投身社會工作都已經有一個月,好多野都要適應~

適者生存丫嘛~由我上大學既第一日,我就已經明白呢個道理~

今日放假,天氣又算好,所以就同左我個好姊妹Stella行街街~

我一早就已經上到Stella屋企,接佢出門~

呢個係我既習慣,亦稱得上係我既責任~





喺Stella身邊既朋友,每一個都習慣左呢個照顧Stella既責任~

由相識開始,直到永遠...一個對Stella不變既承諾。

「Carol丫~返左一個月工喇喎~慣唔慣丫?」Stella坐喺輪椅道,擰一擰過黎望一望我。

『唔...都OK啦~工作總算順利~係人事方面...比較複雜D姐...』喺大公司裏面工作,總有佢既麻煩之處...

「係咩係咩?你唔係話有個靚仔上司睇住你架咩?」Stella古古惑惑咁既樣...





『哎丫你個衰妹丫~取笑我咁話喇嘛?信唔信我一手推你出馬路丫喇?』我喺紅公仔前,假意推一推架輪椅~

「你捨得我去先算啦~點姐?個靚仔上司點姐?」Stella得得戚戚咁既死人樣...

『唔...講起Chris佢呢...點講好呢~』一講起Chris,我就有D怕怕地羞~

呢段日子以黎,Chris真係好似一個大哥哥...甚至乎有...更親切既感覺去關心我...照顧我~

我總係有一種...好似小妹妹咁...躲喺Chris既懷抱裏既感覺~





就好似岩岩返工頭一個星期咁...

「Carol~返左一個星期工,慣唔慣丫?」Chris一返到黎公司,野都未擺低,就第一時間行埋我個位,主動關心我~

『嗯~OK丫~再多D工作量既話,我都應付得到~』每次同Chris交流,我既心窗就好似...完完全全打開晒咁~

Chris既笑容同語調,總係會令人有一種...一種安逸既感覺呢~

「嗯~慢慢黎啦~岩岩開始唔急得既~丫!係丫...」Chris喺個袋入面搵一搵,「呢本書呢~係我之前磨唔出構思既時候,就會拎黎睇下~裏面既設計總會啟發到思維~借俾你丫~我諗應該幫到你~」

『嗯~我會好好參悟下~』我雙手接過Chris本設計書...

係Chris既明燈丫~

Chris竟然會將佢既明燈借俾我...佢對我真係好喇~





「嗯~如果你有咩唔明既話,都可以直接搵我架喎~」Chris向我展露出慈愛既微笑。

『嗯~』Chris既笑容...快要把我個心溶掉~

「嗯~加油丫~」Chris點一點頭後,行返入房~

嗯~為左你...我一定會加油架~

「照你咁講,你既Chris都幾照顧你丫~」Stella古古惑惑咁望住我...

『都真係幾架...衰妹...你肥左喎...依...』我扮晒用力咁推Stella上斜。

「邊有姐~我一直都好苗條囉好唔好?!」Stella摸一摸自己條小蠻腰。





一陣和暖既微風吹送,將Stella把長長秀髮輕輕吹起~

耀眼既陽光照射到Stella既面上,總係散發出健康既氣息~

「咁你有無試探下,人地對你有無意思先?」Stella繼續古古惑惑咁望住我...

『試探又唔係話無試過既...』但對我有無意思...我又真係唔係好清楚喎...

好似話有次見到Chris入左茶水間,我就立即拎起隻杯,急急腳咁跟埋入去...

我一入到去,就喺Chris身邊拎起樽咖啡粉黎沖~

沖完熱水,我專登企喺Chris身邊搞下搞下個杯...

「半包糖~」Chris主動幫我加左半包糖落杯咖啡道~





『嗯~』我點一點頭,『唔該~係呢...你又知我習慣落半包糖既?』

「我之前見你落完半包,都會Keep住留返下次用~」Chris一對溫柔既眼神一直望實我~

噢~我快要被電暈了~

而喺我暈倒之前,我必須要講清楚,我頭先係故意睇下Chris會唔會幫我落糖~

更加想試探下Chris有無留意我平日係會落半包~

果然,Chris除左幫我落糖,仲真係有留意我平日只係落半包!

