同飛揚BB你一啖又我一啖咁~

話咁快就差唔多食晒成個農夫包~

好滿足~好飽飽~

就喺呢個時候...

『呀...』痛!





我勁痛苦咁撳住個肚仔...

「做咩事丫Emma?你無事丫嘛?」飛揚BB勁緊張咁扶一扶我...

『我...M痛...』我捉住左飛揚BB隻手臂...

「你M Come?M Come仲飲凍野?傻豬黎架!你等等我...」飛揚BB立即除低手套...衝左去拎杯熱水返黎...

飛揚BB再喺佢杯凍檸茶道拎幾粒冰...





插支飲管落去...

攪兩攪...

「飲啖先...慢慢睇熱...」飛揚拎住杯暖水將支飲管放到去我嘴邊...

我細細啖...細細啖咁啜左幾啖...

「M Come唔飲凍野是常識吧~你仲走去飲可樂,對身體唔好架...」飛揚BB一面慈愛咁望住我...





『嘻嘻...我諗住一次半次唔緊要啦...呀!』又痛!

我捉住左飛揚BB隻手...撳住喺我小腹道...

好痛...好鬼死痛丫真係!

點解...女人要有M痛架...

飛揚BB一隻手按住我小腹...另一隻手拎住杯暖水:「飲多兩啖暖水...」

我就再慢慢啜...慢慢啜...

直至我啜晒杯暖水,飛揚BB好溫暖咁問一問:「好D嘛?」

我點一點頭...





好返D...無咁痛...

等到飛揚BB將隻杯放到檯上之後,我挨左落飛揚BB膊頭道...

飛揚BB將隻手搭喺我膊頭上面...

『你隻手好溫暖...』我細細聲講...

飛揚BB隻手真係好溫暖...

唔止...唔單止係隻手...

飛揚BB成個人都好溫暖...





如果真係要幫“點解女人要有M痛”搵一個答案既話...

答案可能就係...可以讓女人感受到男人既溫暖...

挨喺飛揚BB既膊頭上抖左一陣...

我慢慢坐返正個人...

「好D嘛?」飛揚BB縮返開隻放喺我小腹上既暖手...

『嗯...好好多喇...多謝你...』不過仲有少少暈暈地...

「不如我買D藥俾你食。」飛揚BB仲係好擔心咁既樣...

『唔使喇...有你既溫暖,我好好多喇...』我對住飛揚BB笑一笑...





有飛揚BB咁著緊我...已經好足夠~

其實女人需要D乜?

唔係話要浪漫...唔係話要識氹人...唔係話要口花花...

或者只係需要一個著緊自己既男人~

坐多一陣...抖多一陣...我地就行返去公司...

沿途上,我都捉住飛揚BB手臂行...

捉到實一實...





飛揚BB亦都就住我...慢慢行...

「不如我送你返屋企休息下啦。」飛揚BB勁心痛咁既樣...

『我OK架...仲可以返到工...』我好堅決咁擰一擰頭…

我要返工...

我要繼續同飛揚BB一齊工作...

我要繼續喺飛揚BB身邊...

我想有飛揚BB喺我身邊...

返到上公司,我都係腳步浮浮咁...

「我幫你斟杯水,你坐坐抖下...」飛揚BB拎起我隻米奇杯,走去水機斟D暖水。

望住飛揚BB幫我斟水既背影,真係暖到心都甜埋~

「飲杯水先~睇熱喎~」飛揚BB插左支飲管落我隻杯道~

『唔該~但...點解會有支飲管咁得意既?平時熱飲都唔會有飲管架~』我望下望下支飲管~勁搞笑咁~

「呢個...係我女朋友既習慣黎既...佢飲熱野都會用飲管...因為用飲管飲無咁熱喎...」飛揚BB傻笑咁摸下摸下自己個頭~

『你...無時無刻都會諗起你女朋友...你好著緊你女朋友呢...』我咬住支飲管啜下啜下...

乜真係值得咩?

乜嗰條港女八婆真係值得你咁著緊佢咩?

「邊係呢~只係拍拖拍得耐左,成日都一齊生活,好多習慣都係大家一同擁有...」飛揚BB擰下擰下頭...

拍拖拍得耐...成日都一齊生活...好多習慣就會一同擁有?

『都係既...人地話拍拖拍耐左會好似對方...你地拍左六年拖當然會有共同習慣...』六年時間...都真係幾耐下...

「你又知係六年?」飛揚BB一頭問號咁問一問...

