一早起身梳洗完~仲食埋個醒神早餐~

我就換好套衫,喺塊全身鏡前面擺下擺下~照下照下~

其實衫呢我就喺尋晚返到黎之後就已經襯好晒~

仲襯好埋對鞋添~

好心急咩?唔係丫~





咁都要預早D做好準備架嘛~

預早D準備著得好好睇睇咁同飛揚BB第二日一齊工作既美好日子~

我今日就著上一件粉紅色吊帶短裙~裏面再加多件白色小吊帶Lace花邊底裙~

咁就唔怕喺陽光下會透到條底褲出黎咁尷尬啦~

至於對鞋仔喇喎~今日呢就著對白色暗花婆仔鞋~





咁樣襯落就自然D得黎又帶點清爽~

我諗...都算得上叫做大方得體掛~

我再喺塊全身鏡前照多兩照~擺多兩擺~

『嗯~無穿無爛無走光~係時候出發~見我既飛揚BB~唔係唔係~係時候返工先岩~』

我帶住好興奮加上少少緊張既心情行去車房仔~





“咇”解一解鎖~再掀開鍘刀式車門~

坐一坐上架Metallic Blue色既Lamborghini Aventador LP 700-4 Roadster~

扣好安全帶之後,掀開紅色蓋,按落個發出紅色光既“START ENGINE STOP”字樣既黑色掣道~

“吼!”好快我又可以見到我既飛揚BB喇~

不過呢...尋日剩係識得偷望飛揚BB...乜都無做過...

今日就真係要努力D~幫輕下飛揚BB先得喇~

“依...”我一俾油,LP 700-4 Roadster就衝住去!

“吼~吼~吼~吼!”





帶住期待又興奮既心情,好快又黎到朗豪酒店停車場~

泊好架車~再蓋上黑色車套...

搞掂晒之後,拍兩下對手~

我又輕輕鬆鬆咁行去公司~

正當我帶住多多興奮~又有少少緊張既心情上到黎公司之時...

『哦?無人?』我喺公司門外隔住塊玻璃門望入去...

望入去黑漆漆既辦公室~





我再望一望我手腕上隻錶...

八點四十五分~

睇黎係我太心急~心急到早左返黎添~

不過又奇怪喇...姑丈係老闆...點解佢唔早D返黎開門架呢?

佢自己既生意黎架喎...佢自己唔著緊架咩?

不過唔緊要啦~等下啦~

我就企喺塊玻璃門隔離~挨喺牆邊~等下等下~

等左一陣,我就見到架𨋢上到黎我呢層~打開左𨋢門~





我就見到飛揚BB好似幾開心咁行左出黎~

『早晨呀飛揚~』我第一時間就同飛揚BB講句早晨先~

「早晨呀Emma...Sorry呀...等左好耐丫?」飛揚BB就好似尷尷尬尬咁睇一睇自己隻錶~

『唔緊要~唔緊要~我都係岩岩返架咋~』我揮住手~擰住頭~帶著微笑咁回答~

睇黎飛揚BB覺得要我喺道等佢好似唔係咁好意思咁~

呢個飛揚BB真係丫~傻瓜黎架~我寧願係我等佢~都唔想佢等我囉~

講真嗰句...我又點捨得要你等我丫~





飛揚BB望一望我~諗左一陣咁~

「等我開門先...」飛揚BB就喺褲袋拎鎖匙出黎~

飛揚BB跪到地下,跪左喺我隔離~

原來...原來飛揚BB都有鎖匙既...

定係…其實一直都係飛揚BB負責開門架呢?

下?開門都要由飛揚BB負責?咁仲有D乜係唔使佢做架?

呢個姑丈真係丫...乜都唔使做架?只係袋錢落袋架咋?

飛揚BB拎住條鎖匙,開下開下個鎖...又望下望下...

望下望下塊玻璃門...望下塊玻璃門入面?

塊玻璃門入面有乜好睇呢?

裏面夜漆漆咁...乜都無架喎...

我再留心D留意下飛揚BB...留意下究竟有D乜野吸引到飛揚BB...

我再望一望飛揚BB既視線...再望一望塊玻璃門...塊玻璃門...

唔通...唔通係我對腳?!

我望一望塊玻璃門...倒影出我對...我對修長美腿...

飛揚BB係...望梗我對腳?

唔通飛揚BB...對我對腳...

乜飛揚BB係腳控黎架咩?

不過講開又講...就算嗰個Ashlynn有幾港女八婆都好...都的確係D長腿美女黎...

