《情困之時，我遇上了自稱情性的情聖》: [Case 13－黑白分明] PART 09
自從Patrick上過黎我屋企之後，都已經過左好幾日。
而喺呢幾日裏面，Patrick都有Keep住送我返工...同我食Lunch...接我放工...送我返屋企...
仲有就係日日都Send九百幾萬個Whatsapp俾我...
所有野都無變...一切都無變...Patrick都仲係咁關心我...咁照顧我...咁著緊我...
Patrick真係覺得無野？
一D野都無？
無覺得尷尬？
無覺得面懵？
無覺得唔好意思？
俾我推開喎...
唔俾佢再進一步喎...
再進一步喎...
我又唔覺得真係咁...
唔覺得Patrick真係覺得無野...
因為每當Patrick送到我去屋企樓下之時，佢都總會快快口咁講：「上去早D沖個涼休息下早D瞓我走先喇拜拜。」...然後就急急腳咁走左去...
就好似個小朋友做錯野唔敢再去面對咁...
的確係咁...
Patrick係一個小朋友...
但當然...我就唔勉強Patrick去面對。
而且都唔係D乜野錯事...
Patrick無錯...錯既...應該係我...
係我唔應該諗起嗰個人...
攬住Patrick既時候...諗起嗰一個...嗰一個始亂終棄既賤男...
當初講到自己點樣專一長情海枯石爛矢志不渝...
一生就只會愛我一個...山盟海誓天長地久鐵達時咁既樣...
到最後？
到最後咪又係犯上同世上所有男人都會犯上既錯...
尤其係細過自己既男仔...
總係唔定性...總係未玩夠...總係五時花...六時變...
唉...
但點解嗰晚...攬住Patrick既時候...又會諗起嗰個賤男架呢？
或者因為Patrick同嗰個賤男都係一樣...一樣係細過自己既小朋友...
所以話...
『我又點可能接受得到Patrick先得架...你話係唔係丫～阿Knight～』我摸下摸下瞓喺我大髀上既阿Knight。
「喵...」阿Knight唔多想理我咁既樣...
就好似話梗我“一切都係你自己攞黎架～”咁...
『你唔明架喇...唉～』我再摸多兩摸阿Knight。
「喵...」阿Knight直頭走返去佢自己張貓床上...
就好似話梗俾我聽“係你自己唔明自己姐～我都無你咁好氣丫～喵～”咁...
咁係丫嘛…你又唔係我...你又點知我既苦惱呢？
唉...
無奈又無奈...只好繼續諗下D設計咁啦...
唔係到下個拜禮返番公司既時候，又要俾張生捉入房狂抽猛插...
唉...
我就托住個頭咁諗下諗下...
又沖杯咖啡飲下諗下...
諗下飲下…又飲下畫下...又畫下諗下...
我隨便咁望一望個Facebook...我望到有一個...一個...
『Message？！』我有無眼花丫？
幾耐都未試過有人用Facebook個Messenger搵過我丫？
邊個咁有心丫？
我撳一撳個Facebook睇一睇...
係一個叫做...“東日”既人？
邊位東日丫？我好似無朋友叫做東日架喎...
再打開個Message睇一睇...
“東日：你好。突然Message你有點唐突。”
嗯？白撞？
睇黎都係...
喺呢D咁既交友平台上，無時無刻都總有成堆呢D咁既人喺道識女仔...
識到個做美容既又話人地呃你錢...
牛唔飲水唔撳得牛頭低既～
自己衰鹹濕就衰鹹濕啦～
男人～
我都係唔理佢咁多～繼續做自己野好過～
我就繼續諗下點畫好...
之但係過左一陣，又有Message過黎...
我又開黎睇一睇...
“東日：請不要誤會...我不是想識女仔...”
咩叫瓜田李下...咩叫此地無銀三百兩…
你自己都講到咁～我又點可以信你呢？
都係唔好理佢～繼續做好自己既工作～
我又再諗下畫下...畫下飲下...飲下諗下...
又過左好一陣子...又有個Message Send過黎...
我又唔知點解會走去開黎睇一睇...
“東日：我是有事請求的...”
有事請求？有D乜鬼野事丫？
咪又係“想同你做個Friend”嗰D廢話...
騙徒手法真係層出不窮～
好彩我都唔係D無知少女～
你呃我唔到既～
我都係繼續做好自己既工作～
我又再諗下畫下...畫下飲下...飲下諗下...
又再過左好一陣子...又有個Message Send過黎...
我又再唔知點解會走去開黎睇一睇...
“東日：其實...我係想問問你識唔識得織頸巾...”
