單獨相處既機會...

要同Chris單獨相處既機會...

其實都真係有好多...

呢段時期,我都專登等到Chris走先走。

每晚都坐上紅色既Mini Cooper…





每晚都聽住發出“叮叮噹...叮叮噹...”聲響既平安符...

每晚都有Chris喺我身邊...送我返去...

而Chris都好似已經習慣左送我返屋企。

只係...我地之間好似仲係保持住...未發乎情,就已經止乎禮既境界...

雖然我已經著返D性感衣著返工,但Chris對我投射既目光,都只限於欣賞...





係咯…只限於欣賞,就連一D色迷迷既感覺都無...

你問我係唔係矜持得制?

係唔係太過小心?

係唔係仲未夠突顯自己既優點?

嗱~我唔係無聽好姊妹既話架~





我好記得珮琳同Stella都講過:「喺適當既時候,就要扮晒唔覺意咁走光俾佢睇~」

我真係有好好咁記住架~

而且我都有好好咁搵D適當時機架~

好似話Chris行近我個位既時候,我都有扮晒唔覺意咁將個身靠一靠前,露出胸口俾佢睇~

又好似話上Chris架車既時候,我都會拉高少少條短裙,開分多少少大腿,等Chris容易D睇到我裙下春光~

除左視覺,我仲有俾D觸覺刺激佢~

入?既時候,我都會靠近Chris,等佢隻手可以掃到我裙邊,甚至掃到我大腿~

行喺Chris身邊既時候,我又會扮晒唔覺意咁請佢食波皮~





當然就唔會話好過份咁,成個人壓埋去啦~

要做既,我都差唔多可以話做過晒~

但係...Chris硬係會好似望唔到丫...一掃到就避開丫...壓左少少埋去就彈開丫咁囉...

唉~做左咁多害羞既事,都唔望一下...摸一下...Chris會唔會人太好了吧...

「Carol?等等你咪要出去見客既?我同埋你一齊去啦~」當我仲喺道諗梗點樣可以再色誘...誘惑!誘惑Chris之時,Chris就行到埋我個位前。

『哦哦...唔駛啦~我自己一個得架喇...』呢個時候,我又故意夾一夾條乳溝出黎...

「都係等我同你一齊去啦~好好準備下喇~我再整埋D野,一陣一齊出發~」但Chris望都無望我條溝一眼,就轉身行返入房。





『哦...』

我望一望自己胸前...條溝夾得唔夠深咩?

執好晒D野…

Check一Check D圖係唔係過晒落部機~

再Check一Check有無放埋上雲端道做Backup~

再Check多次有無拎齊要拎既野...

其實,而家一部iPad都差唔多可以代替晒所有用具~

真係方便~





特別係對我而家呢種著得咁單薄又輕鬆既女仔黎講,越輕便越好~

一部iPad加上一個手袋仔就行得~

「Carol~行得未?」Chris已經拎埋公事包行到我身邊。

『嗯嗯~行得~』我拎一拎起個手袋仔同部iPad之後,行到Chris身邊~

跟住Chris身邊,總係有一種...

總係覺得...可以交晒成個人俾佢既感覺...

可能呢D就係叫做安全感掛~





坐上Chris架Mini Cooper,又要聽住發出“叮叮噹...叮叮噹...”聲響既平安符...

我硬係睇呢舊平安符唔順眼!

Chris唔覺得呢舊野好有問題架咩?

點解唔Dom鬼左佢呢?

「Carol丫~一陣間見到葉生既時候,坐喺我身邊,唔駛同佢講解架喇~」Chris好專心咁留意住路面。

『下?』我唔係好明Chris既意思...

我同葉生會面過一次...

D E-mail都係我覆佢既...

點解Chris話等等唔駛我同佢講解呢?

「等等由我黎處理就得架喇~」Chris點一點頭。

『哦...』由Chris黎處理?

嗯...係對我無信心?

覺得我會...處理得唔夠好?

沿途上,我都一直喺道諗...

諗到到達目的地...諗到落左車...諗到行到入黎酒店既咖啡室...諗到行到黎葉生面前...

我都係諗唔通...

「黎左喇?坐丫。」葉生面色唔多好咁...

「唔好意思~要葉生你等添~」Chris拉一拉我,拉到我坐喺佢身邊。

「廢話少講喇!圖呢?」葉生口黑面黑咁伸一伸手。

我第一時間將部iPad交到Chris手中...