而意想不到既係,Chris竟然有留意我仲會Keep住半包留返下次用!





試問一個男人,如果唔係對個女仔有意思,又點會咁花心機留意個女仔既一舉一動?

當然,我又唔會只用一次試探,就認定人地對我有意思咁妄下判斷啦~

有一次一大班同事飲茶,我專登快快腳坐定定,就睇下Chris會唔會主動坐喺我身邊~

而Chris又真係好自自然然咁坐喺我隔離!

講真嗰句,一個男人如果唔係對個女仔有意思,又點會咁主動坐喺佢身邊喎~

而且Chris仲會不時幫我斟茶...仲要對住我笑丫~

Chris既笑容...總係充滿愛意咁既~

當然,我又唔會因為Chris主動坐喺我身邊、幫我斟茶、對住我笑而妄下判斷佢對我有意思啦~

我都算得上係一個理性既女仔黎架嘛~

所以,我就決定喺一個合適既時候...合適既溫度...

『乞痴~』假意輕輕打左個乞痴~

「呢道冷氣凍丫...你又著得咁單薄...黎~褸住佢~」Chris除左身上件西裝褸,放到落我肩膀上~

『唔該~』我甜絲絲咁望住Chris笑一笑~

「唔駛客氣~」Chris又甜絲絲咁望住我笑一笑~

嗱~咁樣仲唔係對我有意思?

一個男人,如果只係識得除女仔件衫既話,呢個一定係只係對你身體有性趣既壞男人!

但如果一個男人識得為女仔添上自己件外套既話,呢個一定係對你有意思既好男人~

要知道,一件外套放到上一個女仔身上,就必定會吸到個女仔身上既氣味...

別人既氣味...縱使係淡淡芬芳都好,如果你唔鍾意佢,你都唔想聞到!

但相反黎講,如果你係對佢有意思,你就會想喺自己既衣物上,留有佢身上既氣味~

佢身上既氣味...

我偷偷地輕輕力咁聞一聞...

件西裝褸有Chris既氣味!

一種成熟穩重既男人味喔~

陶醉喺Chris既男人味之中,總令我心靈得到一種...溫暖...舒適...安寧~

可能你會話:「自己走去買支CK都得啦!」

點同呢?!

香水經過唔同人既體溫,會散發出唔同既香味架嘛!

所以話你唔識野呢~

而家既我...聞住Chris既男人味...我好想...我好想可以俾Chris...俾Chris緊緊抱住~

讓我陶醉於Chris既緊抱之中~

「係唔係真架?你有無誇大到架?」Stella一邊揀衫,一邊質疑我。

『係真架!我無誇大到架!仲講少左添喇~』你個衰妹丫~講到我好似喺道自High梗咁喎...

「如果你所講既唔係你既主觀見解既話...咁佢都應該真係對你有D好感喎~」Stella拎起左條碎花長裙望一望。

『緊係唔係我既主觀見解啦!我不嬲都好客觀架囉好唔好!』仲話係好姊妹喎...Stella都唔了解我既...

「咁你有無打探下佢有無女朋友丫?」Stella又拎起左條粉藍色吊帶長裙望一望。

『唔...仲未諗到有咩方法打探丫...』呢個係一個大難題呢...

「喺D同事口中打探下咪得囉~如果佢有女朋友既話,D同事一定知架~」Stella又拎起左條粉紅色熱褲仔。

『嘩!好難諗藉口去問姐...班八婆八公好敏感架!隨便問一問,班敏感既八婆八公一定話我鍾意左Chris!唔駛一個鐘,實唱到全公司都知!到時就大件事喇...』真係唔好睇少D辦公室八婆八公黨!

「咁又係...咁Facebook呢?Facebook一定探知到一二架啦~」Stella又拎起左條粉紫色百褶長裙。

『我都仲未諗到點問佢拎Facebook丫...我有試過喺D同事既Facebook裏面搵...但搵左成幾晚都係搵唔到...可能佢地覺得Chris係上司,唔敢Add佢掛...』雖然Chris份人好Nice,但上司始終都係上司...做下屬既都係保持下距離好D...