識唔識織頸巾？
做乜會問埋D咁奇怪既問題既？
呢個叫東日既人...究竟係乜野人黎架？
怪人黎架？
定係而家喺網上識女仔既開場白已經唔再係“小姐受唔受溝”～
而係進化到去問人地識唔識得織頸巾？！
睇黎我同呢個網絡都已經脫晒節～
“你係邊個？”
我都係好唔客氣咁問一句先～
等條友識得知難而退～
但好快...又有Message黎...
“東日：對不起...我應該自我介紹一下...我叫尚東日。係一個作家。筆名係冬甩。”
冬甩？冬甩？
一個筆名叫做冬甩既作家？
呢個名...好似咁熟口熟面咁架呢？
喺邊道見過架呢？
好似係…好似係喺Facebook...
係唔係喺Facebook見過呢？
係唔係都好啦...問下佢做乜要問我識唔識頸巾都好～
“點解會問我識唔識得織頸巾？”
反正都講得出自己係作家...我諗都唔會係壞人黎既～
“東日：是咁的…我想學織頸巾...”
想學...學織頸巾？！
呢個冬甩又幾奇怪架喎...
想學織頸巾，做乜要喺網上搵人學呢？
仲要搵個三九唔識七既...
D作家諗野同做野係唔係都比較奇怪D架呢？
“你要搵人學頸巾既話 可以上網學 又可以去舖頭俾錢人學 問朋友又得 再唔係就問你媽媽都得 唔使搵個唔識既人黎學”
我總係唔係咁鍾意俾人喺網上搭訕...
縱使呢個人係一個作家都好...
“東日：上網學我怕錯左都唔知...本來都有諗過去舖頭學...之但係D姐姐好似唔係咁有心教...唔係咁認真...自己本身又無乜女性朋友...我媽媽同埋我D家姐就...佢地都唔識織頸巾...”
你答得咁詳細...叫我仲點去拒絕你好？
“咁你都可以搵你D女Fans教你架”
做得作家，總有D女Fans掛...
除非你話你係寫甜故...就只有麻甩毒男Fans就無得講啦...
“東日：無錯…女讀者一定會全心全意教得好好...之但係...我怕佢地會愛上我...所以我唔敢搵其他女讀者...我只敢搵你...”
咪住先...只敢搵我？
佢係指我都係佢既讀者之一嘛？
乜我係佢D讀者黎架咩？
點解就連我自己都唔知既？
頭先佢話佢係冬甩之時，我都只係覺得有D熟口熟面咋喎...
完全諗唔起我有喺邊道見過佢呢個名喎...
係唔係搞錯了甚麼？
而呢個冬甩...又會唔會...會唔會有D自大？
睇到佢咁講...真心有D覺得佢過份自大...
難道係女一見到你就真係會愛上你咁厲害？
係唔係真係咁有吸引力？
講真一句...我真心唔覺得D作家係有乜咁吸引...
除左話佢地喜愛FF...將無可能既事寫到好真實咁...下下話真人真事改編但只係將一個平凡既真人同平淡既真事改到堅離地之外...真係無一可取...
結論係...我諗青山應該係出產最多作家既地方...
“點解會係我？”
不過我又真係有D好奇...好奇點解佢會話只敢搵我...
點解會係我...
點解唔會係第二個...
“東日：因為你外表冰冷...無咁易會動情...所以我好放心咁黎請求你幫下我...教我織頸巾...”
我外表冰冷...無咁易會動情...
只係單憑我張頭象...就可以睇得出...我係一個無咁易會動情既人？
呢個冬甩...又真係好似...好似有D料喎...
“之不過而家距離聖誕節就只有兩個星期唔夠 我怕時間唔係好夠”
得返一、兩個星期，本身有底子就話姐...
初哥上路...勉強左D喎...
“東日：放心！只要你肯教既話，我兩、三日就搞得掂！一定唔會浪費你太多時間！”
兩、三日就搞得掂？！
係唔係真係咁厲害丫？
我又真係唔係好信...
之不過...一個咁有自信既人...我又真係有D好奇～
好想睇下佢又係唔係真係咁有本事...
“好 我就答應你教你織頸巾 之不過我最多都只會俾五日時間你 有無問題？”
唔好話我人唔夠好～俾多兩日時間你算係咁～
“東日：無問題～無問題～五日一定搞得掂～”
答得咁堅定...係唔係真係咁堅丫...
“咁你幾時得閒？”
好啦～就等我睇下你係唔係真係咁堅啦～
“東日：我隨時都OK～就你時間就好～”
做作家係唔係真係咁得閒？
“咁就今日啦～等我買齊料就搵你出黎教你織頸巾～有無問題？”
係你話隨時架咋～
“東日：唔…咁大約幾點左右...”