Chris好快手咁開出設計圖,遞向葉生...

「我地已經跟住你...」Chris都仲未將說話講完...

「我咪話左呢道要改架囉!都唔係咁!點做野架你地?」葉生一手就將部iPad Dom喺張檯上!

呢一刻,我終於知道iPad既缺點...

就係對住D發老脾既客,係有機會承受破損既威脅!

「葉生…我地已經係跟住你最後既...」Chris再一次未將說話講完...

「你而家叉撚住我呀?!」就俾葉生既粗口打斷...

「葉生,我唔係Challenge你,之不過...」Chris又再一次未將說話講完...

「講英文呀?好撚叻呀?我話唔係咁就唔係咁啦廢柴!」又俾葉生既粗口打斷...

『唔係喎葉…』我都未將說話講完...

「唔咩係呀?你呢個?妹丫~都唔知係唔係撈既~叫你畫少少野都畫成咁!做咩丫?著得咁少布想勾引我呀?勾引到我你就唔駛做啦下話~等我睇過~白白滑滑波挺挺咁係幾得既~嘿嘿嘿...」葉生望一望我對腳...又望一望我個胸...淫笑左幾聲...

見到呢種色魔既眼神一直盯住自己既身體...真係好委屈...

「葉生,我地黎係傾個設計。請你尊重D...」Chris捉一捉實我隻手...

Chris...

「我有幾唔尊重呀?我就係尊重佢,先計下佢值咩價咋!睇呢個小妹妹個殼都唔錯丫~咁啦~今晚陪我一晚,你個圖就唔駛再改喇~嘿嘿嘿...」葉生雙眼掃視我全身...

鹹濕佬...真係死鹹濕佬...

又唔知自己肥...又唔知自己一把年紀...

好過份...真係好過份...

『我...』我都未將“唔係做嗰D野架”講出口...

「葉生,唔好話專重人,你就連自己都唔識得專重!不過都岩既~因為你唔係人,你連畜生都不如!我地係唔會再同你做生意架喇!返去食屎喇!」Chris爆完一句之後,拉住我起身走...

「你講咩呀?你你你你咁樣算係點撚樣呀?你走呀!你夠膽就走呀!我實向你老細投訴你!」葉生把嚄嚄聲越黎越遠...

Chris佢...

Chris佢為左我...

為左顧及我感受...

實在太有型喇~

型就實在係有型,之但係...

Chris一直拖住我,我又一直跟住喺Chris後面...

躲喺最深愛既男人身後,讓佢為你喺面前遮風擋雨,係女人最幸福既事~

我而家既情況,算唔算得上就係咁呢?

我諗都應該可以話係喇~

頭先喺短短嗰幾秒之間發生既事,Chris真係好型呢~

之但係...型係要負出代價架喎...

我地得失左一個客...

根據“客人永遠是對的”既歪理,頭先Chris咁鬧嗰隻葉生...

擺明就係死罪啦!

嗰隻葉生仲話要向老細投訴...

點算呢...點算呢...

『Chris…咁樣做...會唔會唔係咁好丫...我地不如返去同葉生道個歉...』客人永遠是對的...客人永遠是對的...

「做乜道歉?我地都無錯~放心喎~如果老細怪罪落黎,我會孭起晒佢~唔會影響到你既~」Chris向我展露出親切既笑容。

『唔係…我唔係咁既意思...』我未將說話講完...

「況且頭先嗰隻葉生太過份!佢點可以咁樣講?!加上佢望住你嗰種眼神...真係想插盲佢對眼!」Chris板起塊面...

Chris佢...

Chris佢呢種神情...

Chris佢呢個嬲樣...

『哈哈~』我忍唔住笑左出黎~

「你咁都笑得出丫?」Chris滿頭問號咁打量左我幾眼。

『嗯嗯~哈哈哈~』Chris個樣真係好好笑~

我從來都未見過Chris嬲既樣~

今次真係第一次~

仲要係因為我...

因為唔願意見到我被佔便宜...

「嗯~你真係丫~」Chris無奈咁笑一笑~

有時候,你就係唔明白,唔明白女仔既心態~

總係會覺得女仔好奇怪~

無啦啦會笑~無啦啦會喊~無啦啦會喺你面前烏低身執野~

其實...女仔既一個笑容,一個擺動,可能只係因為你一個舉動導致~

可能只係因為...佢喜歡你...佢愛上你...

