
傑:「唔嚇點識驚呢，哈哈。」
 
汶淇升職，本能是應該要快樂，可是為何現在我一把冷汗？


我在家是老婆奴，兒債奴，更是工作奴！
三奴的日子，聽見經已害怕，老婆在家是女王，在公司是上司。
 
「老公，估唔到一返到去竟然就同我講升職，嘻！」
 
汶淇發了一個Whatsapp過來，可見她的滿心歡喜。
而今天因為汶淇升職一事，我們和聖人傑等人午膳歡聚慶祝。
這班該死的兄弟，替我起了一個全新的別名「李三奴」，
聽落經已知道是一個身世痛苦的人，唉。
林至豪更笑說，要是我把自己的故事寫出來，
以這個做筆名的話，定必吸引一眾巴絲打關注。
 
老婆升職暫代主任一事，眾同事經已恭喜著我，
而其中以林至豪等人更帶點恥笑。
 


下班後，汶淇對我說，可以鬆了一口氣，升職後薪水加了，我的負擔可以輕了，
汶淇做的一切想的一切，都以我和熹熹為先，我在還胡思亂想，真的笨死了。
 
我:「老婆你真係好。」
她:「你......唔怕俾聖人傑佢地笑你係咩三奴？」
我:「咁快傳到去你度。」
她:「今日聽到聖人傑係洗手間同李安係度有講有笑咪問下佢。」
我:「應該唔係簡單既問啦，哈哈。」
她:「哈哈，咁你答左我你怕唔怕？如果你怕既我睇下有咩方法叫子琪另覓人選。」
我:「點解你咁驚我怕？」
她:「咁.....邊有男人會鍾意自己既老婆高級過佢。」
我:「咁.....如果係做許汶淇既三奴，我做一世都願意。」
她:「真係？」
我:「緊係啦。」
她:「我愛你呀老公。」