食完個Lunch返到公司繼續做野...

係我繼續偷偷望住我個飛揚BB繼續做野~

飛揚BB真係好勤力~

仲要好專心嗰隻~

人地成日都話:「好專心咁工作既男人係最吸引~」





我就覺得飛揚BB幾時都係咁吸引~

只係喺佢埋頭苦幹咁專注於工作既時候係比較認真~

唔似得喺佢同條港女八婆一齊既時候咁呆~好似成日都發梗呆咁~

或者係因為太多野要做既關係掛~無時間俾飛揚BB發呆掛~

望住姑丈出出入入咁俾D文件飛揚BB...





每次都係一大堆咁隊俾飛揚BB...

久唔久又對飛揚BB呼呼喝喝咁...

成日都催飛揚BB做快D...做快D...做快D!

想做死我個飛揚BB咩?!

之不過...我又唔方便出聲...





始終都係第一日返工...飛揚BB都係第一日認識我...唔可以做得太出面既~

女仔係要有返少少矜持架嘛~(其實我成日偷望飛揚BB都已經好唔矜持架喇...)

我就只好繼續偷望飛揚BB~為佢打氣啦~

就喺我又偷偷望過去飛揚BB嗰邊既時候...

“Fly me to the moon And let me play among the stars”突然聽到Fly Me To The Moon既鈴聲由飛揚BB嗰邊傳過黎!

我立即將視線望返落部iMac道!

嘩!嚇死我喇!

做梗虧心事架嘛!無啦啦電話響喎!想嚇死人咩?!





「喂~放左學喇?」

聽到飛揚BB把聲...我再八八卦卦又小心翼翼咁偷偷望過去飛揚BB嗰邊...

我望一望...就望到飛揚BB已經帶上Hand-Free...繼續工作...

「你唔怪我摺得唔夠整齊就好喇。」飛揚BB一邊講...又一邊做...

唔...放左學喇?唔怪我摺得唔夠正齊?

係…飛揚BB既細妹?

飛揚BB個細妹打黎搵飛揚BB?





唔...我諗...係都唔出奇...

喺之前私家偵探所Send俾我既資料所知...飛揚BB係同佢兩老仲有細佢九年既細妹一齊住...

佢個細妹叫做陳飛舞...英文名係叫阿Wing...喺飛揚BB之前讀過嗰間中學讀梗中五…

飛揚BB個細妹既資料我都好記得...

因為...我知道既唔止係佢既個人資料...仲有佢個樣...

私家偵探唔止幫我查到好多有關阿Wing既個人資料出黎俾我,仲幫我影左好多佢既相俾我...

有佢行梗去返學既相...有佢平時同D好姊妹出街既相...

呢D相又有乜咁出奇?





出奇既係阿Wing佢自己本身...

阿Wing...佢生得好似Heidi...Super Girls嗰個Heidi...

第一次見到阿Wing張相既時候,我仲喺道諗個私家偵探係唔係Heidi D Fans...Send錯左佢D珍藏俾我...

但當我再留心D睇...細心D睇...睇多幾張...我就發現係人有相似...

真係好似…

真係估唔到...飛揚BB會有個咁似Heidi既細妹...

而神奇就神奇在佢地兩個都係同一對父母所生~





可能年齡相隔得遠...真係會有D出入掛~

呢點我都係唔好理咁多…我反而好奇飛揚BB有個咁靚又咁可愛又咁得意又咁似Heidi既細妹妹係有乜野感覺架呢?

會唔會好擔心?

會唔會好擔心自己個妹成日都有好多狂蜂浪蝶圍住...好易蝕底俾人?好易俾人呃?有D醋意?

唔知呢~

不過我就知飛揚BB都好似好錫佢個妹...

好似話...阿Wing細個既時候都係由飛揚湊大...

呢點我就真係唔可以好肯定...

因為個私家偵探都話太耐之前既野唔係好查得到...

只係知阿Wing細個既時候,返學放學都有飛揚BB接送~

所以我諗...飛揚BB都真係幾愛錫阿Wing呢個細妹~

你問我點解要知得咁多?

點解要知得咁清楚?

會唔會知得多左?

查得咁深入係唔係有D變態?

你就變態!

所以話你地都唔識野既~

愛屋及烏丫嘛~

要同深愛既人一齊除左行奶奶政策之外,姑仔政策都好重要架嘛!

你地知道嘛,你對姑仔黎講,可以話係最大既敵人黎架!

佢地總係會有種感覺...覺得你搶走佢哥哥對佢既愛!

所以呢...如果想同深愛既人可以好好咁發展...姑仔既感受你都要好好咁照顧!

唔係既話...難受既唔止係你...你深愛既人都好難做架...

「哦...」飛揚BB仲係一邊做野一邊回答電話...