死!唔覺意漏左口風添!

M痛到我都唔記得左有D乜野係唔應該講...

點算好呢...點算好呢...

應該點答好呢?

『估架咋~你話耐丫嘛~六年對我黎講咪耐囉~』我扮晒傻咁笑笑口...

「咁你都估得幾準架喎~」飛揚BB又好似無乜戒心咁...

『你地感情一定好好架喇...』我飲完杯暖水之後咬住支飲管~

「一D都唔好,我地成日鬧交。」飛揚BB又諗下諗下咁...

『下?點會丫?』繼續扮傻!繼續扮傻!

『正確黎講係我成日俾佢鬧...』飛揚BB勁委屈咁既樣...

成日俾條港女八婆鬧...

我又真係唔明...唔明點解飛揚BB唔反抗...

就算人有幾好...幾好脾氣...成日俾條港女八婆鬧都會忍唔住掛?

點都會有D火掛?

點解飛揚BB真係可以咁忍得?

定係習慣左...唔當係乜野一回事呢?

習慣俾人鬧...又會唔會太過悲哀呢?

「好喇~你抖下先喇~真係好痛既話記得話我知~」飛揚BB行返埋自己個位...

真係習慣左?

咁如果俾飛揚BB知道...條港女八婆出去偷食既話...

飛揚BB會點呢?

我諗...點都會發一次火掛~

我諗...唔止發火咁簡單~

積積埋埋咁多怨氣...一次過爆出黎既話...分分鐘勁過核爆~

我靜靜地一個人坐係道...對腳伸到直一直咁諗下諗下...

諗下當飛揚BB知道條港女八婆俾帽自己戴既話...會有乜反應呢?

會唔會一巴車埋條港女八婆塊面道呢?

飛揚BB咁Gentleman...一定唔會郁手打女人~

爆Seed喪數條港女八婆都會掛?

唔知飛揚BB會點數法呢?

真係好想可以現場直擊下~

就喺我FF緊飛揚BB點樣兜口兜面數臭條港女八婆之時...

“叮叮 叮叮 叮叮”

飛揚BB檯頭部電話響...

「你好,Good Bob Design。」飛揚BB接一接聽...

飛揚BB面色一沈之後...

「喂~阿Gay生~喺邊道呢~」又笑笑口咁問...

係Gay生?就係會喺今日上黎既客仔?

「方便方便~約好左阿Gay生你架喇嘛~一定方便架係唔係先~」飛揚BB又強顏歡笑咁講...

睇黎就係喇...

而且應該仲黎緊添...

分分鐘仲唔使幾耐就上到黎...

*叮噹*...

果然!唔使等幾分鐘,門鐘就響起!

飛揚BB好快咁行左去玻璃大門...

『喂~你好丫Gay生~請入黎請入黎~』飛揚BB客客氣氣咁請左Gay生入黎...

我又八八卦卦咁探頭望一望...

「喂~陳生你好丫~唔打搞你丫嘛~」阿Gay生一手就放喺飛揚BB胸前...

我望到有男人...大約四十歲咁上下既男人...

著衫就著到花呢碌咁...

「唔打搞唔打搞~入黎先講~入黎先講~」飛揚BB輕輕一縮,請阿Gay生入公司...

我唔係睇得好清楚呢個男人既樣貌...因為我都只係望左兩眼就扮做緊野咁...

但呢個男人...好似熟口熟面咁...

好似...一個明星?

「你間公司都幾幾骨子喎~」Gay生一手就揸落飛揚BB個屁股道...

睇呢個Gay生外表都斯斯文文咁...但就對飛揚BB摸手摸腳咁...

「雀仔雖小,但五臟俱全架...」飛揚BB一邊急急腳咁行快兩步...一邊講...

睇黎呢個Gay生真係人如其名...

「呢個妹妹仔係秘書小姐?好年青咋喎~」Gay生指一指住我...

『你好丫Gay生~我除左係秘書之外,亦都係陳生既助手。』我企左起身,送左個九十度鞠躬俾Gay生...

「有前途~有前途~後生可畏~」Gay生又借D易拍下飛揚BB胸口...

我無遮無掩咁喺Gay生面前鞠躬...但佢就望都唔望下我個胸...反而拍下飛揚BB胸口...

睇黎真係喇...

「請入請入黎~」飛揚BB急急腳行到去會客室門前,請Gay生入去...

「估唔到你咁心急架喎~」Gay生急急腳行入會客室...

當會客室道門閂埋之後...

