《情困之時，我遇上了自稱情性的情聖》: [Case 14－我的米奇] PART 17
我喺我間睡房除一除條黑色V領連身短裙～
身上就只係得個白色Bra同條白色底褲～
我就慢慢行去衣櫃～只係著住Bra同底褲慢慢咁行去衣櫃～搵一搵衫～
喺衣櫃裏面拎起一件白色Oversize Tee同黑色短褲仔～慢慢咁著上～
再紮返條高馬尾～喺塊全身鏡前照兩照～
都話左飛揚BB唔會敢上黎偷睇我換衫架啦～
真係唔知話佢份人老實好，定係笨實好喇～
算～都係時候落返去～
“踏...踏...踏...踏...踏...”我由玻璃樓梯行返落去～
飛揚BB就企左喺落地大玻璃窗前回身一望～眼甘甘咁望住我～望住我無著鞋赤住腳咁行過去飛揚BB身邊～
『做咩眼甘甘咁望住我～』我帶住微笑望住飛揚BB～
「無…無見過你呢個Look丫嘛…」飛揚BB完完全全俾我好吸引住咁～
『好怪丫？』我轉左轉身～件白色Oversize Tee飄一飄起～
「唔係唔係～好清新既感覺...」飛揚BB著晒迷咁～
『喺屋企丫嘛～梗係要自然D啦～你都放鬆D啦～』我一邊講，一邊幫飛揚BB除件西裝褸～
除完件西裝褸之後再除埋條領帶～解開埋粒頸鈕～
『當自己屋企得架喇～』我轉一轉身，將飛揚BB D衣物放喺白色梳化上～
自己屋企～屬於你同我既屋企～
『呀～差D唔記得～要落去藏酒室開定支紅酒抖氣～』我行落樓梯～行落藏酒室～
「飲酒？」飛揚BB由上面嗌落黎～
『當然啦～』我由地下室叫返上去～
識得撐檯腳就梗係飲住酒黎撐先夠浪漫架嘛～
我就去拎兩隻Zwiesel 1872既ENOTECA系列酒杯同醒酒器出黎清洗一下～
抹到乾乾淨淨無晒水氣之後再喺個酒櫃拎支82年Lafite出黎開一開～倒一倒落醒酒器裏面～
『搞掂～』搞掂晒之後，我就由地下藏酒室彈下彈下彈返上黎，向住開放式廚房行過去～
我開著個水龍頭～準備洗野～
「我有乜可以幫到你？」飛揚BB都摺起衫袖～行到我身邊～
『嗯...咁你幫我洗下D配菜先啦～』我轉身指一指大理石檯上既配菜～
「OK～」
同飛揚BB一齊係個廚房道玩煮飯仔～
『喺嗰道喺嗰道～』
「哦哦...」
『雪櫃有雪櫃有～』
「哦哦...」
『上面上面～』
「哦哦...」
『下面下面～』
「哦哦...」
『哈哈～你成面都係啦～』
「哈～你都係啦～花面貓～」
『嘩嘩～D水～D水～我濕晒啦～』
「哈哈～小心D～小心D～喂～喂～喂～咁奸既你～」
『嘻嘻嘻～要濕一齊濕～』
「係唔係想再濕D？」
『唔好～唔好～嘩～好衰架你～飛揚～哈哈～』
「哈哈～」
『印落你道～印落你道～哈哈～唔准避～』
「喂喂～我投降～我投降～我投降啦～」
同飛揚BB喺個廚房入面玩下搞下～
好親密～好窩心～
從來都未有過呢種感覺～
從來都未喺其他人身上感受過～
感覺真係好溫馨～十足十兩公婆一齊煮飯咁溫馨～
「係呢～你平日都係一個人煮飯食架？」飛揚BB幫我穿起圍裙～
『嗯～可以再緊D...可以再緊D...』我就背住飛揚BB郁下郁下個身～
「哦哦…」飛揚BB就幫我再箍緊D～箍緊D～
箍到對豐乳都挺起晒～
『以前大學生活都係咁～自己煮，自己食～有時同D朋友一齊煮～幾開心架～』我就開始落手煎牛扒～
有幾個女仔Friends啦～當然就唔少得岳飛啦～
而咁多個之中，竟然係岳飛揚廚藝最了得囉～
「仲有朋友一齊煮添？咁咪好熱鬧囉？」飛揚BB好似好羨慕咁～
『都真係幾熱鬧架～我地個個星期都好似開Party咁～不過返到黎香港之後就無試過LUU～』我就好專心咁煎牛扒～
「點解返到黎香港之後就無既？」飛揚BB都好專心咁企喺我身後望住我煎牛扒～
『因為我喺香港無乜朋友～』我反一反塊牛扒～