都話你唔係隨時Ready架啦～
“而家時間尚早 想買料D舖頭都仲未開門 下午啦 等我買整晒D野既話 下午方便D既”
我又唔會話立即要出黎咁衰既～
“東日：無問題～無問題～下午我得閒～咁邊道方便你教呢？”
邊道方便我教丫？
無理由請你上黎我道架...話晒都係岩岩先識...
更加無理由上去你道架...我都仲未清楚你係一個點既人...
唔...去邊道好呢...去邊道好呢...
去邊道...不如去黃金海岸都好喎...
反正平時無乜靈感都會過去黃金海岸行下...
而家我又無乜靈感...去黃金海岸酒店間Coffee飲住咖啡教佢織頸巾都唔錯丫～
話唔定仲可以拎到D靈感返黎添～
“黃金海岸酒店”
“東日：酒店？！”
“酒店間Coffee丫”
諗左去邊丫？
“東日：哦哦～好丫好丫～酒店Coffee好丫～”
“咁你想織粗織幼咩色咩花紋？”
都話D男人總係成日都唔知諗左去邊...
“東日：我想要幼既～純白淨色～”
“嗯 咁我買好晒野就搵你啦”
純白淨色...都幾岩我風格～
話唔定呢個冬甩都係同我差唔多咁上下既人...
咩人都好～最緊要都係唔好好似Patrick咁～成個小朋友多口多舌笑到好似個傻仔一D都唔穩重～
Patrick？我做乜無啦啦會提起佢既？
唔...怪怪地...
同冬甩交換埋電話之後，我就煮個公仔麵食下～（鬼叫呢個星期都係同Patrick一齊食...乜野都無買過返黎...）
仲要係Dry麵...就連午餐肉都無罐...蛋都無隻...
就係得D貓糧...
仲要係靚野黎添…
睇見阿Knight食得鬼咁滋味...
『阿Knight...你就好啦...餐餐都有好野食...幸福死喇...』
阿Knight冷眼咁望一望我：「喵...」
好似同梗我講：「係你自己身在福中不知福咋嘛…」
『我邊有身在福中姐...』
望住阿Knight食佢既幸福大餐...
我自己就食個孤毒Dry麵之後...
沖返個涼...
換返白色恤衫...黑色長褲...
『好喇好喇～我唔阻你享受一隻貓既浪漫喇～』再同阿Knight揮揮手。
「喵...」阿Knight輕輕放下一句就繼續懶洋洋咁瞓喺窗台上曬太陽。
成日都見到阿Knight咁懶既樣...但又唔會肥喎...都唔知佢係點Keep架～
好啦～都係唔好理佢咁多～
唔係既話一陣佢又話我多事～
我就輕輕鬆鬆咁出一出門，去買料～
今日既天氣都算唔錯～陽光都幾充足～
好彩既係我唔怕曬～曬極都唔黑～
唔需要同太陽伯伯玩遊戲～
我行下行下...喺街上行下行下...
好快就黎到專賣女人野既商場～
喺女人堆當中穿插...
專賣女人野既商場真係好多女人～
間唔中都有D好無聊咁等梗女朋友揀衫既男人既～
見佢地呆下呆下咁企喺道，但對眼就好似燈塔咁四圍望咁真係幾搞笑～
望咩姐？自己有女朋友喺面前都仲望唔夠？
係都要望下其他女仔先安樂？
我就真係唔想理呢D男人咁多～繼續喺女人堆之中左穿右插...
穿插到去我平時都會幫襯開既舖頭，同老闆娘打聲招呼：『Hi老闆娘～我又黎買野喇～』
成個元秋咁既老闆娘就笑笑口咁同我講：「喂～靚女～今次又有乜幫襯丫？」
『無丫～今次我想買D冷針同冷線咋嘛～』我就左望望右望望咁～
「哦～織件溫暖牌俾男朋友仔呢？」元秋古古惑惑咁打量住我...
『唔係啦～我都無男朋友～我係教人織咋嘛～』講開又講...我係唔係應該都織返條...
「靚女教人織～我地呢D真係收得山～」元秋扮晒可憐咁～
『邊係呢邊係呢～真係識講笑～我地呢D業餘黎架咋～邊有你咁專業～幫我執左料先啦～』係唔係應該織返條俾...
「大設計師都話自己業餘～我真係要執笠啦～點丫～想要D乜丫～」元秋行去幫我執定Set針～
『整Set我用開既針～仲有...五卷白幼冷...四卷黑幼冷...』織埋俾Patrick...又易D教冬甩...又可以當係答謝Patrick成日陪住我...
