今日我著左黑色V領連身短裙~配上一對黑色平底涼鞋~腳甲搽上粉紅色腳甲油~企喺公司樓下等飛揚BB返黎~

點解今日會著到咁黑?

因為飛揚BB鍾意囉~

我發現飛揚BB都真係幾鍾意黑色~

或者係因為...因為同羅海月有關...





上次上羅海月屋企...除左知道佢好鍾意岳飛D相之外...都察覺到佢好鍾意黑色配襯...

而睇返私家偵探影返黎既相...羅海月都好鍾意著黑色衫...

黑色...

我咁樣著...會唔會係跟隨住羅海月?

唔...就算係...我又唔介意...





因為我一定會比嗰個羅海月著得好睇!

飛揚BB一定會鍾意我多D既~

我諗下諗~諗下要多D喺飛揚BB面前展露我既美~

一路等下等~等飛揚BB返黎~

等多一陣,我就見到我最愛既飛揚BB喺對面馬路行緊過黎~





『飛揚~』我已經急不可耐咁企喺路邊向飛揚BB揮揮手~

「早晨丫Emma~又俾你早過我添~」飛揚BB摸住頭咁走過黎~有D唔係咁好意思咁~

『我都係岩岩到咋嘛~你好似有D攰喎...尋晚見客見得好夜?』我打量左飛揚BB幾眼~

飛揚BB好似...好似有D攰攰地咁...

仲有D好似...好似有D崩崩地...

「唔係~只係個客有D麻煩...」飛揚BB雙眼放空咁...

『係?咩客黎架?』我再追問一下...睇下飛揚BB會有乜反應...

「我地都係返到上去先講啦~」飛揚BB轉身就行入大廈...





我就跟住飛揚BB行入大廈...

飛揚BB一直都好似心不在焉咁...

究竟嗰個羅海月尋晚對飛揚BB做過D乜呢?

又係唔係搞到好夜呢?

搞?有乜好搞?

會唔會係...

唔會既唔會既!無啦啦又點會搞起上黎喎!





諗多左喇...諗多左喇...

之但係...睇飛揚BB個面有難色樣...

『飛揚?你無事嘛?你面色好難睇咁,係唔係唔舒服?使唔使陪你去睇醫生?』我再關心一下飛揚BB...

「無無…我無事~」飛揚BB都係唔想講唔想講咁...

唔...你咁樣...我會好擔心架喎...

入到升降機,成架𨋢就係得我同飛揚BB兩個~

今日係星期六…所以無乜人返工?

咁都唔錯~唔使同其他人迫~就只屬於我同飛揚BB既空間~





當架𨋢升到上差唔多我地嗰層...

“轟隆...”成架𨋢黑晒...

嗯?係...困𨋢?

喺漆黑之中,我聽到飛揚BB把聲:「困𨋢呀,有無人呀?」

好快,對講機就出現一把阿叔聲音:「你地有幾多人喺裏面丫?」

「我地有兩個人,一男一女,無細路無大肚婆。」

「好。你地等一等,好快有人黎救你地架喇。」





「Emma,你OK嘛?」黑漆漆既環境下,我聽到飛揚BB把聲~

『我OK丫~我唔怕黑~』我就靠一靠近左飛揚BB~捉一捉住佢隻手~

「不過我怕呢~我地都係坐低先啦~有排等~」飛揚BB慢慢扶住我隻手坐落地~

『乜你咁無膽架~咁大個男人都怕黑~唔怕唔怕~而家有姐姐喺飛揚身邊~』我就扮晒大姐姐咁~再挨一挨向飛揚BB身~

「你唔會明黑暗有幾咁可怕...」飛揚BB扮晒恐怖咁~

『有幾可怕丫?想講鬼故嚇我?我唔驚呢D野架喎~』喺日本既時候我就成日捉岳飛上屋企熄晒D燈講鬼故嚇佢架喇~

岳飛好似乜都唔怕咁~但其實最怕就係聽鬼故~

「你知道嘛,當黑暗來臨之時,眼前只有漆黑一片...乜都見唔到...」飛揚BB又扮晒認真咁~

飛揚BB咁樣講一講...

『唔...你有無睇過加旋?就算走進黑暗既隧道裏,總會走到光明既出口~』我就諗起呢一句對白...

「我當然有睇過~雪莉·貝爾蒙特係我最鍾意既角色。因為佢既出生同佢既經歷都好感人。而你頭先所講嗰句對白就係我最鍾意嗰集。可惜...你知唔知人喺黑暗中太耐,再次遇上光芒既時候係會點?」飛揚BB捉一捉實我隻手~

『會點?』我又好認真咁問一問~

「因為習慣黑暗太耐,唔能夠及時適應突如其來既光芒,係會盲...自此,永永遠遠都只會喺黑暗之中...」飛揚BB又好認真咁答...