「下？你會無朋友？」飛揚BB好似唔係好信咁～
『喺日本D朋友就繼續喺日本生活，日本發展。有D就情願去澳洲～去芬蘭～就算係生於香港既都話唔想返黎香港...』我擰擰頭～
就只有岳飛同我一齊返左黎香港～
不過岳飛呢個人真係勁飄忽～成日都周圍去～
一陣又話要去下冰島～一陣又話要去下福島～
想搵佢出黎聚一聚都鬼咁難～
唔得唔得！真係要搵日捉佢出黎先得！
「咁你呢？點解唔留返喺日本...或者其他地方？」飛揚BB又關心下我～
『唔～』我擰擰頭～『我隻米奇喺香港～所以我要返黎搵佢～』
唔係因為你，我真係唔願返黎丫～
「咁仲唔快D捉返佢返黎？」飛揚BB以帶恥笑既笑聲笑我囉～
『你無聽過咩？要捉住男人個心，先要捉住男人個胃～』我就望住塊牛扒點點頭～
我終於能夠進入你的身體～我犧牲也要跟你融為一體～我那麼愛你要和你的胃同歸於盡～
「咁你而家都成個大廚咁既樣啦～仲等咩丫～」飛揚BB喺我身後用力索一索～
『咁就要等你試完再話我知啦～』我向飛揚BB打個眼色～
希望真係岩你既口味～
我指除左我煮既牛扒之外...仲有我～
我將牛扒同配菜都上晒碟，擺好位之後：『搞掂～飛揚～幫我落去藏酒室拎支紅酒同兩個酒杯上黎丫唔該～』
「OK～」飛揚BB送個OK手勢俾我之後就行落去～
『放左喺檯上面架～』我就再提一提飛揚BB～
等到飛揚BB落左去之後，我就去拎兩個威士忌杯出黎～
再拎埋兩舊白色蠟燭仔～
當然唔少得既就係火機～
我熄一熄燈～
小心翼翼咁點著以威士忌杯做蠟燭台既白色蠟燭～
點好兩杯蠟燭之後，我再好細心咁放置喺餐桌上～
嗯～搞掂晒～夠晒浪漫～
「會唔會太過有情調丫？」飛揚BB都拎左酒杯同紅酒上黎～放一放好喺檯上～
『咁先夠完美架嘛～唔係既話就會浪費左我地既一番心血～』我拍一拍手對住飛揚BB笑一笑～
話晒都係第一次同飛揚BB煮飯仔～
對女仔黎講，第一次係好重要架嘛～
「嗯～咁我地真係要好好享受～」飛揚BB斟好兩杯紅酒～
『Cheers～』敲一敲杯，我地開始共進晚餐～
五成熟既牛排，唔知岩唔岩飛揚BB胃口呢～
睇到飛揚BB食得咁滋味，我諗都OK既～
再加上82年Lafite就更加有味道～
之不過呢D都唔係重點～重點始終都係喺飛揚BB身上～
可以同到深愛既人一齊煮野食～一齊享用我地既心血結晶～真係幸福到由個心裏面笑出黎～
食野期間，我地都好少對話～多數都係眼神交流多～
但就係眼神交流先夠浪漫～
由柔和既蠟燭光之間，我總係會帶住一絲一絲甜絲絲既笑意...望住我深愛既飛揚BB～
你看著我～我看著你～總係想用眼神傳達心意～
總係想用眼神話俾飛揚BB知...我心裏係有幾咁愛佢～
唔知飛揚BB Get唔Get到呢？
我就真係唔知～
但我由飛揚BB眼中...就總係好似察覺到...察覺到佢對我有D野～
我又唔會好肯定咁話飛揚BB已經愛上我咁唔知羞既～
之不過...就算唔係真係愛上...都總會有少少好感啦～
你又唔好睇少呢少少好感喎～好多時曖昧就係由呢少少好感開始～
曖昧…唔係應該係由楊丞琳開始架咩？
是但啦～
總之就係進度良好啦～
幸幸福福甜甜蜜蜜溫溫馨馨咁食完一餐燭光晚餐之後，我同飛揚拎住杯紅酒～坐喺泳池邊曬月光～
我同飛揚都伸左對腳落水裏面～
我用對腳仔踢下踢下～踢到泛起陣陣漣漪～
「真係好舒服呢...」飛揚BB飲一啖紅酒，放鬆一下個人～
『嗯？』我望一望飛揚BB～
「呢種環境...」飛揚BB好似好享受咁～
『嗯～咁都要有人陪先得既～』我對腳仔繼續踢下踢下～
而飛揚BB既視線就不時都被我對腳仔吸走～
而家有你望住我對腳仔踢下踢下就話姐～
『平時得我一個既時候，好悶架...』我既笑面裏帶著點點哀愁...