「咁就麻煩喇...呢D時候,最好都係問下我地最有愛情經歷既陸珮琳小姐啦~可惜既係,佢岩岩又同佢男朋友鬧交~無咁既閒情理我地架喇~」Stella喺D飾物前望一望。

『係囉...你話我地好唔好去陪下珮琳,開解下佢丫喇?』我繼續推住Stella。

「唔駛啦~你都唔係唔知,每次珮琳同佢男朋友鬧交,都會玩失蹤~玩自閉~點搵都搵唔到佢架喇~我地就俾佢自己靜下啦~到佢靜完後,就會搵返我地架喇~等等等等等~我想睇下呢件~」Stella又拎左件米黃色小背心黎睇。

『嗯...唯有係咁啦...』珮琳呢個大小姐,擁有一種好似貓一樣既性格~

而且仲...總係感性行先~

珮琳都拍過好多次拖,而每次都係珮琳提出分手...

珮琳話唔係因為佢玩玩下,佢對愛情係好認真!但就係太認真,所以遇極都遇唔到個夾得黎架喎~

而珮琳現任呢個男朋友(如果仲未散既話),都可以話係拍得最長最耐既一個~

只係...不時都會聽見珮琳話又同佢男朋友鬧交~

我同Stella一聽到珮琳話又同佢男朋友鬧交之時,就預左佢又會玩失蹤架喇~

不過話時話,我同Stella都未見過珮琳現任男朋友係咩長相...

希望仲有機會見下啦~

「喂~唔好就係得我揀啦~你都揀下衫啦~」Stella拉一拉我隻手。

唔...揀下衫...

我隨手拎起左條藍色牛仔褲...又隨手拎起左件黑色短袖Tee...

「喂喂…你可唔可以唔好揀埋晒D咁死板架~少女黎架~著D色彩繽紛D得唔得?好似呢件咁啦~」Stella拎起一件粉紅色碎花V領短裙...

『短裙黎架喎!我都唔著D咁暴露既...』我托一托副眼鏡...

「暴咩露姐~女仔黎架嘛~緊係要賣下腿架啦~你對腳仲要咁靚~唔Show下真係嘥晒丫~拎住先拎住先~仲有呢條~」Stella又拎左條橙色短褲仔俾我...

『嘩!短褲短到...露晒出黎架...』我喺Stella既耳邊細細聲講...

「就係要咁!男人不論八歲定八十歲,都係咁鍾意?D若隱若現既野架~你唔咁樣又點吸引到你既男神注意丫?」Stella古古惑惑咁望住我...

乜真係咁架咩?

乜真係所有男人都係咁鹹濕架咩?

其他男人我就真係唔知,但Chris...我又唔覺得佢到女仔既身體真係咁感性趣咋喎...

平時D女同事條裙有幾短都好,Chris連一眼都唔會偷望下既...

「拎住先拎住先~仲有呢件~」Stella又拎左件加細碼既背心仔俾我...

『嘩!咁細件…凸晒出黎架喎…』我雙手撳一撳自己個胸...

「就係要你凸晒出黎~你咁好身材都唔Show Off喎...正一大嘥鬼~係時候去試下身架喇~GOGOGO~」Stella舉晒手咁...

真係要試?

總係覺得...好似...有點性感喎...

喺同Stella行去試身室既時候,Stella仲要拎多幾件唔係賣腿既短裙仔...就係Show胸既背心仔...又或者係大露背既吊帶連身短裙...再唔係就緊到露出Gap形既熱褲...

