買完兩隻手錶之後,我翹住飛揚BB步出Vacheron Constantin~

飛揚BB望住我Fing下Fing下手上嗰兩盒手錶~

Fing下Fing下~Fing下Fing下咁~

「Emma…使唔使放返兩隻錶落架車道先?」飛揚BB塊面好似青青地咁~

『唔使啦~放心喎~呢兩盒野咁輕,唔會阻到我既工作架喎~』我舉一舉起兩盒手錶,喺飛揚BB面前Fing下Fing下~





「我唔係咁既意思...我唔係咁既意思...」飛揚BB撳返低我隻手~

『你係驚會俾人搶?哈哈~香港係法治之區~邊會有人日光日白無法無天丫~』特首都成日講架啦~

香港係法治之區~唔容許違法行為架嘛~

咁仲有咩人會違法丫?咪就係開口埋口講法治既人囉~

唔係佢地利用法治去掩護,又點可以咁明目張膽咁違法呢~





『我地係時候要去Gay生個場道架喇~要行快兩步喇~』我拉一拉飛揚BB~

「哦哦哦...」飛揚BB又呆下呆下咁俾我拉住走~

行過幾條馬路~

穿過一隻二隻金豬~

好快就上左去Gay生個會場~





「喂~陳生~早左喎~」一上到去,Gay生就由一個西裝友身邊,急急腳咁走埋黎飛揚BB身邊~

「準時D…準時D好…」飛揚BB驚驚地咁既樣~

Gay生一手揸落飛揚BB個屁股道:「我同呢道既負責人傾好晒架喇~你鍾意點搞都得架~」

哎呀呀!你個死基佬又抽我既飛揚BB水!

我立即攝喺飛揚BB同Gay生中間:『放心啦Gay生~我地一定會幫你搞得好好睇睇~』

隔開隔開!唔準再抽我既飛揚BB水丫!

「今次呢個function呢,主要對像係D五歲以下既小朋友同佢地既家長~我都Send過有關既資料俾你地架喇~有無睇過丫?」Gay生一邊帶住我地行,一邊講~

『當然有啦~我地已經仔細咁睇過晒每一個細節...』我就開始同Gay生交流~





我相當用心咁聽Gay生既要求~又相當詳細咁向Gay生講解~

每一個細節,每一個重點,都交代得詳詳細細,永無甩漏~

Gay生都聽到點晒頭,好滿意~

因為要好好咁幫飛揚BB分擔丫嘛~

我話過為左可以幫飛揚BB分擔工作,我都會好盡力~好落力~

就算係對住好似Gay生呢種變態客人,我都會竭盡我所能去滿足佢既要求~(生意上~)

話時話...以前飛揚BB係點樣應付呢D變態客人架呢?





又會唔會成日都遇到架呢?

就算唔係呢種...又會唔會遇到另一種變態客人呢?

會唔會遇到D變態老女人呢?

D變態老女人又會唔會抽飛揚BB水呢?

除左抽飛揚BB水,又會唔會落藥女女女飛揚BB呢?

諗下諗下...飛揚BB都真係幾危險...

你知架啦...飛揚BB對住咩人都咁順得人...一D都唔識得保護自己咁...

真係分分鐘俾人拐左去都唔知丫~





唔得唔得~我真係要多D保護飛揚BB先得~

「有你地咁用心既服務,我就放心~我有D事要做要走先~你地慢慢睇~阿周生~佢地就交俾你喇~」Gay生將我地交左俾負責人之後,揮揮手就轉身走~

「李小姐。」周生行埋我地身邊,點點頭~

『你可以去休息下先~等我地睇完之後,我再Call你~』我同周生微笑點點頭~

「知道喇李小姐。有乜吩咐可以隨時Call我。」周生向我點點頭後行左出去~

「Emma…嗰個周生你又識架?」飛揚BB好奇咁問一問~

『嗯~呢座大廈係我Daddy架嘛~所以佢認得我都唔出奇~』我就喺個場道行黎行去~





雖然話我都唔知個周生叫乜名~不過佢地認得我就一D都唔出奇~

有時D乜乜酒會乜乜晚宴乜乜聚餐我都會同Daddy一齊出席~

見下世面喎~

除左同公司D員工拉近D(其實真係無乜點拉近...因為都係董事同董事一圍...高層同高層一圍...中層同中層一圍...低層同低層一圍...),仲有就係見下D世叔伯既仔仔囡囡咁囉...