我做乜又扮岳飛～
不過講真...得自己一個踢水既話...俾邊個睇喎～
「你都係快D捉你隻米奇返黎陪你啦～」飛揚BB再飲一啖紅酒～
我隻米奇...
我情深深咁望住飛揚BB...望左佢好一陣子：『你有無聽過...一個故事...』
飛揚BB又好似俾我迷住左咁：「故事？」
『是咁的...從前，有一位士兵，愛上左美麗既公主。國王知道之後，對嗰位士兵講：「如果你喺城牆下企足一百日，我就讓公主嫁俾你啦！」由嗰日起，唔理係烈日當空，定係風雨交加，士兵一直堅持企喺城牆下，全城都被佢既行動所感動。到左第九十八日既晚上，當全城都為士兵快要完成任務而雀躍既時候，佢竟然流下淚來，愈喊愈傷心，直至喊到第九十九日，就喺呢一日，佢默默地轉身離開左城牆，從此，再無人見過士兵既出現...到底，點解佢要走？我問過好多人，每個人既答案都唔同，你既答案又係點既呢？』我依然情深深咁望住飛揚BB...
飛揚BB呆左一呆...諗左一諗...
時間好似停頓左咁...好似返緊轉頭咁...好似倒緊帶咁...
「士兵喺城牆下企左九十八日，佢每日都看得見公主喺道眺望著遠方，隨住士兵百日之期漸近，佢既神情亦越黎越憂傷。最後，士兵不得不承認，雖然佢好愛公主，但公主愛既係另有其人。就喺第九十九天，士兵為左讓公主繼續等待佢所愛既人，佢決定離開嗰個國家，佢放棄左一己之私，放棄左自己付出過既努力，決心成就公主，為既係佢明白就算俾佢得到公主，公主亦都唔會幸福。」飛揚BB好無奈...又好肯定咁...講出答覆...
係公主既答覆...
七年前...公主對士兵既答覆...
有誰會比士兵更了解公主...
『又有誰會比公主更了解士兵...』我挨左落飛揚BB膊頭道...
最了解公主既...一定係士兵...
而最了解士兵既…一定係公主...
我挨住飛揚BB，對腳仔就繼續喺水裏面踢下踢下...
呢個故事...
呢個關於城牆下的士兵既故事...其實係七年前...我喺飛揚BB個Xanga上見到...
七年前...飛揚BB將呢個故事貼上Xanga...
而喺第二日...有個叫做mori_ayane既人講左個答案出黎...
就係飛揚BB頭先所講既答覆...
我相信...嗰個答覆就係公主給士兵既答覆...
而呢個眺望著遠方既公主...就係羅海月...
「好靚呢...」
『嗯？』
「喺道睇星空真係好靚呢...」飛揚BB仰望天際～
今日既夜空好清～好多星星～都真係好靚～
之不過...要欣賞星星既話...
『嘿嘿...我有更好既位置睇星～』我貼近飛揚BB～望實佢～
「下？」
『跟我黎～』
我同飛揚BB抹乾對腳之後，我就拉住飛揚BB上樓梯～
飛揚BB一直跟喺我身後～
沿住樓梯上到一樓～再上到二樓～
二樓係我既閨房喇～
我帶住飛揚BB上到黎我間以白色為主既睡房～
白色既牆身、白色既地毯、白色既梳妝檯、白色既木製天花、白色既雙人床～
係我每晚都會喺道瞓既睡房～最私人既空間～
從來都無男人上過黎～（只有清潔姐姐同維修既叔叔上過黎囉～）
今次都係第一次帶男仔上黎～
第一次～又係俾左我最愛既飛揚BB～
「雙人床？」飛揚BB望住張雙人床～有D疑惑咁～
『嗯～舒服丫嘛～而且仲可以...黎～過黎～』我坐左喺床邊～拍一拍張床～向飛揚BB示意坐到我身旁～
飛揚BB猶猶豫豫咁行到去我床邊～
做乜唔猶豫咁既樣呢～
張床又唔會食人既～
我伸出雙手～溫柔咁拉一拉飛揚BB～
當飛揚BB坐左落我張床之時，我情深深咁望實飛揚BB...輕輕推一推佢...推左佢落床～
飛揚BB好似好緊張～
我仲好似聽到飛揚個心...噗通噗通...噗通噗通咁跳...
越黎越大聲...越黎越快...
飛揚BB既心跳真係好快～
只係瞓喺我張床上...都咁緊張嘛？傻瓜～
『Hi Siri，打開天窗。』我瞓平個人～望左上天花～
飛揚BB就跟住我既視線望上天花～
“吱 咯 咯 咯 咯 咯”白色木製天花隨即打開～
“咯 咯 卡”好快，整個天花就打開晒～
同飛揚BB瞓喺張白色大床上面，望住整個夜空星際～
好壯觀...好壯麗...