因為習慣黑暗太耐...

唔能夠及時適應突如其來既光芒...係會盲...

自此...永永遠遠都只會喺黑暗之中...

點解...飛揚BB可以咁容易講得出...呢個我無諗過既答案?

點解...飛揚BB好似咁了解...咁清楚...黑暗...

點解...點解...

我諗左好耐...諗到時間都好似停頓左咁...

諗左好耐...諗左好一陣...我都係忍唔住講左一句:『你真係好特別...』

我貼一貼近飛揚...貼得更緊...更實...

好特別..就只有好特別...先可以形容到飛揚BB...

『究竟要遇到D咩事,先會製造到你呢種心境?』我再貼得飛揚BB好實...塊面喺佢膊頭搓下搓下...

「咩心境?」飛揚BB輕聲咁問一問...

『一種絕望既心境...』我細細聲咁講...

絕望既心境...只有黑暗既心境...

係飛揚BB俾我既感覺...

同飛揚BB相處既呢段時間...我都總會感覺得到...

或多或少都會感覺得到...

一種絕望既感覺...對所有野都絕望既感覺...

好真實...並不存在半點FF...

點解會咁?究竟飛揚BB經歷過D乜?

係關於...羅海月?

唔重要...

『我唔理你曾經經歷過D乜,而家...有我喺你身邊...驅散陰霾...』喺黑暗中,我塊面越黎越貼近飛揚BB...

我雙手搭到上飛揚BB兩膊...

我個嘴感受飛揚BB既呼吸...

一呼一吸...一呼一吸...

我仲聞到飛揚BB既味道...

越黎越近...越黎越接近...

直到...

“咔...依...”一道強光射過黎...

「喂~你地有無受傷丫?」幾個消防員同醫護人員跪喺𨋢門望落黎...

當我地出返𨋢之後...

「使唔使送你地去醫院?」醫護人員問到~

『我無事~你呢?有無盲到丫?』我向飛揚BB打左個眼色~

雖然...頭先...喺𨋢門打開之前...我差D就錫左落飛揚BB個嘴道...

係真實...並唔係FF~

差D...

只係差一點點...

一點點距離...

五毫米距離都唔夠...

我就同飛揚BB...接吻...

我地兩個都無唔舒服~所以都係決定返公司~

返到入公司,我都扮晒好似無乜野咁~

始終而家都係日光日白咁~唔似得黑麻麻可以咁大膽~

所以話人總係會喺漆黑之中先夠膽做衰野~

我坐喺個位道偷偷望一望飛揚BB~

飛揚BB坐左喺道望住部電腦呆下呆下咁~

呆左一陣又拎個電話出黎...打一打電話...

打左幾次之後,又撳下撳下...好似Send緊Message咁...

望下望下…又撳下撳下咁...

撳多兩下...又望多兩眼...

望到塊面都青青地...

『飛揚~飛揚?你無事嘛?面色咁難睇既?仲未驚完丫?』我就關心一下飛揚BB~

「無無…」飛揚BB仲係驚魂未定咁~

『使唔使我過黎安撫下你丫~』我向飛揚BB打左個眼色~

「唔使唔使...」飛揚BB諗一諗,「係呢...Emma...我想問問你一D野...」

『嗯?好丫~隨便問丫~』我就坐定定~托住個頭望住飛揚BB~

「是咁的...我朋友既朋友有一晚見到佢個女朋友好似...係好似丫下...好似攬住第二個男仔Kiss...」我未等到飛揚BB講完~

『你朋友的朋友即是你~』我就帶住個Sosad既樣指住飛揚BB黎笑~

係喎…點解飛揚BB突然咁問既?

唔通...

「絲打?相認下先啦~」飛揚BB攤開雙手~想同我黎個抱抱咁~

『咁你ID係乜丫?』我就咬一咬唇~問一問~

「飛揚!」飛揚BB就好有霸氣咁講出自己個ID名~

『哈哈哈~邊有人用真名上高登架?哈哈哈...』聽完之後我都忍唔住要恥笑飛揚BB~

「所以話你細路女唔識野~就係用真名上高登先無人會信係真名丫嘛~」飛揚BB扮晒醒咁~

『哈哈哈~你真係好特別~哈哈...』唔得...唔得...實在太好笑~笑到停唔到~

「咁你呢?唔會係叫Amme掛?」飛揚BB好無奈咁望住我黎問~

『我CD-ROM黎架咋~』唔通我真係叫Amme又講你聽咩?

「車~你呃我爆自己ID!」飛揚BB好似有小小嬲嬲豬咁...

『我無丫我無丫~對唔住...』我揮揮手...扁扁地嘴咁講...