所以話...飛揚BB對腳特別有興趣既話...都唔出奇丫...

而如果飛揚BB真對腳特別有興趣既話...我又係唔係應該...應該多D...

「咦~Emma~你好鍾著平底鞋架?」飛揚BB推開玻璃門,行入公司~

『都OK架~舒服丫嘛~』我就跟飛揚BB行入Office~

「係丫...唔怪得你尋日突然落去買左對平底鞋返黎換喇~」“啪啪啪”飛揚BB開晒D燈~

『你...有留意到?』原來飛揚BB有留意到!

原來飛揚BB有留意到我將對高踭涼鞋換左對平底鞋...

唔通...飛揚BB真係介意我著高踭鞋?

睇黎有咁既可能...

可能飛揚BB首先留意到我著高踭涼鞋...心裏有D唔舒服...然後見我突然走去買平底鞋返黎著...覺得怪怪地咁...

「哦~係丫~因為我女朋友都同你差唔多高,但佢好鍾意著高踭鞋。所以突然發現你高度有轉變,就察覺到你換左鞋囉~」飛揚BB行返埋個位~放低個公事包~開著部電腦~

哦~原來係諗起佢個港女八婆女朋友...

如果係咁既話...

『哦~原來係咁~你都鍾意呢類型既女仔?』我行到埋自己個位~

大膽D~

「呢類型既女仔?」飛揚BB帶住疑惑既眼神望住我~

『好似我呢種身形既女仔~』我企直個人,向飛揚BB展露完美身段~

再問得深入一D~

飛揚BB掃視左我一眼...諗左一諗...

「嗯...咁鍾意你呢種都好正常姐~我諗我唔會食肥膩囉~哈...」飛揚BB傻傻一笑~

飛揚BB咁答法...算唔算都叫做鍾意我呢?

我諗就算係講唔上係鍾意,都可以話係有好感掛~

「不過...每次我女朋友試高踭鞋,我都唔會企喺佢身邊...」飛揚BB望住我對鞋,諗下諗下...

飛揚BB呢個神情...

睇黎…我既推測...應該無錯...

飛揚BB的確介意女仔著高踭鞋高過自己...

之不過...

『無錯~女仔係好鍾意著高踭鞋,因為會顯得女仔對腳修長D~靚D~但以我個人認為,如果自己對腳本身就已經好靚既話,根本就唔需要特別修飾~刻意修飾既人,本身就缺乏自信~』真正靚既...係唔需要修飾既...

而且...

『而且更重要既係...要顧及身邊既人既感受~』我雙手合上,將食指放到嘴唇邊...

以Ashlynn呢種港女八婆性格...係唔會顧及飛揚BB既感受...

一直都唔顧及飛揚BB既感受...一直為左自己對腳俾人睇起上黎修長D...靚D...一直都想著高踭鞋...但又唔理下著完會高過飛揚BB...會令佢唔開心...

一直以黎...都辛苦飛揚BB喇...

之不過...我唔同...

我會好好咁顧及飛揚BB既感受...一直都會!

係喎!講起顧及飛揚BB既感受...

『係呢~我尋日已經睇晒成間公司既網頁好幾十次喇~有無野可以俾我幫下你?』我行一行近飛揚BB檯邊~

我話過今日開始要好好咁幫飛揚BB手~

分擔下飛揚BB既工作~仲有壓力~

只見飛揚BB諗下諗下咁...

堂眉就皺到夾得死烏蠅咁...

塊面仲要越黎越黑添...

係對我無信心嘛?

『放心喎~我喺日本係讀Design first honor架~一般野我做得掂~』我雙手放後,輕輕擺動身體~

我都明既~話晒我都係千金小姐~

十指不沾陽春水咁~

不過呢...今來為君做羹湯呢~

「ER...咁喇~我有兩個平面設計未起稿...你幫我起個初稿先...OK?」飛揚BB喺佢張檯上面摷左疊筆記出黎~

我睇一睇疊筆記...

『嘻~你D字...』我忍唔住笑笑口咁~

係飛揚BB手字~

好搞笑囉真係~

十足十佢個名咁~飛揚~飛揚~

「呀...Sorry呀...我...諗住自己睇所以寫得樣衰左D...ER...睇唔明可以問我...」飛揚BB勁唔好意思咁~

『唔係呀~好特別~』我一邊睇~一邊行返埋位~

真係好特別呢~

字如其名~其名如字?