「我D衫就唔駛試喇~等等我喺出面等你啦~」Stella向我揮揮手。

『嗯?做咩唔試丫?怕羞丫?唔駛怕羞喎~又唔係未見過你全相~』不嬲同Stella買衫,唔係珮琳陪佢入去試,就係我陪佢入去試架啦~

「唔~唔~」Stella擰擰頭,「我買衫都買到熟晒啦~自己著埋碼,一眼就睇得出喇~唔駛試黎試去咁麻煩~」

睇見Stella咁有主見又咁肯定,真係好佩服呢個衰妹呢~

『咁好啦~你等等我~小心D喎~』我捉一捉住Stella隻手。

「得啦得啦~你認認真真試好D丫~嘻嘻...」Stella意淫淫咁笑一笑…

『OKOK...』Stella呢個衰妹~成日都古古惑惑咁~

但當我行入試身室既時候,我總係會不自覺咁,回頭望返Stella幾眼...

唔知點解呢...每次離開Stella身邊,我都總會...總會唔多放心咁...

我總係覺得...喺Stella身邊...先至安心...

入到試身室之後...

我將黑色既短袖Tee除下...

再將深藍色既牛仔褲除埋落黎...

只係戴住白色Bra...著住白色底底...企喺塊全身鏡前...

我仔細咁打量一下自己...

『我個胸...』我雙手托一托雙乳,『雖然話唔係大...但都有32C既...而我條腰…』

我摸一摸我條腰:『都只係24吋姐...』

扭一扭個身,望一望自己個屁股:『大就唔算大...但都叫翹翹地丫...』

至於對腳...

『唔...雖然無42吋長腿...但都唔算粗...稱得上係筷子腳...』

再望真D自己:『皮膚都算白...都叫做上滑啦...我諗唔叫得上正,都唔係好差姐...唔...我係唔係應該聽Stella講...唔好收埋自己...表露一下自己既美呢?』

我望住頭先Stella幫我揀嗰堆衫褲...再望一望鏡裏面既自己...

唔...係唔係著左呢D衫,就吸引到Chris既注意架?

我首先拎起左條粉紅色碎花V領短裙望一望...

由細到大,除左校裙之外,我就無著過任何款式既裙...

裙呢種衣物...我總係覺得...怪怪地咁...

唉~既然係Stella幫我揀既,我就只好試試佢啦~

反正喺試身室,都無人見到架啦~

當我將條粉紅色碎花V領短裙著上身之候...

嘩!條裙短到上大脾喎!

而且個感覺...好怪呢...

下面好似空盪盪咁...無遮無掩咁...好無安全感...

唔單止成對腳都涼陣陣...就連最敏感既位置都好似感受到冷氣既凍...

好...好害羞既感覺呢...

而且條裙咁短...好易走光姐...

我只係擺動一下身體,條裙就輕輕飄起...

差D就露出底底喇!

容乜易俾人睇蝕架?!

「就係要咁!男人不論八歲定八十歲,都係咁鍾意?D若隱若現既野架~你唔咁樣又點吸引到你既男神注意丫?」

若隱若現咁...係唔係真係可以吸引到Chris既注意架?

我再望一望塊鏡入面既自己...托一托副眼鏡...

雖然我對腳本身唔算長,但喺短裙襯托下...又好似...拉長左唔少咁喎...

我喺鏡前面左擰擰,右擰擰,擺出唔同既姿態...

又的確係幾靚...幾迷人既...

唔單止對腿夠誘惑...V領仲露出少量...少量白滑既乳房...

有D性感...但又唔算暴露...

唔知Chris見到既話,會有咩反應呢?

會唔會對我既身體...產生反應呢?

依~女仔黎架~唔可以咁唔知羞~

不過而家既我,又真係幾迷人...

我再喺鏡前欣賞一下自己既美麗之後...

不如試埋其他啦~

我將條粉紅色碎花V領短裙除左落黎之後,再換上一件加細碼既白色背心仔...

嘩!件背心仔緊到...成個Bra形都凸晒出黎!

下身只係得條底底既我,喺塊全身鏡面前左擰擰,右擰擰...

呢D咁既背心仔,同底衫有乜分別?

叫人點著出街喎...

再望多兩眼...都係試埋條褲先啦...

我再拎起條橙色短褲仔...

好緊...好緊...真係...好緊丫...

幾經辛苦,終於都將條橙色短褲仔著到上身...

照一照鏡…

成個三角形都露晒出黎喇!