死喇死喇...呢個Gay生咁狼死咁...同飛揚BB獨處一室既話...飛揚BB會唔會連渣都無架?

睇黎要諗下方法救飛揚BB先得~

我就喺個手袋仔裏面拎左兩包瀉藥出黎~

急急腳咁走去拎兩隻杯~再走埋去部咖啡機前沖一沖咖啡~

再喺兩杯咖啡裏面落埋瀉藥~

“咯咯咯”敲一敲門...

『Gay生~陳生~咖啡岩唔岩?』我拎住兩杯咖啡行入去~

我就見到Gay生塊面貼過去飛揚BB塊面...

飛揚BB就縮到埋梳化邊...

Gay生一見到我入黎,就坐返開,但對眼仲係盯住飛揚BB咁講:「岩丫岩丫~放低得架喇~我地繼續~」

『嗯~咁我出返去先喇~』我放低兩杯咖啡後就行返出去...

嘩嘩嘩!真係好狼死呀!

唔得唔得!

唔可以再要飛揚BB同個Gay佬單獨相處!

我深呼吸一口...

“咯咯咯”再敲一敲門之後...

『Gay生~除左陳生介紹嗰D原有既設計外,我地仲可以為客人度身訂製獨特既設計架喎~』我一入到去就立即坐到飛揚BB同Gay生中間!

隔開佢地!

『唔知Gay生個會場係用黎搞D乜架呢?』唔准你個死Gay佬再接近我既飛揚BB!

我一直都貼住飛揚BB!

幫飛揚BB完全擋住Gay佬!

有我保護住飛揚BB!乜都唔使怕!

「我就開Playgroup公司既~個會場呢就想用黎去介紹下我地公司咁囉~」Gay正經D咁講...

『哦~咁即係標目大多數都係小朋友同佢地既家長啦~我地可以試下Colourful D~或者我地可以利用一下汽球...以七彩繽紛既汽球做主題你認為點?』我就開始向Gay佬俾意見...

我就一邊同Gay佬傾~又一邊幫飛揚BB擋住~

擋下擋下,Gay佬又拎下杯已經落左瀉藥既咖啡飲兩啖~又飲兩啖~

飲下傾下,Gay佬都無機會再對飛揚BB伸出魔爪~

飛揚BB亦都可以好安心咁坐喺我身邊~

傾左好一陣子,Gay生對我既建議都好接納~好滿意~

而且仲好似...

「OKOK...就照你既意思做啦...聽日...聽日記得黎睇睇...嘩...唔得!個肚好痛...邊道有廁所?」Gay生撳住個肚,年初四咁既樣~

睇黎藥力生效喇喎~

「呢道出去直行轉左行出去就係...不如等我帶你去。」飛揚BB企一企起身...

「得架喇...我自己去得架喇...就咁啦...聽日黎睇睇個場...唔使送喇...」Gay生一路撳住個屁股衝出公司門~

呼~搞掂晒~

「Emma~你真係好叻女~」當飛揚BB拎起杯咖啡想飲落口之時...

『唔好飲!我兩杯都落晒藥架!』我立即拎走飛揚BB手上杯咖啡!

「落咩藥丫?」飛揚BB一面驚訝~

『瀉藥~為左萬無一失,我兩杯都落晒架喇~』我舉起V字手勢~

「瀉藥?!你點會有瀉藥架?」飛揚BB仲係O晒嘴咁望住我~

『為左保護自己,免受傷害,我都會帶一D低殺傷力武器喺身架~』我對眼碌向上,望一望上天花...

我係一個好識保護自己既女仔黎架嘛~

總要帶D武器旁下身既~

「咁萬一我飲左...你咪殺錯良民囉...」飛揚BB仲係面有難色咁~

『你平時都唔飲咖啡既~』我講完之後,拎左兩杯有瀉藥既咖啡杯出去~

你咁怕苦,最多咪只會飲勁多奶既拿鐵咖啡~

當我處理好晒兩隻咖啡杯之後,飛揚BB就由會客室走出黎~

『咁聽日三點去睇場喇~』我就提一提飛揚BB~

「OK~我到時會去架喇~」飛揚BB都立即Mark落個Schedule道~

『我都會同你一齊去~』我就望住好專心Mark緊Schedule既飛揚BB~

「但聽日係星期六,你返半日咋喎...」飛揚BB諗下諗下…

『你夠係返半日咯~』我指一指住飛揚BB~

大家都係返五日半姐~

「打工仔不嬲都係有返工時間,無放工時間架啦~」飛揚BB好自然咁講出口~

『咁我都係打工仔丫~』我又指一指住自己~

我同你咪又係一樣~

「你...」飛揚BB有口難言咁既樣~

『你唔好唔記得,係我同Gay生傾好架~有好多野都應該由我跟~你先係我副手~』我對飛揚BB莞爾一笑~

你都係乖乖地聽聽話話啦~我既飛揚BB~~~

就喺我諗到衰衰咁既時候...