「好喇~今日唔駛再返公司~就當偷下懶~提早放工啦~」喺陽光照射之下,Chris舉起雙手,伸個懶腰。

Chris…幾時都係咁Charming...

「我送你返屋企啦~」Chris將注意力放到我身上。

『ER…唔好唔好...』難得有個可以同Chris單獨行下既機會...

「下?」Chris有D錯愕。

『ER…難得有D時間...不如...我地行陣先...好唔好丫?』我點都要爭取下!

「哦~好丫~好似好耐都無行過...你想行去邊?」Chris點一點頭。

成功喇~

可以同Chris單獨行下街~

從來都無試過呢~

一直以黎,唔係一大班同事食飯,就喺Chris送我返屋企~

從來都無試過可以好似朋友咁,同Chris單獨行下街街~

就算係食晚飯,都未試過單獨一齊食~

今次終於可以有咁既機會喇~

但...行去邊好呢...

一時之間,又好似好難諗咁...

人就係咁~

往往喺期待已久既事發生之時,你總係未有迎接既準備...

唔...

『丫~呢道咁近黃大仙~不如去求返支好簽咯~』我雙眼發光咁望實Chris。

Chris先係呆一呆,然後自然地流露出親切既笑容:「好丫~我都想...問問前路~」

同Chris喺陽光照耀下一路行~

路上難得有微風輕送~

今日確實係一個好日子~

而事實上,只要有Chris喺身邊,任何時刻都係好日子~

「估唔到你對中國傳統野都有興趣喎~我以為女仔都只會留意星座架添~」Chris靠一靠近我身邊~

『都有架~除左中國傳統既占卜問卦之外,我對星座啦、塔羅啦、水晶石啦都好有興趣架~一得閒就會研究研究~』而且仲特別深究有關愛情方面既事添~

「哈哈~係丫?咁你都幾神婆架喎~」Chris笑一笑~

但溫柔既笑容之中,感覺唔到有半份恥笑成份~

『咁女仔丫嘛~或多或少都總會有迷信既時候既~』只係我比一般既女仔迷信多少少姐~

「係丫?可能我唔夠了解女仔掛...」Chris若有所思咁笑一笑…

Chris呢個笑容...硬係好似...帶住一點點...失落?

「係呢~咁你有無睇過百變小櫻Magic咭丫?」Chris又回復返一面和藹既笑容。

『有丫有丫~我細個既時候好鍾意睇~而且仲有人話我似小櫻~』我記得細個既時候,剪左個短髮,D同學都話我同小櫻有D相似~

「係丫?咁嗰陣既你咪好得意囉?」Chris笑起上黎,真係有D似百變小櫻Magic咭裏面既雪兔哥哥~

但係佢呢句說話...

『咁我而家唔得意咩...』對敏感既我黎講,簡單係一個致命打擊!

Chris揮住雙手,急望咁解釋:「唔係唔係~而家既你唔係單單既得意~仲有種少女既美~」

我...我有少女既美?

Chris…讚我...美?

我係第一次...由Chris既口中...聽到佢對我既讚美...

係第一次…

「咁你有無睇過翼丫?」Chris仲係好似雪兔哥哥咁既笑容望住我。

『有丫有丫~我屋企仲有晒成套丫~』仲要搵左個防潮箱入住~

「我都有喎~嗰陣讀書既時期,真係唔食飯都要儲錢買~」Chris面上帶著一點點稚氣~

『咁你一定有追埋XXX啦~』

「呢層就必然架啦~」

『咁你都幾CLAMP架喎~』

「哈哈~好耐都無聽過有人咁話我喇~」

『睇親CLAMP系列既男仔都會俾人話CLAMP是常識吧~』

「真係好懷念嗰段日子呢~」

『你仲記唔記得百變小櫻之再見Magic咭最後嗰幕丫?』

「記得~緊係記得啦~我覺得嗰套OVA埋尾埋得好完美~」

『嗯嗯~我都覺得埋得好靚呢~』

「至於XXX我有D唔係好明喎...」

『有咩唔明丫?講黎聽下~等我解答下你啦~』

「好似話...」