純粹回禮！無其他意思架！
「OK～OK～」元秋就快快手手咁幫我執～
係丫係丫～純粹唔想欠Patrick咁多！唔好諗咁多！
執齊晒又同元秋吹左陣水～交流下時裝心得之後...
「靚女你真係人又靚心地又好～醒左咁多意見俾我，我就唔怕要執笠啦～」元秋拍一拍我背脊～
『乜說話～你次次都醒個八折俾我～我多謝你都黎唔切啦～唔阻你做生意喇～走先～』都差唔多係時候～
「嗯～有時間就多D帶埋男朋友仔黎吹下水～」元秋又古古惑惑咁～
『我都話無男朋友咯～』
「好快就有架啦～拜～」
『係喇係喇～拜～』
呢個元秋丫～邊得黎咁易有男朋友丫～
都係唔好理佢咁多～搵左冬甩先～
我拎一拎出部電話...打一打開Whatsapp...再搵返冬甩...
“我搞掂喇 喺黃金海岸酒店等OK？”
*噹* “冬甩：你而家喺邊丫？不如我車埋你～”
車埋我？
“我喺置樂間M記附近”
*噹* “冬甩：咁都好近姐～我而家過黎～你等我～我架係白色既Mini Cooper～車牌係XXXXXX”
“哦 我等你”
有車送埋我過去，我又唔客氣喇～
客氣？我使乜同佢客氣姐～
話晒都係佢求我教佢織頸巾丫嘛～
有求於人～專車接送都好正常姐～
我就喺M記出面等左一陣...
好快就有架白色既Mini Cooper駛左過黎。
我行一行上前...一個男仔就落一落車行過黎：「你好丫～我就係東日～今次麻煩晒你喇～」
『唔麻煩...唔麻煩...』睇呢個男仔施施文文又幾有禮貌咁～
「上車先～上車先～」冬甩就幫我打一打開車門。
『唔該。』仲幾有風度丫～
沿途冬甩都好專心咁揸車。
而我都好似平時咁，唔多愛出聲。
好快就黎到酒店…
停好車之後，冬甩就幫我開一開車門...
『唔該晒...』我地就行入去酒店Coffee搵個靚位坐低。
「係呢...點解你會揀黎酒店Coffee既？」冬甩尷尷尬尬咁問一問。
『舒服...輕鬆...仲有就係平時我都幾鍾意黎呢道攞靈感...』唔係你以為咩丫？
「攞靈感？」冬甩一頭問號咁。
『係丫…』就喺呢個時候...
「Sorry…」冬甩拎一拎部電話出黎睇一睇...睇左好一陣子...又諗左一諗...「喂～阿儀？...我...我仲喺電影公司同佢地傾梗野咋嘛～你...你搞掂喇？...我...我無咁快丫～搞掂再打俾你啦～...嗯嗯...拜拜...」
我等到冬甩收左線之後輕輕咁講左句：『你講大話？』
「呃…係丫…我...我女朋友打俾我...我唔想俾佢知我去學織頸巾...」冬甩又尷尷尬尬咁...
『你唔識得講大話...好易俾你女朋友發現...』講到咁...好難察覺唔到囉...
「哈...佢唔會發現既...」冬甩笑笑口咁擰擰頭。
『你學織頸巾，係想偷偷地織條頸巾俾你女朋友...俾個驚喜佢？』佢女朋友會唔會發現我就唔多想深究...不過我都想知冬甩係唔係想俾女朋友一個驚喜...
「嗯嗯...係丫...我...知道自己唔係好識得表達自己既情感，成日令到女朋友好似無乜安全感...但其實...我真係好著緊我女朋友...我知道女朋友唔鍾意帶頸巾...但又怕凍，所以就想自己親手織條溫暖牌俾佢～等佢會戴住～」冬甩帶住甜絲絲既微笑諗下諗下咁點點頭。
唔係好識...表達自己既情感...
我又算唔算係...唔係好識表達自己既情感呢？
我自己...唔係...我唔係唔識得表達自己...
而係我...我唔想表達...
我覺得唔需要向人表達自己既情感...
自己既情感自己知就足夠...人地感唔感覺到根本就唔重要...
「雅暖？雅暖？」冬甩喺我面前揮揮手...
『呃...呃！嗯嗯...原來係咁...咁我就真係要好好教好你織頸巾先得～』都係唔好諗咁多…
「嗯...嗯～咁就請你多多指教～」冬甩帶住微笑咁鞠一鞠躬。
『嗯嗯～嗱～呢道有齊針線～』
「嗯嗯～」
『咁就教左你點起針先啦～』
「嗯嗯～」
『咁你就睇住我...留心咁睇住...嗱...揸針就咁揸...』
「嗯嗯...揸針係咁揸...」