『呀...』又痛!

我撳住左個肚,趴一趴落張檯...

「又痛?』飛揚BB立即行到我身邊...

唔止痛…仲好似…好似…

『就漏就漏...』我手震震咁拎起個手袋仔...

「使唔使我扶去你丫?」飛揚BB扶一扶起我...

『我OK丫...放心...』我就擰一擰頭…八字腳咁行出公司...

我急急腳咁又腳軟軟咁行去洗手間...

但我已經感覺得到..感覺得到已經漏左少少...漏左少少...

當我入到洗手間...入到廁格入面...望一望條白色短裙仔...

『紅左一達添...』我望住個股屁位...

真係漏左少少出黎添...

唉...都係快D換M巾先...

我快快手手咁換好塊M巾...再喺塊鏡前睇一睇...

『真係好覺眼喎...』我望住達紅色...

咁顯眼...俾人睇到...真係尷尬死喇…

唔...點好呢...點算好呢...

就喺我諗緊係唔係跑住入返公司...搏無人喺出面之時...

「Emma?你無事嘛?」洗手間出面傳黎飛揚BB把聲...

我行一行去道門...打開少少...尷尷尬尬咁:『我漏左少少出黎...而家條裙...』

「咁喇,我而家掩護返入公司先,再去幫你買條裙返黎俾你換。」

我就怕怕羞羞咁點點頭...由廁所行出黎...行到飛揚BB前面...

飛揚BB一直貼住喺我身後...

好彩有飛揚BB護送姐~唔係既話俾其他人見到就真係尷尬死...(尤其係隔離賣清潔用品嗰間公司既肥龍同骨精強...)

入到公司後,飛揚BB就問一問:「咁你等等我喇喎...係喇...你鍾意咩款式既裙?」

『你幫我揀~只要係你揀,我都會鍾意...』我對住飛揚BB點點頭...

只要係飛揚BB揀既...我都一定會鍾意...

「OK...咁你等等我...我好快返。」飛揚BB就急急腳咁行左出公司門~

飛揚BB出左去之後,我就望一望檯頭...望一望隻杯...望一望斟滿左...暖水...仲有插住左支飲管既米奇杯...

一定係頭先飛揚BB幫我斟定架喇~

飛揚BB真對我好好呢~

可以俾飛揚BB照顧...真係好幸福~

我就咬住支飲管慢慢飲下飲下~又等下等下~等下飛揚BB返黎~

唔知飛揚BB會買咩款式同顏色俾我呢~

唔知飛揚BB鍾意我著咩款式同顏色呢~

我諗下諗下~等下等下~

過左唔使幾耐...大約都係半個鐘咁上下...

「Emma~你試試睇下O唔OK~」飛揚BB一入到Office,我就企定定咁等佢行過黎~

『嗯~唔該晒你~呢條...』我喺個膠袋入面拎起左條...白色Lace底褲...

「ER…咁...你漏左嘛…咁咪買埋囉...」飛揚BB尷尷尬尬咁摸摸頭~

『咁你又會買白色Lace既?』我又拎住條底褲搖兩搖~

「我見你今日著嘛…」飛揚BB講到一半就停左落黎~

見我今日著?

原來...飛揚BB有望過我裙底...

唔...咁都唔出奇既~我條裙都真係有D短~

喺飛揚BB面前,我又好放心咁無遮無掩~

不過係估唔到...

『嘻嘻~你真係好體貼~』我甜絲絲咁對住飛揚BB笑~

估唔到飛揚BB會記住我著既係白色...仲要係有Lace...

『但...我可以喺邊道換...』我左望望...右望望...

「會客室個細路電視壞左一直都無去整~你可以入去換~」飛揚BB推一推開會客室道磨沙玻璃門~

『嗯...』我點點頭~行入會客室~

「雖然話磨沙玻璃睇唔到入去,但我都企喺道門出面幫你擋一擋...」飛揚BB望一望我...

『有勞...』我就面紅紅咁點點頭...

飛揚BB咁體貼...搞到我個心都軟埋...