點著出街丫...實會俾D變態佬視姦架喎...

而且...緊成咁...我行兩步路都好似喺道磨梗豆腐咁...

好羞恥姐...

呢D褲平日喺街上都見到唔少小妹妹著...佢地究竟係咩心態架?

不過望真D...一件加細碼既白色背心仔襯上一條橙色短褲仔...又真係幾青春...幾可愛既...

唔...唔知Chris鍾唔鍾意可愛型既女仔呢?

如果有機會同Chris出街...我咁樣著既話...會唔會令Chris對我心動呢?

唔...我諗...點都會有D掛~

而家既我,有上有下,有前有後咁...又真係幾吸引既~

我再喺鏡前自戀多一陣...

都係快快手手試晒D衫去~唔好要Stella喺出面等我咁耐!

我快快手手試埋D熱褲丫~短裙仔丫~吊帶連身裙丫之後...

「試完喇?咁快既~有無試清楚架~」Stella打量左我幾眼。

『試清楚晒架喇~唔想你等咁耐丫嘛~』我都急急腳咁行到埋Stella身邊。

「咁岩唔岩心水丫?」Stella捉住我隻手,Fing下Fing下。

『OK咁啦~』都真係幾岩心水~件件都盡顯我既優點~

「咁就好啦~買晒佢~買晒佢~快D俾錢~」Stella指住個收銀處。

『嗯嗯~咁我地行去俾錢喇~』我就推住Stella,行去收銀處。

呢個衰妹~下左決定之後,總係有D心急去完成目標~

而就算下任何決定,Stella總係唔會後悔~

「Carol丫~我仲想去買D畫具丫~如果你唔得閒既話,可以走先唔駛陪我喎~」同Stella俾完錢之後,我繼續推住佢行出H&M。

『傻妹黎既~我今日全日都要黐實你架喇~你無得唔要我架~』呢個衰妹,成日都咁自立咁,搞到我地想搵多D藉口陪佢都唔得~

「唉~你地丫~一個二個都係咁架~佢地嗰班野丫~又係咁~成日都一大班人圍住我黎轉~搞到我想靜靜地畫下畫都無時間~」Stella攤開雙手擰擰頭。

『大小姐丫~朋友係要見架嘛~』我Chok一Chok Stella張輪椅...

「喂喂~係喇係喇~知喇知喇~要見丫嘛~」Stella扶一扶穩。

『知就最好啦~去邊間買畫具丫?商務?大眾?』我再穩穩當當咁推住Stella。

「嗰邊開左間新既舖頭~專賣畫具架~畫具又齊又有大牌子喎~就喺嗰邊嗰邊~」Stella指住左邊。

『嗯嗯~嗰邊丫嘛?就連用具都咁有要求喇~想幾時開返個畫展丫~大畫家~』我推住Stella去佢指住既方向。

「大咩畫家開咩畫展丫~講笑咩~香港無藝術發展既空間架~我都只係想瘋狂做愛做既事姐~」Stella笑笑口,擰擰頭...

唔…都係既…

喺香港搞藝術...仲慘過喺街邊乞...

不過...

『無論點我都會支持你架~』我搭一搭Stella膊頭。

「嗯~多謝你呢~」Stella摸一摸我隻手。

喺香港可以瘋狂做愛做既事,真係一D都唔容易...

或者就只有好似Stella呢種有一顆藝術家既心,先可以堅持自己既夢想~

同Stella買完晒野,又行左一陣,食埋雪糕後,我就送埋佢返屋企~

『係喎~不如搵日約埋珮琳,我地三姊妹一齊去黃大仙求籤囉~』臨走就前,我腦海中突然閃出呢個提議~

「你個神婆丫~嗯~都好丫~等珮琳上返水,我地三姊妹就去黃大仙求籤啦~」Stella對住我陰陰嘴笑…

『嗯~咁你自己小心啦~我走喇~拜拜~』

「OK啦~你返去都小心D喇~拜拜~」

等珮琳上返水,我地三姊妹就去黃大仙求返支靚籤!