「咁又唔使對唔住...」飛揚BB又好似好唔捨得咁既樣~

『你有高登AC點解唔上去問下D巴絲呢?』高登最興就係集思廣益~

「認真Post無人回架...好快就沉到唔知去左邊~」飛揚BB有D無奈咁~

『都係既…咁你真係見到你女朋友攬住第二個男仔?』唔通真係已經...俾飛揚BB見到?

「唔...我都唔肯定...因為嗰陣時我飲左D酒...」飛揚BB面上有D困惑咁...

『咁你見到既時候有乜感覺?唔可以隱瞞!』我就繼續好認真咁問...

「唔...我有D唔係好相信自己對眼囉...」飛揚BB越黎越困惑...

『唔...竟然唔係嬲先...』見到呢種情景...竟然唔係嬲...

「下?」飛揚BB一頭問號咁...

『咁你而家有無一種仇恨心?』我又好認真咁望住飛揚BB...

「我都唔肯定係唔係...點會有仇恨心?」

『咁你係唔係好信你女朋友?』

「呢層...」飛揚BB諗左一諗...

『你又唔係好信你女朋友,遇到呢D事又無一種仇恨心...睇黎你都唔係好愛你女朋友。』我打量左飛揚BB幾眼...

唔止係Ashlynn對飛揚BB衰...就連飛揚BB...都唔係好愛Ashlynn...

「點會呢?我好愛我女朋友架!」飛揚BB仲係自己呃自己咁...

『之前就話你有藉口姐,而家呢?你女朋友出軌喎...』我用上一對困惑既眼神...

你唔肯定...但我可以好肯定...

「我唔明你想講乜...」飛揚BB仲係想逃避...

『你咁聰明,一定明白我想講乜既~只係你唔肯承認姐~』我望住自己部Mac機~

唔肯承認...

『點解要成日收埋自己呢?』成日都收收埋埋咁...

收喺內心最深處...

『點解唔肯去面對自己呢?』我繼續以低沈既聲線講...

收埋左就逃避...

『點解唔肯去正視...自己既感情呢?』明明係愛就係愛...係唔愛就唔愛...

點解唔愛又話係愛...明明係愛卻話唔愛呢?

乜面對自己既感情真係咁難咩?

或者...真係咁難...

或者總係有太多顧慮...

或者會破壞人地幸福...

或者又怕俾唔到幸福人地...

或者又怕人地根本就唔愛你...

或者就係因為有咁多顧慮...我先會咁做...

我先會搵人去誘惑Ashlynn...試探你地之間既感情...

而事實已經擺在眼前...你地之間既感情完全經唔起風浪...

難道...你仲未肯去接受?

我望一望飛揚BB...

飛揚BB又呆晒咁...又Hang晒機咁...

『飛揚...』我呼一呼喚飛揚BB...

「我諗我真係唔知咩叫愛...」飛揚BB眼定定咁望住我...

我亦都眼定定望住飛揚...

整個空間又好似停頓左咁...

你唔知咩叫愛...你真係唔知...

明明有一個好愛你既人就喺你面前...你都唔知...你都見唔到咁...

你就總係要盲目咁為一個唔愛你你又唔愛佢既人好...

總係要盲目咁追頭也不回既青鳥...

你真係唔知咩叫愛...你真係唔知咩叫愛...

當我越諗越心痛之時...

『呀...』我撳住個小腹...

心痛到M痛...

「又痛?」飛揚BB立刻飛身到我面前...

『嗯嗯...』我點點頭...

「我幫你酙D暖水先...」飛揚BB拎起我隻杯,行去水機...

好彩...

雖然你唔知乜野係愛...

但好彩既係起碼你都仲識得照顧我~

喺等飛揚BB幫我斟水期間,我好想挨下...瞓下...

我撳住個小腹...飄下飄下咁行入去會客室...瞓喺張梳化上...

我打側個身瞓喺道...摸下摸下個小腹...

好痛...好痛...

喺張梳化上痛左一陣...

「起身飲一飲暖水先~」飛揚BB行左入黎...跪喺地下...扶一扶起我...

我點點頭...側側地起身...條短裙就扯到上岩岩好包住個屁股...

對大腿都露晒出黎...

我望到飛揚BB偷偷望一望我對大腿...我對已經除左鞋...放左喺梳化上面既腳仔...

飛揚BB總係好鍾意偷望人地對腳...

飛揚BB偷望完之後,扶一扶住我個膊頭...

「慢慢飲...」飛揚BB扶住我,餵我飲水...

我就一啖仔一啖仔咁飲...