飛揚BB幫我閂好門...

雖然話已經閂好門...但道門係無鎖架喎...

喺道無鎖既門後面換衫...

再加上係磨沙玻璃門...

就算唔係打開道門...隔住塊磨沙玻璃門...都會睇到...

不過...如果係飛揚BB既話...我唔介意...

我仲會有D想...想俾飛揚BB睇我...睇我換衫...

我除一除身上既白色連身短裙...偷偷望一望塊磨沙玻璃門...

我望到飛揚BB既身影...係背面...但個頭就...就好似擰左過黎...

果然...飛揚BB...偷望我換衫...

我...我吸引到飛揚BB既注意...

咁樣係好事?定係壞事?

我就覺得係好事~

始終...俾深愛既人望住自己換衫...總有一種...莫明其妙既安全感...

件連身短裙一直向下滑...沿住我既肌膚一直向下滑...

短裙已經除到落腳尖...

我輕輕提起隻腳,勾一勾條連身短裙...

我再偷偷望一望飛揚BB既身影...望下佢會有乜舉動...

我望到飛揚BB隻手...好似...好似放左喺下面...

好似郁左幾下...又郁左幾下...

唔通...飛揚BB望住我黎...望住我黎Chok?

我未親眼見過男仔既嗰道...更未親眼見過男仔Chok...

究竟會係點架呢?會唔會就好似而家飛揚BB既背影咁...隻手郁下郁下咁...郁下郁下咁...

但郁左幾下...我就見到飛揚BB個頭又擰一擰返轉...隻手都無再有D乜郁動...

嗯?

飛揚BB無繼續望我?無再繼續Chok?

係因為...尷尬?怕羞?定係...已經射左?!

唔...我都唔知...我都唔知男仔係唔係咁容易射...

亦都唔知射會係點樣...

以前無咁既興趣去研究...

又無咁既需要去研究...

身邊又無乜男仔俾我去研究...

最多都係得岳飛…

而同岳飛提起呢D野,佢總係尷尷尬尬咁避開既...

所以...我真係唔清楚呢...

唉~算啦~我都係繼續換衫先啦~

我換好左條黑色吊帶連身長裙...同埋條白色Lace底褲...

“咔”打一打開門...

飛揚BB轉一轉身...

『我靚唔靚丫~』我就行後幾步~轉一轉身~

條黑色吊帶連身長裙輕輕飄起~

「好靚...好靚...」飛揚BB眼甘甘咁望住我~

好似完完全全俾我吸引住咁~

『多謝你丫~我都好鍾意呢條裙~呢條裙真係好靚~』我就再轉多兩圈~喺飛揚BB面前展露我既美麗~

「唔多謝...係你著得靚姐...」飛揚BB仲係眼甘甘咁望住我~

好似唔止係眼中...就連心中都只有我~

我一步一步咁行...望住飛揚BB咁行埋佢面前...

我雙手翹過飛揚BB條頸...攬住佢...

『呀...』又痛...

「好痛?」飛揚BB輕輕攬住我條腰…摸一摸我把秀髮...

『嗯...』我點一點頭...攬實飛揚BB...

攬到成個人都貼實晒飛揚BB...

好痛...好痛...

『呀...』痛到我又忍唔住嗌出黎...

飛揚BB再用力攬一攬我...

好痛...真係好痛...

人地話處女黎M係特別痛...

唔知係唔係真架呢?

如果係真既話,我真係好想而家就俾飛揚BB...

『呀...嗯...』我痛到忍唔住要喺飛揚BB條頸道輕輕咬左一下...

輕輕力咬...輕輕力咬...

飛揚BB...係飛揚BB既氣味...

由飛揚BB條頸傳過黎...好親切...好親近...

仲好有安全感既體溫...

痛既感覺開始減退...換來既係...

好想…好想...

我咬住飛揚BB既小嘴慢慢離開佢條頸...

緊貼既身體亦都慢慢分開...

我雙眼半開半合咁...望住飛揚BB...

我個半開半合既櫻桃小嘴…好想...好想可以...可以同飛揚BB...接...接...

“And you don't seem to understand

A shame you seemed an honest man...”

電話響!

係飛揚BB既電話響?

飛揚BB喺褲袋裏面拎部電話出黎...

望一望個Mon...

「喂老闆?」飛揚BB接一接聽電話...

係姑丈打黎?

點解要喺呢D時候先打黎搵飛揚BB丫...

「咁幾點?邊道等?咩人黎架?」飛揚BB問一問...