我就繼續偷聽...

好用心咁又豎起隻耳仔偷聽一下...

唔知佢地傾梗D乜呢?

「問?」

但飛揚BB講得咁簡單...好難估喎...

「岩岩老闆先返黎~我而家去問~我等陣Whatsapp你~」

姑丈?而家去問?等陣Whatsapp?

問D乜呢?關姑丈乜事呢?有乜野要問過姑丈先答到呢?

正當飛揚BB想起身既時候,我又扮晒望住個Mon之時...姑丈就由房走出黎...

「我而家要出去見個客,今日都唔返黎架喇。自己做完晒野就放工啦下~」姑丈拎住個公事包急急腳走人...

見乜鬼野客?走得咁鬼急?

「呀老闆...」飛揚BB開一開口...

「食飯錢遲D俾返你喇!我趕時間呀!」姑丈仲係急住走人...

「錢好閒架姐~我想問...星期四我可唔可以請日假?」飛揚BB笑住口咁問...

哦~原來係想請假...

「請假...得得得得得啦你做得晒D野就請啦下係咁...」姑丈就一邊講一邊衝出門口。

當姑丈走左之後...飛揚BB就笑笑口咁立即拎部電話出黎撳撳撳撳撳撳...

原來係想請假...陪個妹?

唔...細妹打得電話黎...

飛揚BB又話要問姑丈請假...

十之有九都係想陪細妹架喇...

之不過...陪細妹做乜呢?

星期四喎...紅日黎架咩?

睇一睇個日曆...唔係丫...平日黎架...

咁點陪細妹呢?

唔使返學咩?

唔通係學校假期?

唔...

其實飛揚BB點陪佢細妹...佢細妹使唔使返學...係唔係學校假期呢點都唔重要...

最重要既係...姑丈已經走左...而家成個空間都只係得返我同飛揚BB...

可以好放心咁同飛揚BB傾計...唔怕傾傾下姑丈突然殺出黎!

『你好鍾意日本既動漫架?』我就好隨便咁開口問一問飛揚BB~

而呢個問題就係最好既開場白!

「都OK啦...點解咁問既?」飛揚BB就一邊做住野...一邊尷尷尬尬咁答一答...問一問...

點解飛揚BB好似咁尷尬咁架呢?

係唔係因為仲有D生保呢?

乜飛揚BB都會怕生保架咩?

真係夠晒可愛~

咁...好啦好啦~

『頭先食飯你電話響,電話鈴聲係Serial Experiments Lain既Duvet。而你岩岩響嗰首Fly Me To The Moon就係Neon Genesis Evangelion 既版本~』我用隻手指喺空氣中指一指下~

放鬆D~自然D~盡量令個氣氛變得輕鬆D~

「哦~係呀~首Duvet我用左十年都無轉過鈴聲。而首Fly Me To The Moon係因為有次細妹同我一齊睇Evangelion佢覺得好好聽,所以要我用呢首歌做佢專有鈴聲...係呢,你都好熟日本動漫喎~」飛揚BB停左手上既工作,望住我~

喺今日裏面,飛揚BB都無乜點真係認認真真咁望住我既~

而呢一次,可以話係最認真既一次~

咁講法...係唔係即係話我地已經正式開始交流喇?

係既話...都真係算係一個好既開始呢~

『我喺日本留學既時候都好鍾意睇動漫~Lain係其中一套我最鍾意既動畫!我睇左五次喇~不過都仲係有少少唔明囉~』其實我都真係勁鍾意睇動漫~

不過我就同一般既女仔有D唔同~

我唔係睇開嗰D青春丫~戀愛丫~學校生活丫~純粹搞笑丫~

我係睇開一D比較科幻丫~Cyberpunk丫~唔係好多女仔會睇既動漫~

仲記得喺日本留學既時候,成日都會夜麻麻捉埋岳飛上去我間屋仔一齊睇~一齊研究~

有時一研究就研究到第二朝~梳洗一下~換返套衫~食埋個早餐就一齊去上堂~

講返起上黎...好彩嗰陣時有岳飛我先無咁悶~

不過岳飛份人呢...總係好似...好似好哀愁咁既~

有時氹佢笑既時候,佢都仲係會笑裏面帶著點點哀愁咁~

或者係...因為...佢既過去...

或者係...因為...佢口中...佢心中既...青鳥...

「你唔係喺外國返黎架咩?」飛揚BB好似有D驚訝咁問一問~

『日本都算係外國既~』日本嘛…係外國丫~

點解飛揚BB會覺得好似咁出奇咁架呢?

乜我唔似日本妹咩?