之不過...我又真無乜興趣...

見咩丫見…咪同相睇差唔多…

正確黎講係政治婚姻呀...

即係你覺得同佢可以有好長遠既合作機會,就嫁個女俾佢個仔,一家人,易話為嗰D呢~

唉~所以生於豪門都唔係真係咁好架咋~

『飛揚~我覺得呢道可以放一個大型展板~而呢道呢就可以放D七彩繽紛既氣球喎~』我喺個場上面指下呢道,畫下嗰道~

「嗯~好提議~」飛揚BB好認真咁點一點頭~

『呢道仲可以Set個台~因為Gay生話會有講座既~咁呢道呢最好就係Set D可以移動既小型展板~咁咪可以方便轉場囉~』我又繼續指下畫下~

「嗯~無問題~」飛揚BB又好似上司好讚同下屬既口吻咁點點頭~

『而呢邊呢...可以放D Counter~』我又行到去牆邊~

「嗯~的確係一個好選擇~」飛揚BB又好認同咁點點頭~

乜都話好咁...

『喂喂~如果有D乜唔岩,你可以Ban我架喎~唔使就住我架~』我叉一叉腰~咬一咬唇望住飛揚BB~

「唔係丫~真係好好~你既提議我都好認同~」飛揚BB好Pure好True咁點晒頭~

哈哈~飛揚BB真係好似唔識講大話~句句都係真話咁~

又要真得黎又好怕俾人誤會係假咁~

真係好鬼死得意~

飛揚BB咁單純既話...

『咁係唔係我話乜你都話OK先?』我伸出一隻手指尾~

「下?」飛揚BB勁單純咁勾住左我隻手指尾~

『今晚上黎我屋企煮飯仔~』我用我既手指公掂左落飛揚BB隻手指公~

「哦...下?!上你道?!」飛揚BB個樣就好似一隻被豺狼誘拐既小綿羊咁既樣~

『應承左我架喇~無得反悔~』我向飛揚BB打左個眼色~

我都話飛揚BB咁單純,真係分分鐘俾人拐左去都唔知架啦~

由於我都好心急想快D返去同飛揚BB玩煮飯仔~我喺個場行多幾個圈就話諗好晒點搞走得~

話就話心急~但其實我都真係諗好晒既~

我絕對唔係D天一半地一半既人~

我一係唔做~一做就做到最好~

尤其係有關飛揚BB既~我就更加上心~

同飛揚BB行下行下又黎到停車場~

「飛揚~你喺道諗緊乜丫~」我凝視住又呆下呆下既飛揚BB~

「無無~諗緊Gay生咋嘛~」飛揚BB好似面有難色咁~

諗緊Gay生?

諗到面青青咁就唔好諗啦~

“吼...吼...吼!!!”我揸住架LP 700-4 ROADSTER,話都無咁快就過左黎中環~

『飛揚丫~我地去IFC間city’super買野料好唔好丫?』我翹住飛揚BB隻手臂搖下搖下~

「好丫好丫~city’super好丫~」飛揚BB都好贊成咁~

飛揚BB又真係好似好聽我話咁喎~

唔知再遲D既話...係唔係我話乜,飛揚BB都會話好架呢?

去到IFC,飛揚BB都望下望下~

望下D外國人呀~強國豬呀~地產Sales丫~

而飛揚BB既眼中...總係好似...充滿怒火...又帶點無奈咁~

唔知飛揚BB諗緊咩呢?

可能係覺得...香港唔似以前既香港掛~

我記得飛揚BB有喺Facebook講過好懷念九七之前既港英時代~

話嗰段時代先係屬於香港人~

對我黎講...我真係唔知~

唔係話因為我嗰時仲細...

而係...對我黎講...我既生活都無乜改變過...

不論係九七之前...抑或喺日本返黎之後...

對我地呢D站在金字塔最頂尖既人黎講真係無乜影響...

或者...就只有越黎越容易吸盡別人既血汗...

或者...就只會對越接近基層既人...越大影響...

唔知當飛揚BB同我一樣,站喺金字塔最頂尖既時候...會有乜野改變呢?