比起之前自己一個睇更壯觀～更壯麗～
果然同深愛既人一齊睇，係好睇好多架～
『如果落雨既話，仲可以閂返埋塊玻璃～隔住塊玻璃睇住D雨灑落黎～都好靚架～』我同飛揚BB一齊望住個星空～
如果有機會喺落雨既時候同飛揚BB一齊瞓喺道睇就好喇～
「真係好靚呢～望住一粒又一粒星星，佢地分隔左好幾億...甚至更遠既光年，但就喺你眼前編織出一副美麗既圖畫...神之手作～」飛揚BB成個有品味既紳士咁欣賞住眼前偉大既藝術品～
飛揚BB果然係有深度～
「處女座丫～呢道可以睇到處女座～」飛揚BB指一指上天空～
連天文都識～真係好有學識～
『係丫係丫～仲有水瓶座丫～』我又指一指上天空畫一畫～圈一圈～
好壯觀～好壯麗～真係好神奇！
可以咁樣瞓道同飛揚BB欣賞星空～真係好神奇～
「我好鍾意睇星空～星空真係上帝為世人創造最美麗既油畫。」飛揚BB欣賞住上帝為世人創造最美麗既油畫～
『我都好鍾意睇星空，特別係同深愛既人一齊...』我最深愛既你...
「嗯？」飛揚BB望一望瞓喺佢身邊既我...
我情深深咁望住飛揚BB...感覺到塊面有D熱...
瞓喺道…咁近距離…望住我最深愛既飛揚BB...望住我...
我總係有D怕怕地羞...又有D...緊張...
緊張...好緊張...同飛揚BB瞓喺我張大床上...原來可以咁緊張...
我緊張到個心卜卜聲咁跳...
唔止係緊張...仲有D...有D...
呢種心跳既感覺...係唔係即係代表...
我張一張開我既小嘴…一呼一吸...一呼一吸...
就好似講緊俾飛揚BB聽...我...我想...我有D想...
我有D暈暈地...迷迷地...
望住眼定定咁望實我既飛揚BB...酒氣都衝到上腦...
喺酒精促使下…我…我開始有D大膽既舉動...
我慢慢打側個身，我地兩個既距離就越黎越接近...
飛揚BB隻手伸一伸向我條腰道...
飛揚BB用隻手輕輕掃一掃...掃一掃我條小蠻腰…
唔...只係輕輕掃一掃...我都好有感覺...
可能係...因為喺張床上既關係...
瞓喺床上...總係會...敏感D...
我怕怕羞羞咁用對手臂夾一夾...夾一夾我對已經側埋左一邊既豐滿乳房...
我夾下...夾下...好想可以俾飛揚BB...俾飛揚BB摸下我對...摸下我對豐乳...
我對大眼仔半開半合...怕怕羞羞唔係好敢正視飛揚BB...塊面越黎越熱...
我地越貼越埋...越貼越埋...
飛揚BB...隻手...開始掃上黎...開始掃上...我對豐乳...
我個嘴仔...同飛揚BB個嘴...就快...就快...
「Em…」
就喺呢個千鈞一發之際...
“叮”WhatsApp？！
「Sor…Sorry…」飛揚BB起一起身...拎部電話出黎望一望...「Ashlynn？！」
Ashlynn…條港女八婆？！
已經返左黎？
條港女八婆已經同James鬼混完返黎...
我再偷偷望下條港女八婆Send D乜野俾飛揚BB...
*噹* “女皇：聽...一…葵...”
唔係好睇到寫乜...但我估...應該係約飛揚BB聽日出黎...
約飛揚BB出黎？
岩岩先偷完食...咁快就約飛揚BB出黎？
唔通...攤牌？
『你女朋友...返左黎？』我再瞓返喺張床道望住飛揚BB...
「嗯...我...我諗我要返去喇...應承左細妹要早D返...」飛揚BB快快手手咁離開張床...
『嗯...咁...我車你返去...』我亦都跟住飛揚BB起身...
「唔使喇！你...飲完酒揸車好危險...我搭的士得架喇...」飛揚BB有D尷尬咁...
『嗯...』我點一點頭...
我明既...我明我地仲未可以...
不過...唔緊要...
『拜拜喇飛揚～星期一見喇～』我送到飛揚BB出門口，依依不捨咁揮揮手...
「嗯～星期一見～」飛揚BB亦都上的士離開...
夜空明月下...我望住架的士喺兩旁樹影間...沿住小路離開...離開...離開...
唔使幾耐...你就會離開嗰個賤女人...