其實我都覺得自己幾似日本妹架喎~

衣著都幾日本下啦~

總之就一定唔係大陸啦~

『日本既動漫真係好成功呢~有好多好多都好有深度架~』

「嗯~都係既~」

『仲有好多好多好多好努力既漫畫家~』

「嗯~多到記唔晒~」

『佢地都好努力咁去追夢~』

「追夢...嗯嗯...」

『不過...又唔係真係有好多個漫畫家可以成功...』

「唔…追…又唔一定追得到...」

『有好多好多好多漫畫因為無乜人睇...畫到一半就要被迫停刊...斷尾...』

「無人睇就無價值...無價值就會被淘汰...無人支持...無經濟支持...無野可以再支持落去...迫於無奈都只有放棄...」

『咁唔會覺得好可惜架咩?佢地唔係無努力過...只係...只係遇唔到一個機會...遇唔到俾人賞識既機會...其實佢地都好似富奸...好似桂正和咁...一樣咁有才華!』

「唔...係可惜...好可惜...唔係人人都會遇到...伯樂...有好多千里馬未遇到伯樂之前就已經...勞役死左…餓死左...但如果係我...我寧願餓死...我寧願餓死都要繼續追我既夢...縱使我既夢喺別人眼中係無聊...係白痴...係浪費時間...係一文不值...」

『咁你既夢又係咩呢?』

「我?我既夢丫?我既夢係...」

一邊同飛揚BB傾住計~一邊又睇住佢做野~

飛揚BB都幾勁架喎~可以一邊同我傾計又一邊做野~一心二用~

要做到呢點,真係一D都唔容易架~

而喺我地既傾談過程中,飛揚BB都講左唔少有關佢自己既事俾我聽...

有關飛揚BB對自己工作既睇法啦~

做人做事既態度啦~

雖然話都唔算係好深入...就係浮於表面...點到即止...(可能飛揚BB覺得我同佢都係岩岩第一日識...唔想咁快就講得咁深入掛~)

但就令我覺得...覺得飛揚BB真係好特別~

真係好特別~特別到...唔多似係普通人...香港人...地球人~

或者你會話“情人眼裏出西施”~

之不過...你係唔會明架喇~

講下講下...傾下傾下...又睇住飛揚BB做下做下就到六點鐘...

「Emma,你放六點架呵?」飛揚BB一邊繼續忙梗手頭上既工作...一邊提一提我~

『嗯~』唔係飛揚BB提一提,我都唔記得左自己係返梗工添~

「你收得工架喇喎。」飛揚BB再提一提~

『但你都未走...』我仲想同你傾耐D呢...

「我?哈~我有排~你無野做可以走先~」飛揚BB對住個Mon眉頭一皺...

『咁...好喇...』或者...我都係唔好阻住飛揚BB做野喇...

或者...今日都差唔多喇...

我拎起手袋仔...行到飛揚BB面前...

『飛揚,你真係一個好特別既人~聽日見~』同飛揚BB道過別後,我就帶住依依不捨既心情行左出公司門口~

其實又使乜咁依依不捨~

反正聽日就可以再同飛揚BB相處~

可以再了解飛揚BB多D~

可以再陪住喺飛揚BB身邊~

短暫既離別係為了再次相遇丫嘛~

我係應該期待先岩既~

不過講真嗰句...聽日都真係唔可以掛住同飛揚BB傾計...

我見飛揚BB都好似真係好忙咁...

仲話有排都未走得…

睇黎…聽日都真係要好好咁幫飛揚BB手先得!

至於而家...而家我有D重要野要做~

我喺旺角既鬧市之中...人群之中...行下行下...

街上面有好多人...

有好多都係放左工既打工仔...

亦有好多發光既金豬...

嗰D滿口普通話既金豬...一隻二隻拖住個鬼咁阻碇既喼走黎走去咁...

會唔會覺得好討厭?

都真係幾討厭~

之不過...唔係佢地既話,我地又邊賺到咁多錢?

有時...我都真係戥佢地可憐~

成日以為自己真係高高在上咁~但實際上?俾人當老襯都唔知~

我地唔需要好似佢地咁呃呃騙騙~只要將真貨標高幾百倍黎賣,佢地都會衝住黎買~

因為佢地總係覺得貴野先係好野~

真係同豬一樣咁天真~仲要係喺身上舖滿金箔~

至於岩岩放工既打工仔...

每個都係苦瓜乾咁既樣...

再唔係就好似十日無瞓過既攰到死既樣...

喺香港打工...真係咁辛苦?

其實喺東京...D人都係差唔多…

每個人既面上都好似無乜笑容咁...

有既就只有...攰同痛苦既神色...

係唔係所有大都市都係咁架呢?

呢個又係唔係大都市既代價呢?

代價...就只係喺低下層身上...

而好似我地呢D既...就享盡榮華富貴...

享盡榮華富貴...

都係唔好諗咁多…

唔可以諗得咁多...