同飛揚BB推住手推車仔喺city’super裏面行下行下~

左望望~右望望~

就好似一對新婚夫婦行街買餸一樣~

好恩愛甜蜜溫馨既新婚夫婦~

「Emma~你...想煮D乜呢~」飛揚BB喺我背後問一問~

『一陣你咪知囉~』我對飛揚BB笑一笑~繼續搜索材料~

飛揚BB好鬼心急架~

我望住一塊塊扒~

有雞扒、有羊扒、有豬扒、有牛扒~

我好細心咁左揀揀~右揀揀~..

好似一個師奶仔咁揀下揀下~揀D岩心水既~揀D最靚既~

『好啦~就呢兩塊啦~』我揀左兩塊Chateaubriand steak~

「今晚你想煎牛扒?」飛揚BB望住我手上兩塊Chateaubriand steak問一問~

『係丫~煎牛扒最易煮~無咁易失手嘛~第一次請人上黎最好就係煎牛扒架啦~』我擺下擺下咁繼續行~

尤其係煮俾我最深愛既人食~第一次親自下廚既印象好重要架嘛~

「你都幾老實架喎~」飛揚BB恥笑一下我~

我雙手放後~轉一轉身~帶住微笑望住飛揚BB:『老實D唔好咩?』

飛揚BB呆晒咁望住我:「好...當然好~」

老實D...呢樣我對你好老實...

但另一樣呢?

唔...

我一直都唔想講話對你唔老實...

我唔想承認係對你唔老實...

但事實上呢?

如果俾你知道既話...你又會點諗呢?

我只希望...你會明白我既用心良苦...

我所做既一切...都係為你好...

你應該得到更好更好...

『要買既野都買齊晒喇~可以返屋企LUU~』連配菜都買好晒之後,飛揚BB幫我拎住D餸就出發返屋企~

“吼!吼!吼~”揸住架LP 700-4 ROADSTER向住屋企方向衝~

沿住淺水灣道一直衝~好快就駛過左The Lily~好快就衝到黎一D獨立式別墅~

我慢慢減速~停到我座獨立式別墅既黑色大閘前~

我喺個鎖匙包撳左一撳~

“咔”黑色大閘隨即打開~

我將LP 700-4 ROADSTER泊好~飛揚BB亦幫我蓋好車套後,飛揚BB回身望一望我座白色別墅~

望一望我座白色為主既三層式別墅~望一望落地玻璃窗~

望一望無敵大海景~

飛揚BB好似好滿意我住緊既地方~

其實我都好滿意~但如果可以同飛揚BB一齊住既話,就更加滿意喇~

飛揚BB幫我拎住D餸入屋~

『D餸放喺道得架喇~』我行左入開放式廚房~

「你屋企就係得你一個人住架咋?」飛揚BB將D餸放喺黑色大理石檯上~

『嗯~平時返工時間會有工人黎做下維修丫~打掃丫~清潔丫咁~但到我返黎之前,佢地就會走~』我都整理一下D餸~

「無人睇住?你唔怕俾人偷野架咩?」飛揚BB望一望四周~

『唔怕~邊怕得咁多架~要對人有信心先得架嘛~』我向飛揚打左個眼色~

正所謂用人勿疑~疑人勿用嘛~

『你坐下等我一陣~我上去換件衫先~』我整理好D餸~洗個手~行上玻璃製既旋轉樓梯~

我一路行上玻璃製既旋轉樓梯,飛揚BB就一路望住我對修長美腿...一路望上我對大髀...望入我條裙底...

飛揚BB望到入晒神咁~一路望~一路望~一路望一望上黎~望到我帶住微笑望住佢~

『你真係好鍾意望我對腳架喎~』我用手掃一掃自己條短裙~

望到我都忍唔住要恥笑一下你~

「我望緊你條樓梯丫~你呢條樓梯十足十IFC間Apple Store條樓梯~」飛揚BB扮晒野咁~

『咁你慢慢望喇~不過唔準上黎偷睇架~上面無門架~』我向飛揚BB打左個眼色之後,彈下彈下彈左上樓~

就係識得偷望我對腳~睇死你都唔夠膽上黎偷睇我換衫架啦~

不過...如飛揚BB真係敢上黎既話...我又唔介意喺佢面前換...俾佢睇住我換衫既~