佢地傾緊D咩呢?

等到飛揚BB收左線後...

『肥豬搵你...呀!我咬到你有牙印...對唔住對唔住...』我望一望飛揚BB條頸先知原來我頭先咬得有D肉緊...有D大力...咬到飛揚BB條頸有牙印...

我立即緊緊張張咁用隻手幫飛揚BB抹頸上既牙印...

「唔緊要...OK架~係囉~肥豬話要我今晚去同個客傾野喎~」飛揚BB捉一捉住我隻手~

『去邊道傾?』我就眼定定望住飛揚BB~

「蘭桂坊喎~詳情等等先Whatsapp我...Send黎喇~」飛揚BB望一望手中部電話...

我又偷偷望一望飛揚BB部電話...

我見到...22:00...Kee Club…6072…呢D都唔係重點...

重點係...羅海...

「唔係呀嘛…」飛揚BB眼定定咁望住個Mon...「阿...月?!」

係羅海月...飛揚BB既青鳥羅海月...

係巧合?係偶然?

世上無咁多巧合...亦唔會有咁多偶然...

有既就只有必然既偶然...

係羅海月刻意安排...

羅海月開始行動...但佢會點做呢?佢想點呢?

佢無話過俾我聽...

只見飛揚BB發晒呆咁望住部電話...

好耐好耐...飛揚BB呆左好耐好耐...

『飛揚~你無事丫嘛?』我開口問一問...

「我...無事...」飛揚BB收返埋部電話...

『你真係無野?』我貼一貼塊面埋去飛揚BB...

「無事!真係無事!」飛揚BB後退多兩步...

『嗯...』我打量一下飛揚BB...

你既樣...一D都唔似無事...

「我真係無事。」飛揚BB行返埋位...坐定定...

我亦都行返埋自己個位道...

睇黎…羅海月真係影響得飛揚BB好深...

「Emma,你無咁痛喇嘛?」飛揚BB關心下我...

『有你既照顧,我無咁痛喇~多謝你~』我都向飛揚BB點點頭~

「唔使客氣...」飛揚BB好似仲好耿耿於懷咁...

『係呢飛揚,等等我同埋你一齊去見客啦~』我隨便咁講一講...

「唔好!」但飛揚BB就好大反應咁!

果然呢...飛揚BB果然好著緊...

「咁夜要你陪我唔係咁好...我一個人去OK架喇...我搞得掂...」飛揚BB諗下諗下...

『之但係...』我好唔放心...好唔放心你一個去面對嗰個羅海月...

「放心啦~我想聽日可以見到精精神神既Emma~」飛揚BB好似氹細路女既口吻~

『嗯~咁好啦~』既然你都咁講~我就只好帶住微笑點點頭啦~

時間一分一秒咁過,Office裏面都比較寧靜...

我都好攰...黎M真係好攰...

而飛揚BB不時都會關心一下我~

「Emma,我再幫你斟D暖水。」飛揚BB拎起我隻杯~行去水機~

『唔該~』每次我都會好有禮貌咁講唔該~

每次飲飛揚BB幫我斟杯水,都好似飲緊蜜糖水咁咁甜~

仲要係甜到入心~

『飛揚~你對我真係好好~好多謝你~』我望住飛揚BB笑一笑~

真係好幸福~

只要有飛揚BB照顧...已經係我最大既福氣~

『飛揚~你真係唔使我同你去?』臨走之前...我都行去飛揚BB面前...問一問...

始終...我都係有D擔心...

「唔使喇~我OK架~你仲有無見唔舒服?使唔使我送你返去?」飛揚BB再關一關心我~

『有你既照顧...我好好多喇~唔使擔心我~』我懷著笑意點點頭~

「哦...唔使客氣...」飛揚BB好似怕怕羞羞咁~

『難得做晒D野...都唔可以同你一齊放工...有D可惜...』雖然話可能會有D貪心...之但係...我都好想可以同到飛揚BB一齊放工...

「唔緊要啦~總有機會既~」飛揚BB氹一氹我~

『嗯~總有機會~咁我走先喇~聽日見~』我就向飛揚BB揮揮手~

「嗯~聽日見~」飛揚BB都向我揮揮手~

總有機會...一定會有機會...

之但係...唔知羅海月今晚...今晚會點做呢?

羅海月約得飛揚BB出黎...一定唔係咁簡單...

唔簡單...一D都唔簡單...

我始終都係比較擔心...擔心羅海月黎呢個人...

呢個...深不可測既女人...