雖然仲好痛...但有飛揚BB餵...總係覺得好甜~

「你身體真係好差喎...我細妹咁細都無你痛得咁嚴重...」飛揚BB望到我實一實~

『都係怪我太任性...成日飲凍野...』我伸一伸脷~

就係成日都忍唔到口~

「咁又唔可以話太任性既...女仔黎講你已經好好~」飛揚BB氹一氹我~

咁我都有好好聽你話...唔再咁任性架嘛…

『呀...』我用一用力捉一捉住飛揚BB...

又痛...又痛...

「你唔想黎M再痛到咁既樣就真係要聽話D~以後食飯我都唔會俾你飲凍野架喇~知唔知道?」飛揚BB摸一摸我鼻尖...

『嗯嗯...』我甜絲絲咁點點頭...

我最聽你話架~

「好喇,咁你休息下先喇...」當飛揚BB想起身離開之時...

我立即捉一捉實飛揚BB!

我拍一拍身邊既梳化...向飛揚BB示意坐喺我身邊...

當飛揚BB坐到我身邊之時,我就瞓喺飛揚BB大髀上~

我攣弓蝦米咁瞓喺飛揚大髀上~

成日望我大髀~俾我瞓下大髀都得掛~

我條短裙已經扯到上屁股...

我捉住左飛揚BB隻左手...放到我小腹上...

飛揚BB好似定晒格咁~我就引領飛揚BB喺我小腹上面打圈...

搓下搓下...搓下搓下...

我望住面前個玻璃櫃...反射出飛揚BB個樣...

我望到飛揚BB對眼碌下碌下...望下望下...望下其他野...又望下我...

望下我個V領...

以呢個角度...應該望到個...白色既Lace Bra…我今日著既白色Lace Bra…

分分鐘仲...仲應該見到D肉...見到我對豐乳...

因為我瞓左喺道...感覺得到...個Bra好似移移地位...

應該都走左好多肉出黎...

飛揚BB隻手好似向住我對乳房方向進發咁...

伸下伸下...伸下伸下咁...

伸到差唔多…差唔多到...飛揚BB又將隻手急速放喺我頭髮上面...掃下掃下...

飛揚BB一隻手摸住我D秀髮...另一隻手就俾我撳住喺我小腹道搓...

好舒服~俾飛揚BB愛錫住咁撫摸...真係好舒服~

「好D嘛?」飛揚BB輕輕掃一掃我額前D頭髮~

『嗯...好好多...不過...俾我再瞓多一陣可以嘛?』我將個頭輕輕壓一壓落飛揚BB大髀道~

「嗯...」飛揚BB點一點頭~

可以再瞓耐D~感受多D飛揚BB既溫暖~我就滿足喇~

飛揚BB既視線經常好不自覺咁望落我對腳...

慢慢又掃視到小腿...大髀...白色底褲...

飛揚BB真係好鍾意望我對腳~

成日都係偷偷咁望~

望到人地個心都亂埋...

人地黎緊M架嘛…會怕羞架嘛…

飛揚BB就繼續望我對腳...

望下我既腳尖...又望下我小腿...又望下我大髀...望下我條底褲...又望返我對大髀...

來來回回...來來回回咁...

望下望下...又望下其他野...

望下間房…

望一望前面...望一望前面個玻璃櫃...

望住塊玻璃...裏面既我...

塊玻璃裏面既我...眼定定咁望住飛揚BB...

「Emma…對唔住...」飛揚BB道一道歉~

我擰一擰頭:『因為我有吸引力...你先會望...我應該多謝你...』

呢個飛揚BB真係~偷望人偷望到講對唔住~

乜男仔真係會覺得自己𥄫女仔係一種衰衰既行為黎架咩?

可能...只可以話...飛揚BB真係太君子啦~

飛揚BB都無再四圍望~

只係一直望住玻璃裏面既我...

我同飛揚BB對望左好一陣...

我轉一轉身...打平個人望上飛揚BB...

我一直望住飛揚BB...飛揚BB又一直望住我...

我曲一曲起對腳...條短裙滑一滑落黎...成條短裙已經滑到落去小腹道...

飛揚BB望左一望我對腳...

望住我對雪白既大髀...緊緊夾實...

望住我對大髀既盡頭...係若隱若現既白色底褲...

我仲感覺到...好似感覺到飛揚BB條褲...凸一凸...

飛揚BB再將視線放到我面上...

我望住...近在咫尺既飛揚BB...總係好想...好想錫落...錫落去...真真正正咁錫落去...

飛揚BB慢慢貼近...越黎越近...

近到就黎...就黎...就只差...只差...

飛揚BB停左落黎...掃一掃我把秀髮:「仲有無咁痛?」

我笑瞇瞇咁擰一擰頭…

飛揚BB就坐返直個人...

或者...仲未係時候...

或者...仲要等...

等到飛揚BB確定Ashlynn背叛佢...佢先唔會覺得自己係背叛Ashlynn...

我要等...我唔可以...太任性...

咁任性少少...就可以?