每次諗到黎呢道...我都唔敢再諗落去...

因為...總係好似...好大罪惡感...

你都唔好話好似我地呢D富二代只係識得享樂!

我都有腦架!我都會諗下社會問題架!

你又唔好話我講咁多廢話嘥你時間!

都不知幾咁有意義!

不過都係算啦~你地都唔會明架啦~

我就繼續去我要去既地方~

我繼續喺人群之中穿插~

不時都有D男仔...男人...阿叔望住我...

仲要雙眼發晒光嗰隻...

其實我係知...我係留意到...

只係...我唔理得佢地咁多姐~

唔好話Dry望丫~有時仲會主動走埋黎想識我問我拎電話添~

不過我都好少理既~

個個都要理既話,我就真係好唔得閒啦~

所以我都習慣到當睇佢地唔到咁~

繼續當睇佢地唔到咁行~行到黎旺中~

而家既旺中同今朝既旺中真係好唔同~

今朝乜人都無,但而家就有勁多人~

勁多年輕既人~勁多學生妹~

好多學生連校服都未換就走黎行街~

而且仲要真係勁多勁多~勁迫勁迫~

唔講仲以為同區既學校黎左呢道開Party~

我就喺班學生妹之間穿穿插插~穿穿插插~

不時都掃到佢地對小饅頭~

又不時都會摸到佢地既屁股仔~

好彩我係女仔咋~如果唔係實俾佢地當係色狼啦~

不過我自己都俾佢地抽左唔少水~

無計啦...呢道真係太迫喇...

不過我都會好小心~只係俾D學生妹抽~絕到唔會俾D變態麻甩佬同D死𡃁仔掂到我~

你地真係FF都唔使旨意丫~

我穿下穿下~插下插下~好唔容易先黎到今朝嗰間鞋舖~

『老闆娘~我又黎左喇~』我攝下攝下先攝到入黎舖頭裏面~

因為真係太多人啦~

又太多學生妹喺道試梗鞋喎~

「靚女咁快又見面丫?對鞋唔掂丫?」老闆娘笑住口咁問一問~

『唔係唔係~好掂好舒服~所以我今次黎係再幫襯你架~』無錯喇~我要做既重要野就係黎買鞋~

因為平日屋企都唔多平底鞋~(最多其實係波鞋~)

而難得遇到間著得我咁舒服既,就緊係黎買多幾對啦~

「咁多謝丫~隨便睇~隨便揀~揀岩既我拎對新既俾你試試~」老闆娘好客氣~

『唔使試喇~』使乜咁麻煩~『你呢道每一款~每一色既平底布鞋同涼鞋我都要一對啦~』

「你講真架?」老闆娘囧晒樣咁有D驚訝。

『嗯~我從來都唔講笑~』我好認真架嘛~

等到老闆娘幫我執齊晒所有鞋之後:「多謝晒~多謝晒~」

我又俾過錢後:『唔多謝~唔多謝~好生意丫~』

我就拎住左手一包~右手一袋咁行出旺中~

話就話每款每色各一對,方便襯衫~但其實都唔係話好多姐~

我一個女仔都夠氣夠力拎得晒~

返到去沖埋個涼仲可以慢慢襯~

襯下唔同既衫~唔同既裙~

襯黎返工~襯黎見我既飛揚BB~

好喇~都夜喇~差唔多係時候喇~係時候返去喇~

我就繼續左手一包~右手一袋咁行下行下~行去朗豪坊~

行到黎朗豪酒店停車場~我放一放低兩大袋鞋~一手打開黑色車套~

“咇”再解一解鎖~將兩大袋鞋都放到去客座位上~

“啪啪”拍一拍對手:『搞掂晒~』

我再上一上車諗左一諗...

『點解今日好似有D野...有D野無做過咁架呢?呀!係丫!』我突然醒起喇~

我喺個手袋仔裏面拎部手機出黎~

今日全日有飛揚BB喺身邊,就係掛住偷望下飛揚BB~留意下飛揚BB~都未睇過Whatsapp添~

我就拎部電話出黎睇睇先~

而當我打開Whatsapp,第一時間唔係睇下Daddy同爺爺嗰D關心我第一日返工返成點既Messages...

我一打開...就睇下Amy Send左D乜俾我先...

*噹* “Amy:我地已經照計劃進行梗。”

唔...好丫~果然有效率~我無睇錯人~

“得架喇 你地辦事我放心 唔需要下下匯報 至於開資方面可以直接將D單寄過黎俾我 我會喺三日內過返數俾你地”

*噹* “Amy:明白 我地知道點做。”

睇黎我真係無睇錯...

無睇錯Amy同James既貪婪...更無睇錯Ashl...Ashly...Ashlynn會背叛飛揚...