或者真係~

或者我深愛既飛揚BB就係咁特別~

當然~如果唔係咁特別,又點會吸引到我~

我一坐返埋位,就開始對住飛揚BB疊筆記咁畫~

畫下畫下~睇住飛揚BB手字畫下畫下~

睇住飛揚BB手字...總係...好有動力~好有靈感~

就好似...靈感既來源~源源不絕~

做左一陣...又做左一陣...好專心又好享受咁做左差唔多一個鐘...

“And you don't seem to understand”

係飛揚既電話響?

「喂?老闆?」

哦?係姑丈?

姑丈打黎搵飛揚BB做乜呢?

係喎…講起姑丈...到而家都唔見人?

睇怕...今日都唔會返黎架喇...

之前睇私家偵探D資料都話,經常都係得飛揚BB一個喺公司工作...

姑丈就唔知死左去邊!

做死我既飛揚BB咁制!

唉...

不過唔怕啦~而家有我幫輕飛揚BB嘛~

我見到飛揚BB好無奈咁收返埋部電話之後...

『飛揚丫~我起好左個初稿喇~你...要唔要過黎睇睇?』我就問一問飛揚BB~

「哦...我過黎...」飛揚BB就行到埋我身邊~

飛揚BB右手撳住張檯~左手插住褲袋~望一望個畫面~

望左好一陣...

「真係好...掂...」飛揚BB好似好驚訝咁~

『咁...』就喺我望一望上去...望一望飛揚BB...望一望飛揚BB對眼...

我望到...望到飛揚BB對眼正正係望梗...望梗我...我個胸...

由於我今日著既粉紅色吊帶短裙都有D低...有D鬆...所以裏面先加多件白色小吊帶Lace花邊底裙...

而我個胸都真係幾豐滿…所以...如果由上以下咁望落黎既話...都會望到一對被白色無帶1/2杯Bra包住既粉白半圓球體...

飛揚BB一定已經...已經望得好清楚...好清楚望晒...望晒...

「ER...Sorry...我...」飛揚BB好老實咁講左句Sorry...

『唔~我都唔介意~』我擰擰頭~回返個微笑俾飛揚BB~

難得你咁老實~𥄫左都識得講Sorry~我又點會怪你呢~

更何況...你一直都係我最深愛既人...俾你睇晒...又有乜所謂~

女仔丫嘛~女仔扮靚靚又好~著得性感D都好~其實都係想俾自己深愛既人欣賞自己既美多D姐~

之不過...

『男仔嘛…係咁架啦~不過...下次唔好再偷望喇...』我怕怕羞羞咁望一望住飛揚BB~

如果飛揚BB真係想...我又真係唔介意俾佢望~

想點望都得~

不過就要望得大大方方~

唔好鬼鬼祟祟咁~好難為情架嘛~

「對唔住。一定無下次。」飛揚BB勁老實咁對住我點點頭~

『嗯~咁呢兩張圖係唔係可以Send俾個客喇?』都係講返公事先~

「嗯~我幫你Set埋個公司E-mail...咁...以後你就可以用公司E-mail收發郵件喇~」飛揚BB幫我Set一Set E-mail~

Send完兩個E-mail出去之後...

『我算唔算完成左第一樣工作丫~』我笑住口咁望住飛揚BB問一問~

「嗯~仲好完美咁完成添~」飛揚BB就好似一個大哥哥咁讚一讚我呢個小妹妹~

飛揚BB真係一個好特別既人~

𥄫人又會認認真真講聲Sorry~唔搵藉口去掩飾自己既錯~

對女仔又識得氹~又識得讚~又識得教~仲好體貼~好溫柔~

話佢唔正經咩?有時又呆呆地咁喎~

話佢木獨咩?有時又會覺得佢好似壞壞衰衰咁喎~

點壞點衰丫?

好似我岩岩做完兩份工作,求佢再俾多D野我做~

飛揚BB就俾多一堆平面廣告我畫啦~

就喺我一直都好似好專心~一直都好投入咁畫畫畫之時,其實我都有偷偷留意飛揚BB~

我留意到飛揚BB成日都會偷偷咁𥄫我對腳~

有時仲會望到眼都唔眨添~

呢個飛揚BB丫~岩岩先講完一定無下次...而家又走黎𥄫我對腳~

唔𥄫我個胸就走我𥄫我對腳下話?

好~我就伸長佢對腳仔~將對腳伸到直一直~

又間唔中翹下對腳~疊下對腳~

有時坐耐左又會踢下踢下對腳仔~

不時換下姿勢,等你呢個飛揚BB𥄫得無咁悶~

嗱!只係俾你𥄫架咋!你要好好珍惜丫!